ചിലരൊക്കെ യുവാവ് എന്താണ് ഈ ചെയ്യുന്നത് എന്നറിയാൻ കൗതുകത്തോടെ നോക്കുന്നുമുണ്ട്. അങ്ങനെ തൊട്ടിൽ കെട്ടലൊക്കെ വിജയകരമായി പൂർത്തിയാക്കി. പക്ഷേ, പിന്നെ സംഭവിച്ചത് മറ്റൊന്നാണ്.
ഇന്ത്യയിൽ ട്രെയിനിൽ സഞ്ചരിക്കുക എന്ന് പറഞ്ഞാൽ വൻ ടാസ്കായി മാറിക്കൊണ്ടിരിക്കുകയാണ്. തിരക്ക് തന്നെ കാരണം. പലപ്പോഴും കാല് കുത്താൻ പോലും സ്ഥലമില്ലാത്ത അവസ്ഥയാണ് പല ലോക്കൽ ട്രെയിനുകളിലും. ദിവസേന ജോലിക്കും മറ്റുമായി യാത്ര ചെയ്യുന്നവരെല്ലാം തന്നെ വലിയ ബുദ്ധിമുട്ടാണ് ഇതു കാരണം അനുഭവിക്കുന്നത്. അതിനിടയിൽ ട്രെയിനിൽ നിന്നും പല വീഡിയോകളും വൈറലാകാറുണ്ട്. ഇതും അതുപോലെ ഒരു വീഡിയോയാണ്.
ട്രെയിനിൽ നിന്നും പകർത്തിയ വീഡിയോയിൽ തിരക്കുള്ള ഒരു കംപാർട്‍മെന്റാണ് കാണുന്നത്. സീറ്റിലെല്ലാം ആളുകളുണ്ട്. നിലത്തും ആളുകളിരിക്കുന്നുണ്ട്. ഇതിനിടയിൽ ഒരു യുവാവ് താൽക്കാലികമായി ഒരു തൊട്ടിൽ കെട്ടിയുണ്ടാക്കുന്നതാണ് കാണാൻ കഴിയുക. യുവാവ് സീറ്റിന് മുകളിലായി തുണിയുപയോഗിച്ച് തൊട്ടിൽ കെട്ടിയുണ്ടാക്കിയ ശേഷം അതിൽ കയറി കിടക്കാൻ ശ്രമിക്കുന്നത് കാണാം.
undefined
ചിലരൊക്കെ യുവാവ് എന്താണ് ഈ ചെയ്യുന്നത് എന്നറിയാൻ കൗതുകത്തോടെ നോക്കുന്നുമുണ്ട്. അങ്ങനെ തൊട്ടിൽ കെട്ടലൊക്കെ വിജയകരമായി പൂർത്തിയാക്കി. പക്ഷേ, പിന്നെ സംഭവിച്ചത് മറ്റൊന്നാണ്. അതിൽ കയറി കിടന്ന യുവാവ് ഉടനെ തന്നെ തൊട്ടിലഴിഞ്ഞ് നേരെ താഴെ വീണു. നിലത്തിരുന്ന ആളുകൾ ഞെട്ടി നോക്കുന്നതും കാണാം. പിന്നാലെ, യുവാവ് തൊട്ടിൽ അഴിച്ചെടുക്കാൻ ശ്രമിക്കുകയാണ്. ആ സമയത്ത് ചിലർ ചിരിക്കുന്നതും വീഡിയോയിൽ കാണാം.
ना टिकट मिला, ना सीट मिला कुछ जुगाड़ लगाया वो भी फेल कर गया। बिहार से बाहर जाना मजबूरी है 🥹😓😢 pic.twitter.com/7rPIogb5BP
— छपरा जिला 🇮🇳 (@ChapraZila)എന്തു തന്നെയായാലും തൊട്ടിൽ കെട്ടി ഇത്തിരി നേരം കിടക്കാം എന്ന് കരുതിയ യുവാവിന് അത് സാധിച്ചില്ല. छपरा जिला എന്ന യൂസറാണ് വീഡിയോ എക്സിൽ ഷെയർ ചെയ്തിരിക്കുന്നത്. വളരെ പെട്ടെന്ന് തന്നെ വീഡിയോ വൈറലാവുകയും ചെയ്തു. ഒരുപാട് പേരാണ് വീഡിയോയ്ക്ക് കമന്റുകളുമായി എത്തിയത്.
ഏഷ്യാനെറ്റ് ന്യൂസ് ലൈവ് കാണാം:
ഏഷ്യാനെറ്റ് ന്യൂസ് വാർത്തകൾ തത്സമയം കാണാം