തെലുങ്ക്, തമിഴ് സീരിയലുകളിലും ശ്രീശ്വേത വേഷമിട്ടിട്ടുണ്ട്
മലയാളികളുടെ പ്രിയപ്പെട്ട പരമ്പരകളിലൊന്നാണ് മൗനരാഗം (Mounaragam). ഊമയായ പെൺകുട്ടി കല്ല്യാണിയുടെയും കിരണിന്റെയും പ്രണയവും വിവാഹവും തുടർന്നുള്ള ജീവിത പ്രതിസന്ധികളും ഒക്കെയാണ് പരമ്പര പറയുന്നത്. ഒപ്പം രണ്ട് കുടുംബങ്ങളിലെ സംഭവവികാസങ്ങളും പരമ്പര ചേർത്തുവയ്ക്കുന്നു. കല്യാൺ ഖന്ന, ശ്രീശ്വേത, കാർത്തിക് പ്രസാദ് തുടങ്ങി നിരവധി പേരാണ് പരമ്പരയിൽ മറ്റ് സുപ്രധാന വേഷങ്ങളിൽ എത്തുന്നത്.
പരമ്പര പോലെ തന്നെ പരമ്പരയിൽ കഥാപാത്രങ്ങളായി എത്തുന്ന താരങ്ങളും പ്രേക്ഷകരുടെ പ്രിയപ്പെട്ടവരാണ്. ഇപ്പോഴിതാ പരമ്പരയിൽ സോണിയുടെ കഥാപാത്രത്തെ അവതരിപ്പിക്കുന്ന ശ്രീശ്വേത മഹാലക്ഷ്മി പങ്കുവച്ച ഡാൻസ് വീഡിയോ ആണ് ആരാധകർ ഏറ്റെടുത്തിരിക്കുന്നത്. നീല സാരിയിൽ അതി മനോഹരിയായാണ് ശ്രീശ്വേത വീഡിയോയില്‍ പ്രത്യക്ഷപ്പെടുന്നത്. നല്ല കാറ്റുള്ള സമയത്തെ വീഡിയോ രസകരമാണെന്നാണ് ആരാധകരുടെ കമന്റ്. ഒരു തെലുങ്ക് ഗാനത്തിനാണ് പ്രേക്ഷകരുടെ പ്രിയപ്പെട്ട സോണി ചുവടു വയ്ക്കുന്നത്.
undefined
തമിഴ് താരമാണ് ശ്രീശ്വേത. ചെന്നൈ സ്വദേശിനിയാണ്. തെലുങ്ക്, തമിഴ് സീരിയലുകളിൽ താരം വേഷമിട്ടിട്ടുണ്ട്. പരമ്പരയിലെ കല്യാണിയായി എത്തുന്ന ഐശ്വര്യയും കിരൺ ആയി എത്തുന്ന നലീഫും എല്ലാം ചെന്നൈ സ്വദേശികളാണ്. എന്നാൽ മൌനരാഗത്തിന് ശേഷം ഈ താരങ്ങളെല്ലാം മലയാളം പഠിക്കുകയും സംസാരിക്കുകയും ചെയ്യുന്നുണ്ട്. പ്രദീപ് പണിക്കരുടെ രചനയില്‍ മനു സുധാകരന്‍ സംവിധാനം ചെയ്യുന്ന പരമ്പരയാണ് 'മൗനരാഗം'. 'ഭാര്യ' എന്ന പരമ്പരയ്ക്കു ശേഷമാണ് പുതിയ പരമ്പരയുമായി മനു സുധാകരന്‍ എത്തിയത്. ഏഷ്യാനെറ്റിനായി നിരവധി സൂപ്പര്‍ ഹിറ്റ് സീരിയലുകളില്‍ പ്രവര്‍ത്തിച്ചയാളാണ് പ്രദീപ് പണിക്കര്‍.