കൊവിഡ് ലോകമെമ്പാടും പടർന്ന സാഹചര്യത്തിൽ അമ്മയാവാൻ കാത്തിരിക്കുന്നവര്‍ ശ്രദ്ധിക്കേണ്ട കാര്യങ്ങള്‍ എന്തൊക്കെ ? ഗര്‍ഭിണികള്‍ കൊവിഡ് 19 ബാധിക്കാതിരിക്കാന്‍ മറ്റുളളവരെക്കാള്‍ വളരെയധികം ജാഗ്രതരാകണം.
കൊവിഡ് ലോകമെമ്പാടും പടർന്ന സാഹചര്യത്തിൽ അമ്മയാവാൻ കാത്തിരിക്കുന്നവര്‍ ശ്രദ്ധിക്കേണ്ട കാര്യങ്ങള്‍ എന്തൊക്കെ ? ഗര്‍ഭിണികള്‍ കൊവിഡ് 19 ബാധിക്കാതിരിക്കാന്‍ മറ്റുളളവരെക്കാള്‍ വളരെയധികം ജാഗ്രതരാകണം എന്നാണ് മെഡിട്രീന ഹോസ്പറ്റിലെ ഡോ. പ്രീത ഏഷ്യാനെറ്റ് ന്യൂസ് ഓണ്‍ലൈനിനോട് പറയുന്നത്. ലോകം കൊവിഡ് 19 എന്ന ഒരു മഹാമാരിയെ അഭിമുഖീകരിക്കുകയാണ്. അതിവേഗത്തില്‍ പകരുന്ന ഈ വൈറസ് പല രാജ്യങ്ങളെയും ബാധിച്ചുകഴിഞ്ഞു. ഈ രോഗത്തിന്‍റെ ആദ്യത്തെ പകര്‍ച്ച ഉണ്ടാകുന്നത് ചുമ, തുമ്മല്‍ വഴി പുറത്ത് വീഴുന്ന ചെറിയ തുള്ളികള്‍ വഴിയാണ് . ഈ തുള്ളികള്‍ വീഴുന്ന പ്രതലത്തില്‍ കൈ കൊണ്ട് സ്പര്‍ശിച്ച ശേഷം ആ കൈ മുഖത്ത് തൊടുന്നത് വഴിയാണ് അണുബാധ പകരുന്നത് എന്നും ഡോ. പ്രീത ഓര്‍മ്മിപ്പിച്ചു.
അണുബാധ ഉണ്ടായി കഴിഞ്ഞാല്‍ മൂന്ന് തൊട്ട് പതിനാല് ദിവസത്തിനകം ലക്ഷണങ്ങള്‍ കണ്ടുതുടങ്ങും. 80 ശതമാനം പേര്‍ക്കും ചെറിയ പനിയും ചുമയും തുമ്മലും മാത്രമാണ് കാണുന്നത്. അഞ്ച് ശതമാനം ആളുകള്‍ക്ക് തീവ്രപരിചരണം ആവശ്യം വരും. ഗര്‍ഭിണികള്‍ ശ്രദ്ധിക്കേണ്ട കാര്യങ്ങളെ കുറിച്ചും ഡോ. പ്രീത പറഞ്ഞു.
undefined
വളരെയധികം ശ്രദ്ധിക്കേണ്ട ഒരു കാലമാണ് ഗര്‍ഭാവസ്ഥ. കാരണം രണ്ട് ജീവനെയാണ് ആ അവസ്ഥയില്‍ നമ്മള്‍ സംരക്ഷിക്കുന്നത്. സങ്കീര്‍ണ്ണത ഇല്ലാത്ത ഒരു ഗര്‍ഭിണിയും പതിവ് പരിശോധനയ്ക്കായി ആശുപത്രി സന്ദര്‍ശിക്കേണ്ട കാര്യമില്ല. എന്നാല്‍ ഏതൊക്കെ അവസരങ്ങളിലാണ് ഡോക്ടറെ സമീപിക്കേണ്ടത് ?
ശ്രദ്ധിക്കേണ്ട കാര്യങ്ങള്‍...
ഗര്‍ഭകാലത്ത് കൊവിഡ് 19 ബാധിച്ചാല്‍ ?
സാധാരണ വൈറല്‍ പനി പോലെ തന്നെ കൊവിഡ് 19 ഗര്‍ഭകാലത്ത് സങ്കീര്‍ണ്ണതകള്‍ ഉണ്ടാക്കാം എന്നാണ് ഡോ. പ്രീത പറയുന്നത്. പനി കൂടി ഗര്‍ഭം അലസല്‍, മാസം തികയാതെ പ്രസവിക്കുക, മാസം തികയാതെ വെള്ളം പൊട്ടി പോവുക, രക്തസ്രാവം തുടങ്ങിയ സംഭവിക്കാം.
കുഞ്ഞിന് തൂക്ക കുറവ് , ശ്വാസം മുട്ടല്‍, മഞ്ഞപിത്തം, മുതലായ സങ്കീര്‍ണ്ണതകള്‍ ഉണ്ടാകാന്‍ സാധ്യതയുണ്ട്. പ്രസവ സമയത്തും മുലയൂട്ടുന്ന സമയത്തും കുഞ്ഞിനെ കൊവിഡ് 19 ബാധിക്കാതിരിക്കാന്‍ എല്ലാ മുന്‍കരുതലുകളും എടുക്കേണ്ടതാണ് എന്നും ഡോ. പറയുന്നു.