അയാൾ എങ്ങനെ എങ്കിലും പാണ്ടയുടെ പിടിയിൽ നിന്നും രക്ഷപ്പെടാൻ നോക്കുന്നുണ്ട്. എന്നാൽ, അതിന് സാധിക്കുന്നില്ല. വീണ്ടും വീണ്ടും അയാൾ അതിന്റെ പിടി വിടുവിക്കാൻ ശ്രമിച്ചു കൊണ്ടേ ഇരിക്കയാണ്. എന്നാൽ, പാണ്ട വിടുന്നേയില്ല.
ലോകത്ത് എവിടെയാണെങ്കിലും മൃഗശാല സന്ദർശിക്കുമ്പോൾ മൃഗങ്ങളുടെയോ മറ്റ് ജീവികളുടെയോ തൊട്ടടുത്ത് പോകുന്നത് അത്ര ബുദ്ധിപരമായ കാര്യമല്ല. അതുവഴിയുണ്ടാകുന്ന അപകടങ്ങൾ മുന്നിൽ കണ്ട് പല മൃഗശാലകളും അത് വിലക്കാറുമുണ്ട്. എന്നാൽ, നമ്മൾ മനുഷ്യർ എത്ര കിട്ടിയാലും പഠിക്കാത്തവരാണ്. അതുകൊണ്ട് തന്നെ പലപ്പോഴും ഇത്തരം വിലക്കുകൾ ഒക്കെ കണ്ടില്ലെന്ന് നടിച്ച് പലരും മൃഗങ്ങളുടെ തൊട്ടടുത്ത് പോകാറുണ്ട്.
അതുപോലെ ഒരു പാണ്ടയുടെ തൊട്ടടുത്ത് പോയ ഒരാളുടെ വീഡിയോയാണ് സോഷ്യൽ മീഡിയയിൽ വൈറലാവുന്നത്. വീഡിയോ പഴയതാണെങ്കിലും ഇപ്പോൾ വീണ്ടും സോഷ്യൽ മീഡിയയുടെ ശ്രദ്ധയാകർഷിച്ചിരിക്കുകയാണ്. വീഡിയോയിൽ ഒരു യുവാവ് ഉറങ്ങിക്കൊണ്ടിരിക്കുന്ന ഒരു പാണ്ടയുടെ അടുത്ത് പോകുന്നതാണ് കാണുന്നത്. വെറുതെ പോവുക മാത്രമല്ല പാണ്ടയുടെ ദേഹത്ത് തട്ടുന്നതും വീഡിയോയിൽ കാണാം.
undefined
അതോടെ, പാണ്ട യുവാവിന്റെ കാലിൽ പിടിക്കുന്നു. അയാൾ എങ്ങനെ എങ്കിലും പാണ്ടയുടെ പിടിയിൽ നിന്നും രക്ഷപ്പെടാൻ നോക്കുന്നുണ്ട്. എന്നാൽ, അതിന് സാധിക്കുന്നില്ല. വീണ്ടും വീണ്ടും അയാൾ അതിന്റെ പിടി വിടുവിക്കാൻ ശ്രമിച്ചു കൊണ്ടേ ഇരിക്കയാണ്. എന്നാൽ, പാണ്ട വിടുന്നേയില്ല. ഒടുവിൽ ഒരുവിധത്തിലാണ് അയാൾ പാണ്ടയുടെ പിടിയിൽ നിന്നും മോചിതനാവുന്നതും അവിടെ നിന്നും ഓടി രക്ഷപ്പെടുന്നതും.
Dude jumps into panda exhibit and finds out pic.twitter.com/Lyg8XK4zGW
— CCTV IDIOTS (@cctvidiots)
CCTV IDIOTS ആണ് ഇപ്പോൾ വീഡിയോ എക്സിൽ ഷെയർ ചെയ്തിരിക്കുന്നത്. 4.2 മില്ല്യണിലധികം ആളുകളാണ് വീഡിയോ കണ്ടിരിക്കുന്നത്. 11000 -ത്തിലധികം ആളുകൾ വീഡിയോയ്ക്ക് ലൈക്കും ചെയ്തിട്ടുണ്ട്. അനേകം ആളുകളാണ് വീഡിയോയ്ക്ക് കമന്റ് നൽകിയിരിക്കുന്നത്. എന്തിനാണ് വെറുതെ അങ്ങോട്ട് പോയി പണി വാങ്ങിയത് എന്നതായിരുന്നു പലരുടേയും അഭിപ്രായം. എത്രയായാലും ആളുകൾ ചെയ്യരുത് എന്ന് പറയുന്നത് ചെയ്യും എന്നും പലരും അഭിപ്രായപ്പെട്ടു.
ഏഷ്യാനെറ്റ് ന്യൂസ് ലൈവ് കാണാം: