ആമസോണിനെയടക്കം കേന്ദ്രം 'പഞ്ഞിക്കിട്ടു', കാര്‍ യാത്രികര്‍ക്ക് ഈ ക്ലിപ്പുകള്‍ ഇനി വാങ്ങാൻ കിട്ടില്ല!
ആമസോണ്‍, ഫ്ലിപ്പ് കാര്‍ട്ട് എന്നിവ ഉള്‍പ്പെടെയുള്ളവരോട് അവരുടെ വെബ്‌സൈറ്റുകളിൽ നിന്ന് ഇത്തരം ക്ലിപ്പുകൾ നീക്കം ചെയ്യാൻ സെൻട്രൽ കൺസ്യൂമർ പ്രൊട്ടക്ഷൻ അതോറിറ്റി ആവശ്യപ്പെട്ടു. കേന്ദ്ര ഹൈവേ, ഗതാഗത മന്ത്രാലയം ഇവര്‍ക്കെതിരെ നടപടി സ്വീകരക്കാൻ ആവശ്യപ്പെട്ടതിനെ തുടര്‍ന്നാണ് ഈ നീക്കം എന്നാണ് റിപ്പോര്‍ട്ടുകള്‍.
 )
Followസീറ്റ് ബെൽറ്റ് അലാറം സ്റ്റോപ്പർ ക്ലിപ്പുകൾ വിൽക്കുന്ന അഞ്ച് ഇ-കൊമേഴ്‌സ് പ്ലാറ്റ്‌ഫോമുകൾക്കെതിരെ നടപടിയുമായി സെൻട്രൽ കൺസ്യൂമർ പ്രൊട്ടക്ഷൻ അതോറിറ്റി (സിസിപിഎ). കേന്ദ്ര ഹൈവേ, ഗതാഗത മന്ത്രാലയം ഇവര്‍ക്കെതിരെ നടപടി സ്വീകരക്കാൻ ആവശ്യപ്പെട്ടതിനെ തുടര്‍ന്നാണ് ഈ നീക്കം എന്നാണ് റിപ്പോര്‍ട്ടുകള്‍. ആമസോണ്‍, ഫ്ലിപ്പ് കാര്‍ട്ട് എന്നിവ ഉള്‍പ്പെടെയുള്ളവരോട് അവരുടെ വെബ്‌സൈറ്റുകളിൽ നിന്ന് ഇത്തരം ക്ലിപ്പുകൾ നീക്കം ചെയ്യാൻ സെൻട്രൽ കൺസ്യൂമർ പ്രൊട്ടക്ഷൻ അതോറിറ്റി ആവശ്യപ്പെട്ടു.
നിരവധി ഇ-കൊമേഴ്‌സ് പ്ലാറ്റ്‌ഫോമുകളിൽ ഇത്തരം സീറ്റ് ബെൽറ്റ് അലാറം സ്റ്റോപ്പർ ക്ലിപ്പുകൾ പരസ്യമായി വിൽക്കുന്നതായി അധികൃതർ കണ്ടെത്തിയതായി എഎൻഐയെ ഉദ്ദരിച്ച് എച്ച്ടി ഓട്ടോ റിപ്പോർട്ട് ചെയ്യുന്നു. സീറ്റ് ബെൽറ്റ് ധരിക്കാത്ത സമയത്ത് അലാറം ബീപ്പ് ശബ്‍ദം നിർത്തുകയാണ് ഈ ക്ലിപ്പുകൾ ചെയ്യുന്നത്. ഇതിലൂടെ വാഹന യാത്രികരുടെ ജീവനിലും സുരക്ഷയിലും വിട്ടുവീഴ്ച ചെയ്യുന്നതായും അധികൃതർ കണ്ടെത്തി. പ്രശ്നം അന്വേഷിച്ചതിന് ശേഷം, സീറ്റ് ബെൽറ്റ് അലാറം സ്റ്റോപ്പർ ക്ലിപ്പുകളുടെ ലിസ്റ്റിംഗുകൾ നീക്കം ചെയ്യാൻ അതോറിറ്റി ആമസോൺ , ഫ്ലിപ്കാർട്ട്, സ്നാപ്ഡീൽ, ഷോപ്പ്ക്ലൂസ്, മീഷോ എന്നിവയ്ക്ക് ഉത്തരവുകൾ അയച്ചതായി ഉപഭോക്തൃകാര്യ മന്ത്രാലയം പുറത്തിറക്കിയ പ്രസ്‍താവനയിൽ പറയുന്നതായി ദ മിന്‍റ് റിപ്പോര്‍ട്ട് ചെയ്യുന്നു.
