ഏതായാലും, വിവിധ സോഷ്യൽ മീഡിയാ പ്ലാറ്റ്‍ഫോമുകളിൽ ഈ വീഡിയോ പ്രചരിക്കുന്നുണ്ട്. നിരവധിപ്പേരാണ് യുവതിയുടെ ഐഡിയ കൊള്ളാമല്ലോ എന്ന് കമന്റ് ചെയ്തിരിക്കുന്നത്.
വിമാനത്തിൽ കൈകൊണ്ട് പിടിച്ചിരിക്കാതെ തന്നെ ഫോണിൽ വീഡിയോ കാണുന്ന ഒരു യുവതിയുടെ വീഡിയോയാണ് ഇപ്പോൾ സോഷ്യൽ മീഡിയയിൽ ഹിറ്റായി ഓടിക്കൊണ്ടിരിക്കുന്നത്. യുവതിയുടെ ഈ ടിപ്പ് സോഷ്യൽ മീഡിയ അങ്ങേറ്റെടുത്ത് കഴിഞ്ഞു.
idaaugusta -യാണ് വീഡിയോ സോഷ്യൽ മീഡിയയിൽ ഷെയർ ചെയ്തിരിക്കുന്നത്. ഈ ടിപ്പിൽ യുവതി പറയുന്നത്, എങ്ങനെയാണ് നമ്മുടെ കൈകൊണ്ട് പിടിക്കാതെ തന്നെ സുഖമായി ഫോണിൽ സിനിമ കാണാൻ സാധിക്കുക എന്നാണ്. ഏറെ നേരം ഫോൺ കയ്യിൽ തന്നെ പിടിച്ചിരുന്നാൽ കൈ വേദനിക്കും എന്നത് മിക്കവാറും എല്ലാവരും അനുഭവിക്കുന്ന പ്രശ്നമായിരിക്കും അല്ലേ? എന്നാൽ, ആ പ്രശ്നത്തെ തന്റെ ബുദ്ധിപരമായ നീക്കത്തിലൂടെ മറികടക്കുകയാണ് യുവതി.
undefined
എന്താണ് യുവതി ചെയ്യുന്നത് എന്നല്ലേ? ആദ്യം ഫോൺ അതിന്റെ കവറിൽ നിന്നും ഊരിയെടുക്കുന്നു. ശേഷം മുൻസീറ്റിലെ ഹെഡ്‍റെസ്റ്റ് കവറിൽ ഫോൺ വച്ച ശേഷം അതിന് പിന്നിലായി ഫോണിന്റെ കവർ ഇടുന്നു. വളരെ സിംപിളായി ഫോൺ ഹെഡ്‍റെസ്റ്റ് കവറിലിരിക്കുന്നത് വീഡിയോയിൽ കാണാം. അപ്പോൾ പിന്നെ ഫോൺ പിടിക്കാതെ തന്നെ സുഖമായി അതിൽ സിനിമയോ മറ്റോ കാണാമല്ലോ? ഇനിയും മനസിലായില്ലെങ്കിൽ താഴെ വീഡിയോയുണ്ട്.
ഏതായാലും, വിവിധ സോഷ്യൽ മീഡിയാ പ്ലാറ്റ്‍ഫോമുകളിൽ ഈ വീഡിയോ പ്രചരിക്കുന്നുണ്ട്. നിരവധിപ്പേരാണ് യുവതിയുടെ ഐഡിയ കൊള്ളാമല്ലോ എന്ന് കമന്റ് ചെയ്തിരിക്കുന്നത്. എന്നാൽ, ഇത്തരം വഴികൾ പരീക്ഷിക്കുന്നതിന് മുമ്പ് മറ്റ് ചില കാര്യങ്ങൾ കൂടി ശ്രദ്ധിക്കാൻ മറക്കരുത്. നിങ്ങൾ കയറുന്ന വിമാനത്തിൽ സീറ്റുകളിൽ ഇതുപോലെയുള്ള ഹെഡ്‍റെസ്റ്റ് കവറുണ്ടോ എന്ന് പരിശോധിക്കണം. മാത്രമല്ല, ആ സീറ്റിലിരിക്കുന്ന ആളിന് ബുദ്ധിമുട്ടില്ല എന്ന് ഉറപ്പ് വരുത്തിയ ശേഷം മാത്രമേ ഇത്തരം പരീക്ഷണങ്ങൾക്കൊക്കെ മുതിരാവൂ.
ഏഷ്യാനെറ്റ് ന്യൂസ് ലൈവ് കാണാം:
ഏഷ്യാനെറ്റ് ന്യൂസ് വാർത്തകൾ തത്സമയം കാണാം