ഥാർ ഫാൻസിനൊരു സന്തോഷ വാർത്ത, കാത്തിരിപ്പ് കാലാവധി കുറഞ്ഞു, ഇനി ഇത്രമാസം മാത്രം!

മഹീന്ദ്ര ആൻഡ് മഹീന്ദ്രയുടെ ഏറ്റവും കൂടുതൽ വിറ്റഴിക്കപ്പെടുന്ന എസ്‌യുവികളില്‍ ഒന്നാണ് മഹീന്ദ്ര ഥാർ. അതിൻ്റെ ഡിമാൻഡ് അതിൻ്റെ കാത്തിരിപ്പ് കാലയളവിൽ നിന്ന് വളരെ വ്യക്തമായി കാണാം. 15 മുതൽ 16 മാസം വരെയായിരുന്നു 2023 ഒക്ടോബറിൽ ഥാറിൻ്റെ കാത്തിരിപ്പ് കാലയളവ്. എന്നാൽ ഏറ്റവും പുതിയ റിപ്പോർട്ടുകൾ പ്രകാരം, ചില മോഡലുകളുടെ കാത്തിരിപ്പ് കാലയളവ് ആറ് മാസം വരെ കുറഞ്ഞിരിക്കുന്നു. അതേസമയം മഹീന്ദ്രയ്ക്ക് ഇപ്പോഴും 71,000 യൂണിറ്റ് താറിൻ്റെ ബാക്ക് ലോഗ് ഉണ്ടെന്ന് റിപ്പോർട്ടുകൾ വ്യക്തമാക്കുന്നു.

മഹീന്ദ്ര ഥാർ 4×2, 4×4 വേരിയൻ്റുകളിൽ വാഗ്ദാനം ചെയ്യുന്നു. ആദ്യ വേരിയൻ്റിന് ഏറ്റവും ദൈർഘ്യമേറിയ കാത്തിരിപ്പ് കാലയളവുണ്ട്. മഹീന്ദ്ര ഉൽപ്പാദനം വർദ്ധിപ്പിക്കുന്നതിനാൽ, താരതമ്യേന കുറഞ്ഞ കാലയളവിൽ വാങ്ങുന്നവർക്ക് അവരുടെ വാഹനങ്ങൾ ലഭിക്കുമെന്ന് പ്രതീക്ഷിക്കുന്നു. മഹീന്ദ്ര ഥാർ 4×2 ഡീസൽ വേരിയൻ്റിന് 10 മുതൽ 11 മാസം വരെ കാത്തിരിപ്പ് കാലാവധിയുണ്ട്. എന്നിരുന്നാലും, പെട്രോൾ ഥാർ 4×2 വേരിയൻ്റിന് അഞ്ച് മുതൽ ആറ് മാസത്തെ കാത്തിരിപ്പ് കാലാവധിയുണ്ട്. 2023 ഒക്ടോബറിൽ ഥാർ RWD വേരിയൻ്റിൻ്റെ അല്ലെങ്കിൽ 4×2 വേരിയൻ്റിനായുള്ള കാത്തിരിപ്പ് കാലയളവ് 15 മുതൽ 16 മാസം വരെയായിരുന്നു.

എഞ്ചിനിലേക്ക് വരുമ്പോൾ, ഥാർ RWD വേരിയൻ്റിന് 1.5 ലിറ്റർ ഡീസൽ എഞ്ചിൻ അല്ലെങ്കിൽ 2.0 ലിറ്റർ പെട്രോൾ എഞ്ചിൻ ലഭിക്കുന്നു. 1.5 ലിറ്റർ ഡീസൽ എഞ്ചിൻ 118 എച്ച്പി കരുത്തും 300 എൻഎം ടോർക്കും ഉത്പാദിപ്പിക്കും. ആറ് സ്പീഡ് മാനുവൽ ഗിയർബോക്സുമായി എഞ്ചിൻ ജോടിയാക്കിയിരിക്കുന്നു. അതേസമയം 152 എച്ച്പി പരമാവധി കരുത്തും 300 എൻഎം ടോർക്കും ഉൽപ്പാദിപ്പിക്കുന്ന 2.0 ലിറ്റർ പെട്രോൾ ടർബോചാർജ്ഡ് എഞ്ചിനുണ്ട്. ആറ് സ്പീഡ് ടോർക്ക് കൺവെർട്ടർ ഓട്ടോമാറ്റിക്കാണ് എഞ്ചിൻ വരുന്നത്.

എഞ്ചിനിലേക്ക് വരുമ്പോൾ, ഥാർ 4WD വേരിയൻ്റിന് 2.2 ലിറ്റർ ഡീസൽ എഞ്ചിൻ അല്ലെങ്കിൽ 2.0 ലിറ്റർ പെട്രോൾ എഞ്ചിൻ ലഭിക്കുന്നു. 2.2 ലിറ്റർ ഡീസൽ എഞ്ചിൻ പരമാവധി 132 എച്ച്പി പവർ ഉത്പാദിപ്പിക്കും. 152 എച്ച്പി പരമാവധി കരുത്തും 300 എൻഎം ടോർക്കും ഉൽപ്പാദിപ്പിക്കുന്ന 2.0 ലിറ്റർ പെട്രോൾ ടർബോചാർജ്ഡ് എഞ്ചിനുണ്ട്. 6 സ്പീഡ് മാനുവൽ, ഓട്ടോമാറ്റിക് ഗിയർബോക്‌സിലാണ് എഞ്ചിൻ വരുന്നത്.

youtubevideo

• Mahindra Thar