'ഡ്രൈവിങ് പണ്ടേ എനിക്കൊരു വീക്നെസ് ആയിരുന്നു' എന്ന അടിക്കുറിപ്പോടെയാണ് താരം വീഡിയോ പങ്കുവച്ചിരിക്കുന്നത്
മിനിസ്ക്രീൻ പ്രേക്ഷകരുടെ പ്രിയതാരങ്ങളിലൊരാളാണ് ശ്രീവിദ്യ മുല്ലച്ചേരി. സ്റ്റാർ മാജിക് എന്ന പരിപാടിയിലൂടെയാണ് ശ്രീവിദ്യ പ്രേക്ഷകർക്കിടയിൽ സുപരിചിതയായത്. സിനിമയിലൂടെയാണ് അഭിനയരംഗത്തേക്ക് ശ്രീവിദ്യ എത്തിയത്. കാസർഗോഡുകാരിയായ ശ്രീവിദ്യ തന്റെ വേറിട്ട സംസാര ശൈലിയൂടെയാണ് പ്രേക്ഷകമനം കവർന്നത്. മോഡലിംഗ് രംഗത്തും സജീവമാണ് ശ്രീവിദ്യയിപ്പോൾ. അവര്‍ പങ്കുവച്ചിരിക്കുന്ന ഇൻസ്റ്റഗ്രാം പോസ്റ്റാണിപ്പോൾ ശ്രദ്ധേയമാകുന്നത്.
ഡ്രൈവിങ് പണ്ടേ എനിക്കൊരു വീക്നസ് ആയിരുന്നു എന്ന അടിക്കുറിപ്പോടെയാണ് വിഡിയോ പങ്കുവെച്ചിരിക്കുന്നത്. വിഡിയോയിൽ കസവു സാരിയിൽ കാർ ഓടിക്കാനുള്ള ശ്രീവിദ്യയുടെ ശ്രമവും തുടർന്ന് നടക്കുന്ന തമാശ നിറഞ്ഞ സംഭാഷണങ്ങളുമാണ് വിഡിയോയിൽ ചിത്രീകരിച്ചിരിക്കുന്നത്. ഡ്രൈവിങ് അറിയാമോ എന്ന ചോദ്യത്തിന് കഷ്ടപ്പെട്ട് പണിയെടുത്ത് പഠിച്ചിട്ടാണ് കേരള ഗവണ്മെന്റ് തനിക്ക് ലൈസൻസ് തന്നിരിക്കുന്നത് എന്നതായിരുന്നു ശ്രീവിദ്യയുടെ മറുപടി. പിന്നീട് വാഹനം സ്റ്റാർട്ട്‌ ചെയ്യുമ്പോൾ നിയന്ത്രണം വിട്ട് മുന്നോട്ടു പോകുന്ന ഭാഗം എഡിറ്റ്‌ ചെയ്താണ് വീഡിയോ പുറത്തിറക്കിയിരിക്കുന്നത്. ഒട്ടേറെ പേരാണ് ചിത്രത്തിന് ലൈക്ക് ചെയ്തിട്ടുള്ളത്. രസകരമായ നിരവധി കമന്റുകളും വിഡിയോയ്ക്ക് ലഭിച്ചിട്ടുള്ളത്.
സോഷ്യൽ മീഡിയയിൽ വളരെ സജീവമാണ് ശ്രീവിദ്യ. നിരവധി പേരാണ് താരത്തെ സോഷ്യൽ മീഡിയ പേജുകളിൽ ഫോളോ ചെയ്യുന്നത്. ഒരു യൂട്യൂബ് വ്ലോഗർ കൂടിയാണ് താരം. മോഡലിംഗ് രംഗത്ത് സജീവമായ ശ്രീവിദ്യ പലപ്പോഴായി തന്റെ ഫോട്ടോഷൂട്ട് ചിത്രങ്ങളും പങ്കുവയ്ക്കാറുണ്ട്. ജസ്റ്റ് മാരീഡ് തിങ്സ് എന്ന വെബ് സീരിസിൽ ആണ് ശ്രീവിദ്യ ഇപ്പോൾ അഭിനയിക്കുന്നത്. ജീവയാണ് ഇതിൽ നായകനായെത്തുന്നത്.
മെഗാസ്റ്റാർ മമ്മൂട്ടിയുടെ വലിയ ആരാധികയാണ് ശ്രീവിദ്യ. പലപ്പോഴും ഇതേക്കുറിച്ച് താരം തുറന്നു പറഞ്ഞിട്ടുമുണ്ട്. മമ്മൂട്ടി ചിത്രം ഒരു കുട്ടനാടൻ ബ്ലോഗിലൂടെയാണ് താരം വെള്ളിത്തിരയിലെത്തിയതും. പിന്നീട് നിരവധി ചിത്രങ്ങളിലും ശ്രീവിദ്യ അഭിനയിച്ചു. നൈറ്റ് ഡ്രൈവ് എന്ന ചിത്രത്തിലാണ് ശ്രീവിദ്യ ഒടുവിൽ അഭിനയിച്ചത്.