കുരങ്ങൻ ഒരു കുപ്പി എടുത്ത ശേഷം അതിന്റെ അടപ്പ് തുറക്കാൻ ശ്രമിക്കുന്നതും അത് കുടിക്കാൻ ശ്രമിക്കുന്നതും വീഡിയോയിൽ വ്യക്തമായി കാണാം.
ഇന്ന് ഗാന്ധിജയന്തിയാണ്. ബീവറേജും ബാറും എല്ലാം അവധിയാണ്. മദ്യപിക്കണം എന്നുള്ള ആളുകളെല്ലാം നേരത്തെ തന്നെ മദ്യം വാങ്ങി വച്ചിട്ടുണ്ടാകും. എന്നാൽ, ഇപ്പോൾ സോഷ്യൽ മീഡിയയിൽ വൈറലാവുന്നത് വിസ്കി കുടിക്കാൻ ശ്രമിക്കുന്ന ഒരു കുരങ്ങന്റെ വീഡിയോയാണ്. നമുക്കറിയാം ഏറ്റവും രസകരമായ കാര്യങ്ങൾ ചെയ്യുന്ന മൃഗങ്ങളാണ് കുരങ്ങന്മാർ. അവയുടെ അനേകം വീഡിയോകൾ സോഷ്യൽ മീഡിയയിൽ വൈറലാവാറും ഉണ്ട്. അതിലൊന്നാണ് ഇതും.
ഒരു പൊലീസ് സ്റ്റേഷന്റെ മുന്നിൽ നിന്നാണ് കുരങ്ങൻ മദ്യം കുടിക്കാൻ ശ്രമിക്കുന്ന ഈ വീഡിയോ പകർത്തിയിരിക്കുന്നത്. കാൺപൂരിലെ പൊലീസ് കമ്മീഷണറുടെ ഓഫീസിന് മുന്നിൽ പാർക്ക് ചെയ്തിരുന്ന ഒരു ബൈക്കിലെ ബാഗിൽ നിന്നുമാണ് കുരങ്ങൻ റോയൽ സ്റ്റാഗിന്റെ കുപ്പി എടുത്തത്. ബാഗിൽ രണ്ട് കുപ്പികളാണ് ഉണ്ടായിരുന്നത്, റോയൽ സ്റ്റാഗും റോയൽ ചലഞ്ചും. കുരങ്ങൻ ഒരു കുപ്പി എടുത്ത ശേഷം അതിന്റെ അടപ്പ് തുറക്കാൻ ശ്രമിക്കുന്നതും അത് കുടിക്കാൻ ശ്രമിക്കുന്നതും വീഡിയോയിൽ വ്യക്തമായി കാണാം. ആ പ്രദേശത്ത് സ്ഥിരമായി കാണപ്പെടാറുള്ള കുരങ്ങനാണ് അത്. Piyush Rai ആണ് വീഡിയോ X (ട്വിറ്റർ) -ൽ പങ്ക് വച്ചിരിക്കുന്നത്.
undefined
Happened at police commissioner's office in Kanpur, UP. pic.twitter.com/TugMvQRGth
— Piyush Rai (@Benarasiyaa)
അതേസമയം, കഴിഞ്ഞ ദിവസങ്ങളിൽ പശ്ചിമ ബംഗാളിൽ നിന്നുള്ള ഒരു കുരങ്ങന്റെ വീഡിയോ സോഷ്യൽ മീഡിയയിൽ വൈറലായിരുന്നു. അവിടെ ഒരു റെയിൽവേ ഓഫീസിൽ നിന്നും പകർത്തിയതായിരുന്നു വീഡിയോ. ആ വീഡിയോയിൽ ഒരു കുരങ്ങൻ ഒരു ഓഫീസിൽ ജോലി ചെയ്യുന്നതിനെ അനുകരിക്കുകയായിരുന്നു. കംപ്യൂട്ടറിൽ ടൈപ്പ് ചെയ്യുന്നതും വ്യക്തമായിരുന്നു.
ആ വീഡിയോയുടെ കാപ്ഷനിൽ അത് പകർത്തിയിരിക്കുന്നത് ബംഗാളിലെ ബോൽപൂർ റെയിൽവേ സ്റ്റേഷനിൽ നിന്നുമാണ് എന്ന് വ്യക്തമാക്കിയിരുന്നു. ആ വീഡിയോയും ആളുകളെ രസിപ്പിച്ചു.