യുവതിയും സിംഹവും തമ്മിൽ വളരെ ദൂരം ഒന്നും തന്നെയില്ല, തൊട്ടടുത്താണ് ഇരിക്കുന്നത്. എങ്കിലും യുവതിയുടെ മുഖത്ത് പേടിയോ പരിഭ്രമമോ ഒന്നും തന്നെ കാണാനില്ല എന്നതും ശ്രദ്ധേയമാണ്.
വന്യമൃഗങ്ങളെ നേരത്തെ കണ്ടിരുന്നത് ജംഗിൾ സഫാരിയും മറ്റും നടത്തുമ്പോഴാണ് എങ്കിൽ ഈ സോഷ്യൽ മീഡിയാ കാലത്ത് അവയുടെ അനേകം ചിത്രങ്ങളും വീഡിയോകളുമാണ് വൈറലാവുന്നത്. ചിലതൊക്കെ കാണുമ്പോൾ നമുക്ക് തീർത്തും വിശ്വസിക്കാൻ തന്നെ പ്രയാസം തോന്നും. അത്തരത്തിൽ പ്രചരിക്കുന്ന ഒരു വീഡിയോയാണ് ഇതും. നമുക്കറിയാം, കാട്ടിലെ രാജാവാണ് സിംഹം എന്നാണ് പറയുന്നത്. സിംഹത്തെയും പുലിയേയും ഒന്നും പേടിക്കാത്ത മനുഷ്യർ വളരെ വളരെ ചുരുക്കം തന്നെ ആയിരിക്കും.
അവിടെയാണ് ഒരു യുവതി ഒരു സിംഹത്തിന് തൊട്ടരികിൽ ഇരിക്കുന്നത്. തൊട്ടരികിൽ ഇരിക്കുന്നു എന്ന് മാത്രമല്ല, അതിനടുത്തിരുന്ന് അതോടൊപ്പം ഒരേ പാത്രത്തിൽ ഭക്ഷണം കഴിക്കുകയും ചെയ്യുന്നു. rak_zoo ആണ് വീഡിയോ സോഷ്യൽ മീഡിയയിൽ പങ്ക് വച്ചിരിക്കുന്നത്. യുണൈറ്റഡ് അറബ് എമിറേറ്റിലെ റാസൽ ഖൈമയിലാണ് ഈ മൃഗശാല സ്ഥിതി ചെയ്യുന്നത്. വീഡിയോ തുടങ്ങുമ്പോൾ തന്നെ ഒരു പ്ലേറ്റിൽ സൂക്ഷിച്ചിരിക്കുന്ന മാംസക്കഷ്ണങ്ങൾ സിംഹം കഴിക്കുന്നത് കാണാം. ഒപ്പം തന്നെ സമീപത്തിരിക്കുന്ന യുവതിയും അതേ പാത്രത്തിൽ നിന്നും തന്റെ ഭക്ഷണം എടുത്ത് കഴിക്കുന്നു.
undefined
യുവതിയും സിംഹവും തമ്മിൽ വളരെ ദൂരം ഒന്നും തന്നെയില്ല, തൊട്ടടുത്താണ് ഇരിക്കുന്നത്. എങ്കിലും യുവതിയുടെ മുഖത്ത് പേടിയോ പരിഭ്രമമോ ഒന്നും തന്നെ കാണാനില്ല എന്നതും ശ്രദ്ധേയമാണ്. വേറൊരിടത്തും നിങ്ങൾക്ക് ഇത് ചെയ്യാൻ സാധിക്കില്ല rak zoo -വിൽ മാത്രമേ സാധിക്കൂ എന്നും വീഡിയോയുടെ കാപ്ഷനിൽ പറഞ്ഞിട്ടുണ്ട്. ഏതായാലും നിരവധിപ്പേരാണ് വീഡിയോ കണ്ടിരിക്കുന്നത്. ഭയപ്പെടുത്ത വീഡിയോ തന്നെ എന്നാണ് മിക്കവരും ഇതിന് കമന്റ് നൽകിയിരിക്കുന്നത്. എന്നാലും ഇതെങ്ങനെ സാധിച്ചു എന്ന് കാണുന്നവർക്ക് സംശയം തോന്നും എന്ന കാര്യവും ഉറപ്പാണ്.