കൂറ്റൻ പെരുമ്പാമ്പുകളാണ് പെട്ടിയിൽ ഉള്ളത്. ബ്രൂവറിന്റെ ദേഹത്ത് കൂടിയെല്ലാം പാമ്പുകൾ ഇഴയുന്നത് വീഡിയോയിൽ കാണാം.
പാമ്പിനെ പേടിയില്ലാത്ത മനുഷ്യരുണ്ടോ? വളരെ വളരെ ചുരുക്കമായിരിക്കും. എന്നാൽ, ഇന്ന് പല വീഡിയോകളും കാണുമ്പോൾ ശരിക്കും പാമ്പിനെ പേടിയില്ലാത്ത, അതിന്റെ അടുത്തുപോകാൻ സങ്കോചമില്ലാത്ത അനേകം പേരുണ്ട് എന്ന് മനസിലാവും. അതുപോലെ ഒരു വീഡിയോയാണ് ഇപ്പോൾ സോഷ്യൽ മീഡിയയിൽ ആളുകളെ ഞെട്ടിച്ചു കൊണ്ടിരിക്കുന്നത്.
കാലിഫോർണിയയിലെ ഫൗണ്ടൻ വാലി സൂവിൽ നിന്നുള്ളതാണ് വീഡിയോ. സൂ കീപ്പറായ ജെയ് ബ്രൂവറാണ് വീഡിയോയിൽ ഉള്ളത്. ഒരു പെട്ടിയിൽ പാമ്പുകൾക്കൊപ്പമിരിക്കുന്ന ബ്രൂവറെയാണ് വീഡിയോയിൽ കാണാൻ സാധിക്കുന്നത്. കൂറ്റൻ പെരുമ്പാമ്പുകളാണ് പെട്ടിയിൽ ഉള്ളത്. ബ്രൂവറിന്റെ ദേഹത്ത് കൂടിയെല്ലാം പാമ്പുകൾ ഇഴയുന്നത് വീഡിയോയിൽ കാണാം. നിരന്തരം പാമ്പുകളോടും അക്രമകാരികളായ മൃഗങ്ങളോടും ഒക്കെ ഇടപഴകുന്ന ആളാണ് ബ്രൂവർ. എന്നിരുന്നാലും ഈ വീഡിയോ കാണുന്ന ചിലരിലെങ്കിലും ഇത് ഭയമുണ്ടാക്കും എന്ന കാര്യത്തിൽ സംശയമില്ല.
undefined
അതിനിടയിൽ ഒരു പാമ്പ് ആ പെട്ടിയിൽ നിന്നും രക്ഷപ്പെടാൻ ശ്രമിക്കുന്നതും വീഡിയോയിൽ കാണാം. എന്നാൽ, അയാൾ പാമ്പിനെ പുറത്തേക്ക് പോകാൻ അനുവദിക്കാതെ പിടിച്ചിരിക്കുകയാണ്. ഒന്നിൽ കൂടുതൽ പെരുമ്പാമ്പുകൾ ആ പെട്ടിയിൽ ബ്രൂവറിനൊപ്പം ഉണ്ട്. വീഡിയോയുടെ കാപ്ഷനിൽ ബ്രൂവർ പറയുന്നത് ഈ പാമ്പുകളൊക്കെ കുഞ്ഞുങ്ങളായിരിക്കുമ്പോൾ മുതൽ അവിടെ ഉള്ളതാണ്. ഇപ്പോൾ നോക്കൂ അവ വളർന്ന് എത്ര വലുതായിരിക്കുന്നു എന്നാണ്.
വളരെ പെട്ടെന്നാണ് വീഡിയോ സോഷ്യൽ മീഡിയയിൽ വൈറലായത്. നിരവധിപ്പേരാണ് വീഡിയോയ്ക്ക് കമന്റുകളുമായി എത്തിയത്. എന്നാലും ഇതൊക്കെ എങ്ങനെ സാധിക്കുന്നു എന്ന് തന്നെ ആയിരുന്നു ആളുകളുടെ കൗതുകം. ചിലരൊക്കെ ബ്രൂവറിന്റെ ധൈര്യത്തെ അഭിനന്ദിച്ചപ്പോൾ മറ്റ് ചിലർ അതുണ്ടാക്കിയേക്കാവുന്ന അപകടത്തെ കുറിച്ച് ആശങ്കപ്പെടുന്നവർ തന്നെ ആയിരുന്നു.
ഏഷ്യാനെറ്റ് ന്യൂസ് ലൈവ് കാണാം:
ഏഷ്യാനെറ്റ് ന്യൂസ് വാർത്തകൾ തത്സമയം കാണാം