ഈ വാഹന ഉടമകൾക്ക് 500 കോടിയുടെ സഹായം! കേന്ദ്രത്തിന്‍റെ പുതിയ നീക്കത്തിന് കയ്യടി തീരുന്നില്ല!
ഇലക്ട്രിക് മൊബിലിറ്റി പ്രോത്സാഹിപ്പിക്കുന്നതിനായി ഘനവ്യവസായ മന്ത്രാലയം പുതിയ പദ്ധതി പ്രഖ്യാപിച്ചത് അടുത്തിടെയാണ്. പുതിയ വൈദ്യുതിവാഹന (ഇലക്ട്രിക് വാഹന) നയത്തിന് കേന്ദ്രസർക്കാരിന്‍റെ അംഗീകാരവും ലഭിച്ചു. ഇന്ത്യയിൽ വാഹന നിർമ്മാണ യുണിറ്റുകൾ ആരംഭിക്കുന്ന കമ്പനികൾക്ക് ഇറക്കുമതി തീരുവയിൽ ഇളവും നല്‍കിയിട്ടുണ്ട്. ഇതാ പുതിയ ഇവി പോളിസിയെപ്പറ്റി അറിയേണ്ടതെല്ലാം
 )
Followരാജ്യത്തിനകത്ത് ഇലക്ട്രിക് മൊബിലിറ്റി പ്രോത്സാഹിപ്പിക്കുന്നതിനായി ഘനവ്യവസായ മന്ത്രാലയം പുതിയ പദ്ധതി പ്രഖ്യാപിച്ചത് അടുത്തിടെയാണ്. പുതിയ വൈദ്യുതിവാഹന (ഇലക്ട്രിക് വാഹന) നയത്തിന് കേന്ദ്രസർക്കാരിന്‍റെ അംഗീകാരവും ലഭിച്ചു. ഇന്ത്യയിൽ വാഹന നിർമ്മാണ യുണിറ്റുകൾ ആരംഭിക്കുന്ന കമ്പനികൾക്ക് ഇറക്കുമതി തീരുവയിൽ ഇളവും നല്‍കിയിട്ടുണ്ട്. ഇതാ പുതിയ ഇവി പോളിസിയെപ്പറ്റിയും അതുണ്ടാക്കുന്ന മാറ്റങ്ങളെപ്പറ്റിയും അറിയേണ്ടതെല്ലാം.
2024 ഏപ്രിൽ മുതൽ ജൂലൈ വരെ ഈ പദ്ധതിക്കായി സർക്കാർ 500 കോടി രൂപ ചെലവഴിക്കും. ഇലക്ട്രിക് ടൂവീലറിനും ഇലക്ട്രിക് ത്രീ വീലറിനും വേണ്ടിയാണ് പുതിയ പദ്ധതി തയ്യാറാക്കിയിരിക്കുന്നത്. രാജ്യത്തെ ഇലക്ട്രിക് വാഹനങ്ങളുടെ ദ്രുതഗതിയിലുള്ള വാങ്ങലിൻ്റെയും നിർമ്മാണത്തിൻ്റെയും രണ്ടാം ഘട്ടം (FAME-2) 2024 മാർച്ച് 31-ന് അവസാനിക്കുകയാണ്. ഇത്തരമൊരു സാഹചര്യത്തിൽ രാജ്യത്ത് ഇ-വാഹനങ്ങൾ പ്രോത്സാഹിപ്പിക്കുന്നതിന് കേന്ദ്ര സർക്കാർ പ്രതിജ്ഞാബദ്ധമാണെന്ന് ഇ-ട്രാൻസ്പോർട്ട് പ്രൊമോഷൻ സ്കീം 2024 പ്രഖ്യാപന വേളയിൽ ഘനവ്യവസായ മന്ത്രി മഹേന്ദ്ര നാഥ് പാണ്ഡെ പറഞ്ഞു.
ഈ പദ്ധതി പ്രകാരം ഓരോ ഇരുചക്ര വാഹനത്തിനും 10,000 രൂപ വീതം നൽകും. ഏകദേശം 3.3 ലക്ഷം ഇരുചക്രവാഹനങ്ങളെ സഹായിക്കാനാണ് ലക്ഷ്യമിടുന്നത്. ചെറിയ മുച്ചക്ര വാഹനങ്ങൾ (ഇ-റിക്ഷ, ഇ-കാർട്ട്) വാങ്ങുന്നതിന് 25,000 രൂപ വരെ സഹായം നൽകും. ഇത്തരത്തിലുള്ള 41,000-ത്തിലധികം വാഹനങ്ങൾ ഉൾപ്പെടുത്തും. ഒരു വലിയ മുച്ചക്ര വാഹനം വാങ്ങുമ്പോൾ 50,000 രൂപ ധനസഹായം നൽകും. 2024 മാർച്ച് 31 വരെ അല്ലെങ്കിൽ ഫണ്ട് ലഭ്യമാകുന്നത് വരെ വിൽക്കുന്ന ഇ-വാഹനങ്ങൾക്ക് FAME-2-ന് കീഴിലുള്ള സബ്‌സിഡി യോഗ്യമായിരിക്കും.
നേരത്തെ, ഘനവ്യവസായ മന്ത്രാലയവും (എംഎച്ച്ഐ) ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്നോളജി റൂർക്കിയും നവീകരണത്തെ പ്രോത്സാഹിപ്പിക്കുന്നതിനും ഓട്ടോമോട്ടീവ്, ഇലക്ട്രിക് വെഹിക്കിൾ (ഇവി) മേഖലയുടെ വളർച്ചയ്ക്കും വേണ്ടി സഹകരിച്ച് പ്രവർത്തിക്കാൻ ധാരണാപത്രം ഒപ്പുവച്ചിരുന്നു. മൊത്തം പദ്ധതിച്ചെലവ് 24.66 കോടി രൂപയാണ്. മൊത്തം ഗ്രാൻ്റായ 19.87 കോടിയും മന്ത്രാലയം നൽകുന്ന 4.78 കോടി രൂപ വ്യവസായ പങ്കാളികളിൽ നിന്നുള്ള അധിക വിഹിതവുമാണ്.
