ഒരു കടുവ കുഞ്ഞ് ഒരു അരയന്നത്തെ ഓടിച്ച് കൊണ്ടുവരുന്നു. കടുവയില്‍ നിന്നും രക്ഷപ്പെടാനായി അരയന്നം ഓടുന്നു. എന്നാല്‍, അല്പ സമയത്തിനുള്ളില്‍ കളി മാറുന്നു. അരയന്നം തിരിച്ച് അക്രമിച്ച് തുടങ്ങുന്നു. പിന്നെ കാണുന്നത് സ്വന്തം ജീവന്‍ രക്ഷിക്കാനായി കഷ്ടപ്പെടുന്ന കടുവക്കുഞ്ഞിനെയാണ്.
മൃഗങ്ങളില്‍ ഏറ്റവും കരുത്തുള്ളതാരാണെന്ന് ചോദിച്ചാല്‍ ആദ്യമെത്തുന്ന ഉത്തരങ്ങളിലൊന്ന് കടുവയെന്നാകും. എന്നാല്‍ കഴിഞ്ഞ ദിവസം സാമൂഹിക മാധ്യമങ്ങളില്‍ പങ്കുവയ്ക്കപ്പെട്ടൊരു വീഡിയോയില്‍ ഒരു കടുവക്കുഞ്ഞിനെ കൊത്തിയോടിക്കുന്ന ഒരു അരയന്നത്തെ കാണിച്ചു. അരയന്നത്തിന്‍റെ ആക്രമണം സഹിക്കാനാകാതെ കടുവ കുഞ്ഞ് ഒടുവില്‍ ഓടി തന്‍റെ കൂട്ടില്‍ക്കയറി രക്ഷപ്പെടുകയായിരുന്നു. സാധാരണ നിലയില്‍ കോഴി, മാന്‍, തുടങ്ങിയ താരതമ്യേന ചെറിയ മൃഗങ്ങള്‍ മുതല്‍ പശുക്കള്‍ വരെയുള്ള വലിയ മൃഗങ്ങളെയും കടുവകള്‍ കൊന്ന് ഭക്ഷണമാക്കാറുണ്ടെന്നതാണ് പ്രകൃതി നിയമം. അതേ സമയം ഒരു അരയന്നത്തിന് മുമ്പില്‍ പിടിച്ച് നില്‍ക്കാനാകാതെ നാലുപാടും ഓടുന്ന കടുവക്കുഞ്ഞിന്‍റെ വീഡിയോ നെറ്റിസണ്‍സിന്‍റെ ശ്രദ്ധയാകര്‍ഷിച്ചു. ഇത്രയും വലിയ വേട്ടക്കാരന്‍ നിസാരമായ ഒരു പക്ഷിയുടെ അക്രമണത്തിന് മുമ്പില്‍ പിടിച്ച് നില്‍ക്കാനാകാതെ ഓടുന്നത് കണ്ടപ്പോള്‍ നെറ്റിസണ്‍സ് നെറ്റിചുളിച്ചു. animalonplanet എന്ന ഇന്‍സ്റ്റാഗ്രാം അക്കൗണ്ടില്‍ നിന്നും പങ്കുവച്ച വീഡിയോ ഇതിനകം മുപ്പത്തിനാലായിരത്തിലധികം പേര്‍ ലൈക്ക് ചെയ്തു.
ഷൂ റാക്കിനിടെ ഒളിയിടം തേടുന്ന പടുകൂറ്റന്‍ രാജവെമ്പാല; ഭയപ്പെടുത്തുന്ന വീഡിയോ വൈറല്‍!
കൃത്രിമമായി നിര്‍മ്മിച്ച ഒരു ഇന്‍റീരിയര്‍ മൃഗശാലയ്ക്ക് സമാനമായ ഒരു കെട്ടിടത്തിന്‍റെ ഉള്ളില്‍ നിന്നായിരുന്നു വീഡിയോ ചിത്രീകരിച്ചത്. വീഡിയോയുടെ തുടക്കത്തില്‍ ഒരു സ്ത്രീ പച്ച നിറമടിച്ച തറ വൃത്തിയാക്കുന്നതിനിടെ ഒരു കടുവ കുഞ്ഞ് ഒരു അരയന്നത്തെ ഓടിച്ച് കൊണ്ടുവരുന്നു. കടുവയില്‍ നിന്നും രക്ഷപ്പെടാനായി അരയന്നം ഓടുന്നു. എന്നാല്‍ ഒരു ചുമരിന് സമീപത്തെത്തിയപ്പോള്‍ അപ്പുറത്തേക്ക് പോകാന്‍ പറ്റാതെയായി. ഇതോടെ അരയന്നം സ്വന്തം ജീവന്‍ രക്ഷിക്കാനായി കടുവക്കുഞ്ഞിന് നേരെ തിരിയുന്നു. തുടര്‍ന്ന് അത് തുടര്‍ച്ചായായി കൊത്താനാരംഭിച്ചു. രണ്ട് കൊത്ത് കിട്ടിയതും കടുവ കുഞ്ഞ് തിരിഞ്ഞോടാന്‍ തുടങ്ങി. പക്ഷേ, അരയന്നം പിന്തുടര്‍ന്ന് അക്രമിച്ചു കൊണ്ടേയിരുന്നു. ഒടുവില്‍ കടുവക്കുഞ്ഞ് ഓടി തന്‍റെ കൂട്ടില്‍ക്കയറിയപ്പോള്‍ വിജയാഹ്ളാദം പ്രകടിപ്പിച്ച് ചിറകിട്ട് അടിച്ച് അരയന്നം പോകുന്നിടത്ത് വീഡിയോ അവസാനിക്കുന്നു. ഇരുവരുടെയും ആ കളിക്കിടയില്‍ മുഴുവനും ഒരു സ്ത്രീയുടെ ചിരികള്‍ക്കാം. വീഡിയോ കണ്ട പലരും തങ്ങളുടെ അഭിപ്രായം രേഖപ്പെടുത്താനെത്തി. "എന്‍റെ പണം ഏതൊരു മൃഗത്തിനും എതിരെയാണ്," ഒരു കാഴ്ചക്കാരന്‍ എഴുതി. "താറാവുകൾ തീർച്ചയായും ഒരു മോശം സൃഷ്ടിയാണ്." എന്നായിരുന്നു മറ്റൊരു കാഴ്ചക്കാരന്‍ കുറിച്ചത്.
ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക