"തീയിലുരുക്കി തൃത്തകിടാക്കി.." ഇരട്ടച്ചങ്കന്മാര്‍ ജനിക്കുന്നതല്ല, ഉണ്ടാക്കുന്നതാണെന്ന് മഹീന്ദ്ര!
മഹീന്ദ്രയുടെ ചക്കൻ പ്ലാന്‍റിലെ പ്രൊഡക്ഷൻ ലൈനിൽ നിന്ന് വാഹനം പുറത്തിറങ്ങുന്നതിന്‍റെ വീഡിയോയും കമ്പനി പുറത്തുവിട്ടു.
 )
Follow2022 ജൂൺ 27-നാണ് മഹീന്ദ്ര ആൻഡ് മഹീന്ദ്ര പുതിയ സ്കോർപിയോ-എൻ എസ്‌യുവിയെ അവതരിപ്പിക്കുന്നത്. 2022 സെപ്തംബർ മുതൽ പുതിയ എസ്‌യുവിയുടെ ഡെലിവറി ആരംഭിക്കും എന്നാണ് കമ്പനി പറയുന്നത്. വെറും 30 മിനിറ്റിനുള്ളിൽ ഒരു ലക്ഷം ബുക്കിംഗ് രേഖപ്പെടുത്തിയ എസ്‌യുവിക്ക് അഭൂതപൂർവമായ പ്രതികരണമാണ് ലഭിച്ചത് . ഇപ്പോഴിതാ മഹീന്ദ്രയുടെ ഫാക്ടറിയില്‍ നിന്നും പുതിയ മഹീന്ദ്ര സ്കോർപിയോ-എൻ എസ്‌യുവിയുടെ ആദ്യ യൂണിറ്റുകള്‍ പുറത്തിറങ്ങിയതായാണ് റിപ്പോര്‍ട്ടുകള്‍. മഹീന്ദ്രയുടെ ചക്കൻ പ്ലാന്‍റിലെ പ്രൊഡക്ഷൻ ലൈനിൽ നിന്ന് വാഹനം പുറത്തിറങ്ങുന്നതിന്‍റെ വീഡിയോയും കമ്പനി പുറത്തുവിട്ടു.
30 മിനിറ്റില്‍ സ്‍കോര്‍പ്പിയോ വാരിക്കൂട്ടിയത് 18,000 കോടി, ആനന്ദക്കണ്ണീരില്‍ ആനന്ദ് മഹീന്ദ്ര!
പുതിയ മഹീന്ദ്ര സ്കോർപിയോ-എൻ-ന്റെ നിർമ്മാണ പ്രക്രിയ വെളിപ്പെടുത്തുന്നതാണ് പുതിയ വീഡിയോ. 2022 ഡിസംബറോടെ 20,000 യൂണിറ്റ് സ്‌കോർപ്പിയോ-എൻ ഡെലിവറി ചെയ്യാനാണ് കമ്പനി ലക്ഷ്യമിടുന്നത്. മുൻ‌ഗണന ക്രമത്തിന് അനുസരിച്ചായിരിക്കും ഏറ്റവും മികച്ച Z8L വേരിയന്റിനായുള്ള ഡെലിവറി. പുതിയ എസ്‌യുവി വേരിയന്റുകളുടെ പ്രാരംഭ വിലകൾ ആദ്യത്തെ 25,000 ബുക്കിംഗുകൾക്ക് ബാധകമാണ്. അടിസ്ഥാന വേരിയന്റിന് 11.99 ലക്ഷം രൂപയും ടോപ്പ്-സ്പെക്ക് മോഡലിന് 23.9 ലക്ഷം രൂപയും ആമുഖ വിലയിൽ ഇത് ലഭ്യമാണ്.
പുതിയ മഹീന്ദ്ര സ്കോർപിയോ-എൻ രണ്ട് എഞ്ചിൻ ഓപ്ഷനുകളിലാണ് വാഗ്ദാനം ചെയ്യുന്നത് - 2.0 ലിറ്റർ എംസ്റ്റാലിയന്‍ ടർബോ പെട്രോളും 2.2 ലിറ്റർ എംഹാക്ക് ഡീസലും. പെട്രോൾ എഞ്ചിൻ 200bhp കരുത്തും 370Nm (MT)/380Nm (AT) ടോർക്കും പുറപ്പെടുവിക്കുമ്പോൾ, ഡീസൽ എഞ്ചിൻ താഴ്ന്ന വേരിയന്റുകളിൽ 300Nm-ൽ 130bhp-യും ഉയർന്ന വേരിയന്റുകളിൽ 370Nm (MT)/400Nm (AT) 175bhp-യും നൽകുന്നു. ട്രാൻസ്‍മിഷൻ ഓപ്‍ഷനുകളിൽ 6-സ്പീഡ് മാനുവൽ, 6-സ്പീഡ് ടോർക്ക് കൺവെർട്ടർ ഓട്ടോമാറ്റിക് എന്നിവ ഉൾപ്പെടുന്നു.
ഇങ്ങനെ കൊതിപ്പിക്കല്ലേ മഹീന്ദ്രേ..! വാഹനലോകത്ത് വീണ്ടും സ്പോര്‍പിയോ തരംഗം
ഡീസൽ മോഡലിന് ആര്‍ഡബ്ല്യുഡി അല്ലെങ്കിൽ എഡബ്ല്യുഡി (ഓൾ-വീൽ-ഡ്രൈവ്) സംവിധാനം ഉണ്ടായിരിക്കാം. ഇത് സിപ്, സാപ്, സൂം എന്നിങ്ങനെ മൂന്ന് റൈഡ് മോഡുകൾ വാഗ്ദാനം ചെയ്യുന്നു. ഫോര്‍എക്സ്പ്ലോര്‍ എന്ന് വിളിക്കപ്പെടുന്ന 4×4 വേരിയന്റിന് സാന്‍ഡ്, മഡ്, ഗ്രാസ്, സ്‍നോ എന്നിങ്ങനെ നാല് ഓഫ്-റോഡ് മോഡുകൾ വാഗ്ദാനം ചെയ്യുന്നു.
ഫീച്ചറുകളുടെ കാര്യത്തിൽ, എസ്‌യുവിക്ക് 8 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, ഏഴ് ഇഞ്ച് ഡിജിറ്റൽ ഡ്രൈവർ ഡിസ്‌പ്ലേ, ബിൽറ്റ്-ഇൻ അലക്‌സ, കണക്റ്റഡ് കാർ ടെക്, 3D സോണി സൗണ്ട് സിസ്റ്റം, ഇലക്ട്രിക് സൺറൂഫ്, ഡ്യുവൽ സോൺ ക്ലൈമറ്റ് കൺട്രോൾ, എയർ പ്യൂരിഫയർ എന്നിവ ഉണ്ട്. സുരക്ഷയ്ക്കായി, എസ്‌യുവിക്ക് ആറ് എയർബാഗുകൾ, ഇഎസ്‍പി, ടിപിഎംഎസ്, ഹിൽ ഹോൾഡ് ആൻഡ് ഡിസന്‍റ് അസിസ്റ്റ്, ട്രാക്ഷൻ കൺട്രോൾ, ഇബിഡി ഉള്ള എബിഎസ്, ഡ്രൈവർ മയക്കം കണ്ടെത്തൽ സംവിധാനം, പിൻ പാർക്കിംഗ് ക്യാമറ എന്നിവയും ഉണ്ട്.
