അതേ സമയം സംയുക്ത അവസാനമായി മലയാളത്തില്‍ അഭിനയിച്ച സിനിമ ബൂമറാംഗ് എന്ന ചിത്രവുമായി ബന്ധപ്പെട്ട വിവാദത്തില്‍ സംയുക്ത തന്‍റെ നിലപാട് വ്യക്തമാക്കി.
കൊച്ചി: മലയാളി പ്രേക്ഷകരുടെ പ്രിയ താരം സംയുക്ത നായികയായെത്തിയതാണ് 'വിരൂപാക്ഷ'. സായ് ധരം തേജ് നായകനായ ചിത്രമാണ് ഇത്. കാര്‍ത്തിക് ദാന്തു ആണ് ചിത്രം സംവിധാനം ചെയ്‍തിരിക്കുന്നത്. പാൻ ഇന്ത്യൻ മിസ്റ്റിക് ത്രില്ലര്‍ ചിത്രമായിട്ട് എത്തിയ 'വിരൂപാക്ഷ' 70 കോടി ക്ലബില്‍ എത്തിയിരിക്കുകയാണ് എന്നാണ് പുതിയ റിപ്പോര്‍ട്ട്. ഈ ചിത്രം ഉടന് തന്നെ മലയാളത്തിലും റിലീസാകുന്നുണ്ട്. ഇതിന്‍റെ പ്രമോഷനായി നടി സംയുക്ത കൊച്ചിയില്‍ എത്തിയിട്ടുണ്ട്.
അതേ സമയം സംയുക്ത അവസാനമായി മലയാളത്തില്‍ അഭിനയിച്ച സിനിമ ബൂമറാംഗ് എന്ന ചിത്രവുമായി ബന്ധപ്പെട്ട വിവാദത്തില്‍ സംയുക്ത തന്‍റെ നിലപാട് വ്യക്തമാക്കി. ഞാൻ ചെയ്യുന്ന സിനിമകൾ വലിയ റിലീസാണ്. 35 കോടി സിനിമ ചെയ്യുകയാണ്. എനിക്ക് എന്റേതായ കരിയർ ഉണ്ട്. അത് നോക്കണം എന്നാണ് സംയുക്ത പറഞ്ഞതെന്നാണ് ബൂമറാംഗ് നിര്‍മ്മാതാവ് അന്ന് ആരോപിച്ചത്.
undefined
നടന്‍ ഷൈന്‍ ടോം ചാക്കോയും നടിക്കെതിരെ അന്ന് രംഗത്ത് എത്തിയിരുന്നു. "ചെയ്ത സിനിമയുടെ പ്രമോഷന് വരാതിരിക്കുന്നത് പേര് മാറ്റിയത് കൊണ്ടൊന്നും ശരിയാകില്ല. എന്ത് മേനോന്‍ ആയാലും, നായരായാലും, ക്രിസ്ത്യാനി ആയാലും മുസ്ലീം ആയാലും ചെയ്ത ജോലി പൂര്‍ത്തിയാക്കാതെ എന്ത് കാര്യം. മനുഷ്യനെ തിരിച്ചറിയണം. പേരൊക്കെ ഭൂമിയില്‍ വന്നശേഷം കിട്ടുന്നതല്ലെ. ചെറിയ സിനിമകള്‍ക്കൊന്നും അവര്‍ വരില്ല. സഹകരിച്ചവര്‍ക്ക് മാത്രമേ നിലനില്‍പ്പുള്ളൂ. കമ്മിറ്റ്മെന്‍റ് ഇല്ലയ്മയല്ല, ചെയ്ത ജോലി മോശമായി പോയി എന്ന ചിന്ത കൊണ്ടാകും വരാത്തത്" - ഷൈന്‍ ടോം അന്ന് ആരോപിച്ചത്.
ഈ വിവാദത്തോടാണ് മാസങ്ങള്‍ക്ക് ശേഷം സംയുക്ത മനസ് തുറക്കുന്നത്. താന്‍ ബിഗ് ബഡ്ജറ്റ് ചിത്രങ്ങൾക്ക് മാത്രമേ പ്രമോഷന് ചെയ്യു എന്ന് പറഞ്ഞിരുന്നില്ലെന്നാണ് താരം പറയുന്നത്. 2019 ല്‍ ഞാന്‍ ഏറ്റ ചിത്രമാണ് ബൂമറാംഗ് എന്നാല്‍ പല കാര്യങ്ങളാല്‍ അത് നീണ്ട് നീണ്ട് പോയി. ഒടുവില്‍ വളരെ ടൈറ്റ് ഷെഡ്യൂളില്‍ മറ്റൊരു വലിയ ചിത്രത്തിന്‍റെ ഷെഡ്യൂള്‍ മാറ്റിവച്ചാണ് അഭിനയിച്ചത്. അതേ സമയം ബൂമറാംഗ് പ്രമോഷന് തുടങ്ങിയ സമയത്താണ് 'വിരൂപാക്ഷ' അവസാനഘട്ട ഷൂട്ടിംഗ് ആരംഭിക്കുന്നത്. പ്രമോഷന് നടക്കാറയപ്പോഴാണ് എന്നോട് പറഞ്ഞത്. ഇതോടെ ഏതെങ്കിലും ഒന്ന് തിരഞ്ഞെടുക്കേണ്ട ആവശ്യം വന്നു. ഇതോടെ ഞാന്‍ തെലുങ്ക് സിനിമയില്‍ അഭിനയിച്ചു - സംയുക്ത ഒരു ഓണ്‍ലൈന്‍ ചാനലിനോട് പറഞ്ഞു.
"മിന്നൽ മിന്നണെ" : 2018ലെ പുതിയ വീഡിയോ ഗാനം പുറത്തിറങ്ങി
സംയുക്തയുടെ തെലുങ്ക് ചിത്രം കുതിപ്പ് തുടരുന്നു, 'വിരൂപാക്ഷ' നേടിയത് 70 കോടി