ഏതായാലും സാമൂഹിക മാധ്യമങ്ങളിലുള്ളവരെയെല്ലാം ഈ വീഡിയോ പേടിപ്പിച്ചിട്ടുണ്ട്. 'അപ്പോൾ തന്നെ ഞാനവിടെ നിന്നും പോവും പിന്നീടൊരിക്കലും തിരികെ വരില്ല' എന്നാണ് ഒരാൾ കമന്റ് നൽകിയിരിക്കുന്നത്.
തായ്‌ലൻഡിലെ ഒരു കുടുംബത്തിന്റെ കുളിമുറിയിൽ 12 അടി നീളമുള്ള പെരുമ്പാമ്പ്. കുളിമുറിയിൽ കൂടി പാമ്പ് തെന്നിമാറുന്നതിന്റെ വീഡിയോ സോഷ്യൽ മീഡിയയിൽ വൈറലാവുകയാണ്.
ടോയ്‍ലെറ്റിൽ കൂടിയാണ് പാമ്പ് കുളിമുറിയിലേക്ക് എത്തിയത് എന്നാണ് കരുതുന്നത്. വളരെ മൃദുവായ നിലമാണ് കുളിമുറിക്ക്. അതിലൂടെ തെന്നി നീങ്ങുകയാണ് പാമ്പ്. അത് അവിടെ നിന്നും കുടുംബാംഗങ്ങളെയും അവരുടെ വളർത്തുമൃഗങ്ങളെയും എല്ലാം നിരീക്ഷിക്കുന്നത് പോലെയാണ് വീഡിയോ കാണുമ്പോൾ തോന്നുന്നത്.
undefined
പിന്നീട്, രണ്ട് രക്ഷാപ്രവർത്തകർ ആ പാമ്പിനെ കുളിമുറിയിൽ നിന്നും മാറ്റുന്നതും വീഡിയോയിൽ കാണാം. "തായ്‌ലൻഡിലെ ഒരു സ്ത്രീയുടെ കുളിമുറിയിൽ കയറിയ 12 അടി നീളമുള്ള പെരുമ്പാമ്പ്. അത് ഭയാനകമായ രീതിയിൽ അവളുടെ വീട്ടിലെ പൂച്ചക്കുട്ടികളുടെ അടുത്തെത്തിയിരിക്കുന്നത് കാണാം. സ്ത്രീയുടെ ടോയ്‍ലെറ്റിൽ കൂടിയാണ് അത് കുളിമുറിയിൽ എത്തിയത് എന്നാണ് കരുതുന്നത്. ഒടുവിൽ രണ്ടുപേർ എത്തി അതിനെ അവിടെ നിന്നും മാറ്റി " എന്നാണ് വീഡിയോയുടെ അടിക്കുറിപ്പ്.
ഏതായാലും സാമൂഹിക മാധ്യമങ്ങളിലുള്ളവരെയെല്ലാം ഈ വീഡിയോ പേടിപ്പിച്ചിട്ടുണ്ട്. 'അപ്പോൾ തന്നെ ഞാനവിടെ നിന്നും പോവും പിന്നീടൊരിക്കലും തിരികെ വരില്ല' എന്നാണ് ഒരാൾ കമന്റ് നൽകിയിരിക്കുന്നത്. 'ഒരിക്കലും താനിനി ടോയ്‍ലെറ്റിൽ ഇരിക്കും എന്ന് തോന്നുന്നില്ല' എന്നാണ് മറ്റൊരാൾ കമന്റിട്ടിരിക്കുന്നത്.
ഒരു പെരുമ്പാമ്പ് കംഗാരുവിനെ ചുറ്റിവരിഞ്ഞിരിക്കുന്ന മറ്റൊരു വീഡിയോയും നേരത്തെ സോഷ്യൽ മീഡിയയിൽ വൈറലായിരുന്നു. ആ കംഗാരുവിനെ രക്ഷിക്കാൻ മറ്റൊരു കംഗാരു എത്തുന്നതും ദൃശ്യങ്ങളിൽ കാണാമായിരുന്നു. സുഹൃത്തിനെ രക്ഷിക്കാനായി പെരുമ്പാമ്പിനെ കടിച്ചും ചവിട്ടിയും ശ്രമിക്കുകയാണ് കംഗാരു. എന്നാൽ, എല്ലാ ശ്രമങ്ങളും വിഫലമാവുന്നതും കംഗാരുവിന് തന്റെ സുഹൃത്തിനെ പെരുമ്പാമ്പിൽ നിന്നും രക്ഷിക്കാൻ കഴിയാത്തതും വീഡിയോയിൽ വ്യക്തമാണ്.