വാഗൺആർ തന്നെ ക്യാപ്റ്റൻ, ലക്ഷംലക്ഷം പിന്നാലെ!
മൊത്തം 3.27 ലക്ഷം പാസഞ്ചർ വാഹനങ്ങൾ കഴിഞ്ഞ മാസം വിറ്റഴിച്ചു. മുൻ വർഷം ഇതേ മാസത്തെ 3.21 ലക്ഷം യൂണിറ്റുമായി താരതമ്യം ചെയ്യുമ്പോൾ രണ്ട് ശതമാനം വളർച്ചയാണ് ഉണ്ടായത്. എന്നിരുന്നാലും, 2023 മെയ് മാസത്തിൽ വിറ്റ 3.35 ലക്ഷം യൂണിറ്റുകളെ അപേക്ഷിച്ച് ഈ കണക്കുകൾ രണ്ട് ശതമാനം കുറഞ്ഞു. ഇതാ 2023 ജൂണ്‍ മാസത്തില്‍ ഇന്ത്യയിൽ ഏറ്റവും കൂടുതൽ വിറ്റഴിക്കപ്പെടുന്ന 10 കാറുകൾ
 )
Followപുതിയ ഉൽപ്പന്ന ലോഞ്ചുകൾ, മെച്ചപ്പെട്ട ചിപ്പ് വിതരണം, കുറഞ്ഞ കാത്തിരിപ്പ് കാലയളവ് തുടങ്ങിയവ കാരണം 2023 ജൂണിൽ ഇന്ത്യൻ ഓട്ടോമൊബൈൽ വ്യവസായം മികച്ച വാര്‍ഷിക വളർച്ച കൈവരിച്ചു. മൊത്തം 3.27 ലക്ഷം പാസഞ്ചർ വാഹനങ്ങൾ കഴിഞ്ഞ മാസം വിറ്റഴിച്ചു. മുൻ വർഷം ഇതേ മാസത്തെ 3.21 ലക്ഷം യൂണിറ്റുമായി താരതമ്യം ചെയ്യുമ്പോൾ രണ്ട് ശതമാനം വളർച്ചയാണ് ഉണ്ടായത്. എന്നിരുന്നാലും, 2023 മെയ് മാസത്തിൽ വിറ്റ 3.35 ലക്ഷം യൂണിറ്റുകളെ അപേക്ഷിച്ച് ഈ കണക്കുകൾ രണ്ട് ശതമാനം കുറഞ്ഞു. ഇതാ 2023 ജൂണ്‍ മാസത്തില്‍ ഇന്ത്യയിൽ ഏറ്റവും കൂടുതൽ വിറ്റഴിക്കപ്പെടുന്ന 10 കാറുകൾ
മോഡൽ, വിൽപ്പന എന്ന ക്രമത്തില്‍
മാരുതി വാഗൺആർ 17,481
മാരുതി സ്വിഫ്റ്റ് 15,955
ഹ്യുണ്ടായ് ക്രെറ്റ 14,447
മാരുതി ബലേനോ 14,077
ടാറ്റ നെക്സോൺ 13,827
ഹ്യുണ്ടായ് വെന്യു 11,606
മാരുതി അള്‍ട്ടോ 11,323
ടാറ്റ പഞ്ച് 10,990
മാരുതി ബ്രെസ 10,578
ഗ്രാൻഡ് വിറ്റാര 10,486
ഉയർന്ന ഡിമാൻഡും പുതിയ മോഡലുകളുടെ വരവും മൂലം എസ്‌യുവി വില്‍പ്പന കൂടുതൽ ശക്തമാവുകയാണ്. 2023 ജൂണിൽ ഇന്ത്യയിൽ ഏറ്റവും കൂടുതൽ വിറ്റഴിഞ്ഞ 10 കാറുകളുടെ പട്ടിക നോക്കുമ്പോൾ, ആറ് മോഡലുകൾ എസ്‌യുവികളും നാലെണ്ണം ഹാച്ച്ബാക്കുകളുമാണ്. മാരുതി വാഗൺആർ (17,481 യൂണിറ്റുകൾ) ഏറ്റവും കൂടുതൽ വിറ്റഴിക്കപ്പെടുന്ന ഹാച്ച്ബാക്ക് ആയി മാറി. സ്വിഫ്റ്റ് (15,955 യൂണിറ്റുകൾ), ബലേനോ (14,077 യൂണിറ്റുകൾ), ആൾട്ടോ (11,323 യൂണിറ്റുകൾ).
എസ്‌യുവി സെഗ്‌മെന്റിൽ, 2022 ജൂണിൽ 13,790 യൂണിറ്റുകൾ വിറ്റഴിച്ചപ്പോൾ 14,447 യൂണിറ്റ് വിൽപ്പനയുമായി ഹ്യൂണ്ടായ് ക്രെറ്റ ഒന്നാം സ്ഥാനം നിലനിർത്തിക്കൊണ്ട് അഞ്ച് ശതമാനം വളർച്ച രേഖപ്പെടുത്തി. 13,827 യൂണിറ്റുകളും 10,990 യൂണിറ്റുകളും വിറ്റഴിച്ച ടാറ്റ നെക്‌സോണും പഞ്ച് എസ്‌യുവികളും യഥാക്രമം രണ്ടും നാലും സ്ഥാനത്താണ്. ജൂണിൽ 11,606 യൂണിറ്റുകൾ വിറ്റഴിച്ച ഹ്യുണ്ടായിയുടെ വെന്യു ഏറ്റവും കൂടുതൽ വിറ്റഴിക്കപ്പെട്ട മൂന്നാമത്തെ എസ്‌യുവിയായിരുന്നു. മാരുതി സുസുക്കിയുടെ ബ്രെസയും ഗ്രാൻഡ് വിറ്റാരയും യഥാക്രമം 10,578 യൂണിറ്റുകളും 10,486 യൂണിറ്റുകളും മൊത്തം വിൽപ്പന രേഖപ്പെടുത്തി.
ഈ വർഷത്തെ ഉത്സവ സീസണിന് മുന്നോടിയായി പുതിയ മോഡലുകൾ പുറത്തിറക്കാനുള്ള ഒരുക്കത്തിലാണ് വിവിധ കമ്പനികള്‍. മാരുതി സുസുക്കി ഇതിനകം തന്നെ ഫ്രോങ്ക്സ് കോംപാക്റ്റ് ക്രോസ്ഓവർ, ജിംനി ലൈഫ്സ്റ്റൈൽ ഓഫ് റോഡർ എന്നിവ അവതരിപ്പിച്ചിട്ടുണ്ട്. 2023 ജൂലായ് 5-ന് അവർ ഇൻവിക്റ്റോ സ്ട്രോങ് ഹൈബ്രിഡ് എംപിവി യുടെ വില പ്രഖ്യാപിക്കും . ഈ മൂന്ന് യൂട്ടിലിറ്റി വാഹനങ്ങൾ എസ്‌യുവി വിഭാഗത്തിൽ കമ്പനിയുടെ വിപണി സാന്നിധ്യം ശക്തിപ്പെടുത്തുമെന്നും വിൽപ്പന ലക്ഷ്യങ്ങൾ കൈവരിക്കാൻ സഹായിക്കുമെന്നും പ്രതീക്ഷിക്കുന്നു.
പുതിയ എലിവേറ്റുമായി ഹോണ്ട കാർസ് ഇന്ത്യ ഇടത്തരം എസ്‌യുവി സെഗ്‌മെന്റിലേക്ക് പ്രവേശിക്കാൻ ഒരുങ്ങുന്നു. അതേസമയം കിയ അപ്‌ഡേറ്റ് ചെയ്‍ത സെൽറ്റോസിനെ അവതരിപ്പിക്കും . നെക്സോൺ, ഹാരിയർ, സഫാരി എന്നീ മൂന്ന് ജനപ്രിയ എസ്‌യുവികളുടെ മിഡ്-ലൈഫ് അപ്‌ഡേറ്റുകൾ വരും മാസങ്ങളിൽ പുറത്തിറക്കാൻ ടാറ്റ മോട്ടോഴ്‌സിന് പദ്ധതിയുണ്ട്. അതേസമയം മഹീന്ദ്ര ആൻഡ് മഹീന്ദ്രയ്ക്ക് ഈ വർഷം ഷെഡ്യൂൾ ചെയ്‍തിരിക്കുന്ന പ്രധാന ഉൽപ്പന്ന ലോഞ്ചുകളൊന്നുമില്ല.