ഇത്തരം സീറ്റ്ബെൽറ്റ് അലാറം നിർത്തുന്ന ക്ലിപ്പുകൾ വിൽക്കുന്നത് ഉപഭോക്തൃ സംരക്ഷണ നിയമം 2019ന്‍റെ നേരിട്ടുള്ള ലംഘനമാണ്. ഹൈവേ, ഗതാഗത മന്ത്രാലയം (MoRTH) കാർ സീറ്റ് ബെൽറ്റ് അലാറം സ്റ്റോപ്പർ ക്ലിപ്പുകളുടെ വിൽപ്പനയുടെ പ്രശ്നം ഉയർത്തിക്കാട്ടുകയും തെറ്റായ വിൽപ്പനക്കാർ അല്ലെങ്കിൽ ഓൺലൈൻ പ്ലാറ്റ്‌ഫോമുകൾക്കെതിരെ നടപടിയെടുക്കാനും അഭ്യർത്ഥിച്ചിരുന്നു. ഇതിനെ തുടർന്നാണ് ഈ നീക്കം.
മോട്ടോർ ഇൻഷുറൻസ് പോളിസികളിൽ ക്ലെയിം തുകകൾ തേടുന്ന ഉപഭോക്താക്കൾക്ക് കാർ സീറ്റ് ബെൽറ്റ് അലാറം സ്റ്റോപ്പർ ക്ലിപ്പുകൾ ഉപയോഗിക്കുന്നത് ഒരു തടസ്സമാകുമെന്ന് മന്ത്രാലയത്തിന്റെ ഔദ്യോഗിക അറിയിപ്പ് പറയുന്നു. ഇക്കാരണത്താല്‍ ഇൻഷുറൻസ് കമ്പനി ക്ലെയിം നിരസിച്ചേക്കാം. മാത്രമല്ല സീറ്റ് ബെൽറ്റ് ഉപയോഗിക്കുന്നത് ഒരു നിയന്ത്രണമായി പ്രവർത്തിക്കുന്നു. ഇത് എയർബാഗിന് ശരിയായ തലയണ നൽകാനും യാത്രക്കാരെ പൂർണ്ണ ആഘാതം ഏല്‍പ്പിക്കാതിരിക്കാനും അനുവദിക്കുന്നു. ഇത് കൂട്ടിയിടികളിൽ ഒരു സംരക്ഷണ കവചമായും പ്രവർത്തിക്കുന്നുവെന്നും കേന്ദ്ര സര്‍ക്കാര്‍ പറയുന്നു.
സെൻട്രൽ കൺസ്യൂമർ പ്രൊട്ടക്ഷൻ അതോറിറ്റി പുറപ്പെടുവിച്ച നിർദ്ദേശങ്ങൾ കണക്കിലെടുത്ത്, അഞ്ച് ഇ-കൊമേഴ്‌സ് സ്ഥാപനങ്ങളും പാലിക്കൽ റിപ്പോർട്ടുകൾ സമർപ്പിച്ചതായിട്ടാണ് വിവരം. ഇത്തരത്തില്‍ ഇ-കൊമേഴ്‌സ് പ്ലാറ്റ്‌ഫോമുകളിൽ നിന്ന് കാർ സീറ്റ് ബെൽറ്റ് അലാറം സ്റ്റോപ്പർ ക്ലിപ്പുകളുടെ 13,118 ലിസ്റ്റിംഗുകൾ ഒഴിവാക്കിയതായിട്ടാണ് റിപ്പോർട്ടുകള്‍.
കേന്ദ്ര റോഡ് ഹൈവേ മന്ത്രാലയം പ്രസിദ്ധീകരിച്ച ഏറ്റവും പുതിയ റിപ്പോർട്ട് അനുസരിച്ച്, 2021 ൽ 16,000 ൽ അധികം ആളുകൾ റോഡ് അപകടങ്ങളിൽ സീറ്റ് ബെൽറ്റ് ധരിക്കാത്തതിനാൽ മരിച്ചു എന്നാണ് കണക്കുകള്‍. അതിൽ 8,438 ഡ്രൈവർമാരും ബാക്കി 7,959 യാത്രക്കാരുമാണ്. ഈ ഡാറ്റയുടെ പശ്ചാത്തലത്തിൽ, സെൻട്രൽ കൺസ്യൂമർ പ്രൊട്ടക്ഷൻ അതോറിറ്റിയുടെ ഏറ്റവും പുതിയ നടപടി വളരെ പ്രാധാന്യമർഹിക്കുന്നു.
കാര്‍ യാത്രികരുടെ ശ്രദ്ധയ്ക്ക്, കുട്ടികള്‍ ഇനി പിൻസീറ്റില്‍ മാത്രം, ബേബി കാര്‍ സീറ്റും നിര്‍ബന്ധം
