യുവജനങ്ങളേ നിങ്ങളറിഞ്ഞോ? കിടിലൻ സൂപ്പര്‍ ബൈക്കുകളുമായി കാവസാക്കി, ഒരെണ്ണം ഏറ്റവും വില കുറഞ്ഞത്!
ജാപ്പനീസ് ഇരുചക്ര വാഹന നിർമ്മാതാക്കളായ കാവസാക്കി തങ്ങളുടെ രണ്ട് ബൈക്കുകളായ 'കെഎക്‌സ് 65', 'കെഎക്‌സ് 112' എന്നിവ ഇന്ത്യയിൽ അവതരിപ്പിച്ചു. പുതിയ കവാസാക്കി KX65 കമ്പനിയുടെ ഏറ്റവും ചെറുതും വിലകുറഞ്ഞതുമായ ബൈക്കാണ്.
 )
Followപ്രമുഖ ജാപ്പനീസ് ഇരുചക്ര വാഹന നിർമ്മാതാക്കളായ കാവസാക്കി തങ്ങളുടെ രണ്ട് ബൈക്കുകളായ 'കെഎക്‌സ് 65', 'കെഎക്‌സ് 112' എന്നിവ ഇന്ത്യയിൽ അവതരിപ്പിച്ചു. പുതിയ കവാസാക്കി KX65 കമ്പനിയുടെ ഏറ്റവും ചെറുതും വിലകുറഞ്ഞതുമായ ബൈക്കാണ്. രണ്ട് ബൈക്കുകളും 'ലൈം ഗ്രീൻ' സിംഗിൾ കളർ വേരിയന്റിലാണ് വിപണിയിൽ അവതരിപ്പിച്ചിരിക്കുന്നത്.
കാവസാക്കി KX65-ന് 3.12 ലക്ഷം രൂപയും കവാസാക്കി KX112-ന് 4.87 ലക്ഷം രൂപയുമാണ് കമ്പനി വില നിശ്ചയിച്ചിരിക്കുന്നത്. രണ്ട് വിലകളും ഡൽഹി എക്‌സ്‌ഷോറൂം വിലയിലാണ്.
സ്പെസിഫിക്കേഷനുകളും ഫീച്ചറുകളും
KX65, KX112 ബൈക്കുകൾക്കെല്ലാം ഓഫ്-റോഡ് ഓറിയന്റഡ് ഡിസൈൻ ഘടകങ്ങളായ ടോൾ-സെറ്റ് ഫ്രണ്ട് ഫെൻഡർ, അപ്‌സ്‌വെപ്റ്റ് ടെയിൽ പാനൽ, മിനിമലിസ്റ്റ് ബോഡി പാനലുകൾ, ട്യൂബ്-ടൈപ്പ് ടയറുകളുള്ള വയർ-സ്‌പോക്ക് വീലുകൾ എന്നിവ ലഭിക്കും. എന്നിരുന്നാലും, രണ്ട് ബൈക്കുകൾക്കും ഹെഡ് ലൈറ്റുകൾ, ടെയിൽലൈറ്റുകൾ, ടേൺ ഇൻഡിക്കേറ്ററുകൾ, റിയർ വ്യൂ മിററുകൾ എന്നിവ നഷ്ടപ്പെടുന്നു. ഇതിനൊപ്പം 14 ഇഞ്ച് ഫ്രണ്ട് വീലും 12 ഇഞ്ച് പിൻ വീലും കവാസാക്കി KX65ൽ നൽകിയിട്ടുണ്ട്. അതേസമയം, കാവസാക്കി KX112 ന് 19 ഇഞ്ച് ഫ്രണ്ട് വീലുകളും 16 ഇഞ്ച് പിൻ ചക്രങ്ങളുമുണ്ട്.
ബുള്ളറ്റിന് പണികൊടുക്കാൻ 'ഇരുളിന്‍റെ രാജാവുമായി' ഹീറോ!
എഞ്ചിനും പവറും
KX65 ൽ, കമ്പനി 64സിസി, ലിക്വിഡ്-കൂൾഡ്, ടു-സ്ട്രോക്ക്, സിംഗിൾ-സിലിണ്ടർ കാർബ്യൂറേറ്റഡ് എഞ്ചിനാണ് നൽകിയിരിക്കുന്നത്. 112 സിസി, 2-സ്ട്രോക്ക്, ലിക്വിഡ് കൂൾഡ് എഞ്ചിനാണ് കവാസാക്കി KX112 ന് കരുത്തേകുന്നത്. രണ്ട് ബൈക്കുകളുടെയും എഞ്ചിൻ 6 ഗിയർബോക്സുകൾ ഉപയോഗിച്ചാണ് ട്യൂൺ ചെയ്തിരിക്കുന്നത്. മിഡ് ലെവൽ ഓഫ് റോഡ് സെഗ്‌മെന്റിന് വേണ്ടിയാണ് കെഎക്‌സ് 112 രൂപകൽപ്പന ചെയ്തിരിക്കുന്നതെന്ന് കമ്പനി അറിയിച്ചു. എന്നിരുന്നാലും, രണ്ട് ബൈക്കുകളുടെയും പവർ ഔട്ട്പുട്ട് കാവസാക്കി ഇതുവരെ വെളിപ്പെടുത്തിയിട്ടില്ല.
