കാറിൽ നിന്നും കുറച്ച് കഷ്ടപ്പെട്ടാണ് അയാൾ പുറത്ത് ഇറങ്ങുന്നത്. പിന്നാലെ, നിലത്തേക്ക് വീഴുന്നതും കാണാം. ശേഷം അയാൾ ആവേശത്തോടെ തന്റെ കൈ നിലത്ത് മൂന്ന് തവണ ആഞ്ഞടിക്കുന്നുണ്ട്.
നമുക്കൊക്കെ ഓരോ സ്വപ്നങ്ങൾ കാണും അല്ലേ? വീട് വാങ്ങാനോ ഇഷ്ടപ്പെട്ട വാഹനം വാങ്ങാനോ ഒക്കെയായി. എന്നാൽ, ചില സ്വപ്നങ്ങൾ പൂർത്തീകരിക്കപ്പെടാൻ ചിലപ്പോൾ ഒരുപാട് കാലം വേണ്ടി വരും. ചിലപ്പോൾ ജോലിയിൽ നിന്നും തന്നെ വിരമിക്കേണ്ടി വരും. അതുപോലെ ഒരു പ്രായമായ ആൾ വിരമിച്ച ശേഷം ലംബോർഗിനി സ്വന്തമാക്കിയതിന്റെ ഒരു വീഡിയോയാണ് ഇപ്പോൾ സോഷ്യൽ മീഡിയയെ സ്പർശിക്കുന്നത്.
Figen എന്ന ട്വിറ്റർ അക്കൗണ്ടിലാണ് വീഡിയോ ഷെയർ ചെയ്തിരിക്കുന്നത്. അതിൽ പ്രായമായ ഒരാൾ ഒരു ഗ്രേ ലംബോർഗിനിയിൽ നിന്നും പുറത്തേക്ക് ഇറങ്ങുന്നത് കാണാം. അയാളുടെ മുഖത്ത് തനിക്ക് ഒരുപാട് ഇഷ്ടമുള്ള ഒരു കാര്യം സ്വന്തമാക്കിയതിന്റെ സന്തോഷവും ആവേശവും ഒക്കെ കാണാം.
undefined
അതുപോലെ കാറിൽ നിന്നും കുറച്ച് കഷ്ടപ്പെട്ടാണ് അയാൾ പുറത്ത് ഇറങ്ങുന്നത്. പിന്നാലെ, നിലത്തേക്ക് വീഴുന്നതും കാണാം. ശേഷം അയാൾ ആവേശത്തോടെ തന്റെ കൈ നിലത്ത് മൂന്ന് തവണ ആഞ്ഞടിക്കുന്നുണ്ട്. ലംബോർഗിനി സ്വന്തമാക്കിയ എല്ലാ സന്തോഷവും ആ സമയത്ത് അദ്ദേഹത്തിന്റെ മുഖത്തുണ്ട്. കാണുമ്പോൾ തന്നെ വളരെ അധികം സന്തോഷം തരുന്നതാണ് വീഡിയോ.
When you buy Lambo after retirement. pic.twitter.com/M5Z4UhDIgq
— Figen (@TheFigen_)ഹൃദയ സ്പർശിയായ വീഡിയോ വളരെ പെട്ടെന്ന് തന്നെ വൈറലായി. ട്വിറ്ററിൽ ആറ് മില്ല്യണിലധികം പേരാണ് വളരെ പെട്ടെന്ന് തന്നെ വീഡിയോ കണ്ടത്. വീഡിയോ കണ്ട നെറ്റിസൺസ് തങ്ങളുടെ അഭിപ്രായങ്ങളും പറഞ്ഞു. മിക്കവരും ഇത് മനോഹരമായ കാഴ്ചയാണ് എന്നും അഭിപ്രായപ്പെട്ടു. ഇങ്ങനെ ഒരു ലംബോർഗിനി സ്വന്തമാക്കാൻ പെട്ടെന്ന് റിട്ടയർ ആയെങ്കിൽ എന്ന് വരെ തോന്നുന്നു എന്നാണ് മറ്റ് ചിലർ കമന്റ് ചെയ്തത്.
ഏതായാലും ലംബോർഗിനി സ്വന്തമാക്കിയ മനുഷ്യന്റെ സന്തോഷം നമ്മുടെ മുഖത്തൊരു പുഞ്ചിരി വിടർത്തും എന്ന കാര്യത്തിൽ സംശയമില്ല.