ഒന്നര ലക്ഷം രൂപയുടെ ഐഫോണ്‍ 16 ആയിരുന്നു ബോര്‍ഡ് പരീക്ഷയില്‍ ഉന്നത വിജയം നേടിയ മകന് അദ്ദേഹം സമ്മാനിച്ചത്.
ഇന്ത്യയിലുടനീളം ആവേശം സൃഷ്ടിച്ച് കൊണ്ടാണ് ഈ മാസം ആദ്യം ആപ്പിൾ തങ്ങളുടെ ഏറ്റവും പുതിയ . ഐഫോൺ 16 സീരീസ് പുറത്തിറക്കിയത്. നിരവധി ആളുകളാണ് തങ്ങൾ സ്വന്തമാക്കിയ ഐഫോൺ 16 സീരീസിന്‍റെ ചിത്രങ്ങളും വീഡിയോകളും സമൂഹ മാധ്യമങ്ങളിലൂടെ പങ്കുവെച്ചത്. എന്നാൽ, അതിൽ നിന്നെല്ലാം വ്യത്യസ്തമാവുകയാണ് ഐഫോൺ 16 സ്വന്തമാക്കിയ ഈ മനുഷ്യന്‍റെ കഥ.
ബോർഡ് പരീക്ഷകളിൽ ഒന്നാമതെത്തിയ തന്‍റെ മകന് സമ്മാനമായി നൽകാനാണ് ആക്രി കച്ചവടക്കാരനായ അച്ഛന്‍ ഐഫോൺ 16 സ്വന്തമാക്കിയത്. കഠിനാധ്വാനത്തിലൂടെ അദ്ദേഹം സ്വന്തമാക്കിയ ഈ നേട്ടത്തെ സമൂഹ മാധ്യമ ഉപയോക്താക്കൾ നിറഞ്ഞ കൈയ്യടിയോടെയാണ് സ്വീകരിച്ചത്. എല്ലാ സ്റ്റീരിയോ ടൈപ്പുകളെയും ധിക്കരിക്കുന്നതാണ് ഇദ്ദേഹത്തിന്‍റെ നേട്ടമെന്നും സമൂഹ മാധ്യമ ഉപയോക്താക്കൾ അഭിപ്രായപ്പെട്ടു.
undefined
Father's Priceless Gift: Junk Dealer Gifts Multiple Iphones Worth ₹ 1.80 Lacs to Son For Top Board Results pic.twitter.com/brrSI04qxf
— Ghar Ke Kalesh (@gharkekalesh)സ്ക്രാപ്പ് ഡീലറുടെ കഥ വൈറലായതോടെ സമൂഹ മാധ്യമ ഉപയോക്താക്കൾ അദ്ദേഹത്തിന്‍റെ കഠിനാധ്വാനത്തെയും അർപ്പണബോധത്തെയും പ്രശംസിച്ചു. ഇത്തരം വിലയേറിയ ഗാഡ്‌ജെറ്റുകൾ വാങ്ങാനുള്ള അദ്ദേഹത്തിന്‍റെ കഴിവിനെ പലരും അഭിനന്ദിച്ചു. അതേസമയം ചിലർ കൗതുകത്തോടെ ആരാഞ്ഞത് അദ്ദേഹത്തിന്‍റെ ബാങ്ക് ബാലൻസിനെക്കുറിച്ചുള്ള വിശദാംശങ്ങളായിരുന്നു.
'അച്ഛന്‍റെ വിലമതിക്കാനാകാത്ത സമ്മാനം: ടോപ്പ് ബോർഡ് പരീക്ഷയിൽ ഉന്നത വിജയം നേടിയ മകന് 1.50 ലക്ഷം രൂപയുടെ ഐഫോൺ സമ്മാനമായി നൽകി ആക്രി കച്ചവടക്കാരനായ അച്ഛൻ' എന്ന അടിക്കുറിപ്പോടെയായിരുന്നു എക്‌സിൽ വീഡിയോ പങ്കുവെയ്ക്കപ്പെട്ടത്. നിമിഷ നേരം കൊണ്ട് വൈറലായ വീഡിയോയിൽ തന്‍റെ നേട്ടത്തെക്കുറിച്ച് സംസാരിക്കുന്ന ആ മനുഷ്യനെയും കാണാം. അച്ഛന്‍റെ ത്യാഗത്തോളം വലുതായ മറ്റൊന്നില്ലെന്നായിരുന്നു ഒരു കാഴ്ചക്കാരന്‍ കുറിച്ചത്. യഥാര്‍ത്ഥ നായകന്‍ എന്നായിരുന്നു മറ്റൊരു കുറിപ്പ്. പതിനൊന്ന് ലക്ഷം പേരാണ് ഇതിനകം വീഡിയോ കണ്ടത്.
3,600 വര്‍ഷം പഴക്കമുള്ള ചീസ് കണ്ടെത്തിയത് മമ്മിഫൈ ചെയ്ത യുവതിയുടെ കഴുത്തിൽ നിന്നും