തിരുപ്പതി ഭഗവാന്‍റെ ദര്‍ശനത്തിന് ശേഷം ക്ഷേത്രത്തിലെ രംഗനായകർ മണ്ഡപത്തിൽ തീർഥപ്രസാദം നടിയും കുടുംബവും സ്വീകരിച്ചു.
ഹൈദരാബാദ്: തെന്നിന്ത്യന്‍ നായിക കീര്‍ത്തി സുരേഷും കുടുംബവും തിരുപ്പതി ക്ഷേത്രത്തില്‍ ദര്‍ശനം നടത്തി. സഹോദരി രേവതി സുരേഷ്, അച്ഛൻ സുരേഷ് കുമാര്‍, അമ്മ മേനക സുരേഷ് എന്നിവർക്കൊപ്പമാണ് ശനിയാഴ്ച രാവിലെ കീര്‍ത്തി തിരുപ്പതി ക്ഷേത്രത്തില്‍ ദര്‍ശനത്തിന് എത്തിയത്.
തിരുപ്പതി ഭഗവാന്‍റെ ദര്‍ശനത്തിന് ശേഷം ക്ഷേത്രത്തിലെ രംഗനായകർ മണ്ഡപത്തിൽ തീർഥപ്രസാദം നടിയും കുടുംബവും സ്വീകരിച്ചു. പിന്നീട് ക്ഷേത്രത്തിന് പുറത്ത് മാധ്യമങ്ങളെ കണ്ട കീര്‍ത്തി. താന്‍ വളരെക്കാലമായി തിരുപ്പതി ഭഗവാന്‍റെ ഭക്തയാണ് എന്ന് പറഞ്ഞു. സഹോദരി രേവതി സംവിധാനം ചെയ്യുന്ന ഷോര്‍ട്ട് ഫിലിമിലാണ് ഇപ്പോള്‍ അഭിനയിക്കുന്നത് എന്ന് കീര്‍ത്തി വ്യക്തമാക്കി.
undefined
ബോലോ ശങ്കര്‍ ചിത്രത്തിലും താന്‍ അഭിനയിക്കുന്ന കാര്യം കീര്‍ത്തി സൂചിപ്പിച്ചു. നിരവധി ആരാധകര്‍ കീര്‍ത്തിക്കൊപ്പം സെല്‍ഫി എടുക്കാന്‍ എത്തിയിരുന്നു. സുരക്ഷയ്ക്കായി നിയമിച്ച പൊലീസുകാരും കീര്‍ത്തിക്കൊപ്പം സെല്‍ഫി എടുക്കുന്നത് കാണാമായിരുന്നു. ഒടുവില്‍ തിരക്ക് വര്‍ദ്ധിച്ചപ്പോള്‍ ക്ഷേത്ര ജീവനക്കാരാണ് കീര്‍ത്തിയെയും കുടുംബത്തെയും സുരക്ഷിതമായി പുറത്ത് എത്തിച്ചത്.
തമിഴില്‍ കീർത്തി സുരേഷ് നായികയായി മാമന്നൻ സിനിമയാണ് വരാനുള്ളത്. മാരി സെൽവരാജ് സംവിധാനം ചെയ്ത ചിത്രത്തിൽ നടൻ ഉദയനിധി സ്റ്റാലിന്‍റെ ജോഡിയായാണ് കീര്‍ത്തി അഭിനയിച്ചിരിക്കുന്നത്. ജൂൺ മാസത്തിൽ ചിത്രം തിയേറ്ററുകളിൽ എത്തും.
മലയാളത്തില്‍ അത്ര സജീവമല്ലെങ്കിലും തെന്നിന്ത്യൻ സിനിമയിലെ നിറസാന്നിദ്ധ്യമാണ് കീര്‍ത്തി സുരേഷ്. തമിഴിലും തെലുങ്കിലുമായി ഒട്ടേറെ പുതിയ സിനിമകളാണ് കീര്‍ത്തി സുരേഷിന്റേതായി വരാനിരിക്കുന്നതും. വിവാഹിതയാകാൻ ഒരുങ്ങുന്നവെന്ന വാര്‍ത്തയോട് പ്രതികരിച്ച് രംഗത്ത് എത്തിയിരിക്കുകയാണ് ഇപ്പോള്‍ കീര്‍ത്തി സുരേഷ്.
കീര്‍ത്തി വ്യവസായിയായ ഫര്‍ഹാനുമായി പ്രണയത്തിലാണെന്നു വിവാഹം ഉടനുണ്ടാകുമെന്ന തരത്തിലുമായിരുന്നു വാര്‍ത്തകള്‍. കീര്‍ത്തി സുരേഷിന്റെ ജീവിതത്തിലെ മിസ്റ്ററി മാൻ ആരാണ് എന്ന തരത്തിലുള്ള ഒരു വാര്‍ത്തയോട് പ്രതികരിച്ചിരിക്കുകയാണ് ഇപ്പോള്‍ താരം. ഇപ്പോള്‍ എന്റെ സുഹൃത്തിനെ ഇതിലേക്ക് വലിച്ചിഴക്കേണ്ട കാര്യമില്ല. ഞാൻ എന്റെ ജീവിതത്തിലെ യഥാര്‍ഥ മിസ്റ്ററി മാൻ ആരാണെന്ന് സമയംവരുമ്പോള്‍ വെളിപ്പെടുത്താം എന്നുമാണ് കീര്‍ത്തി സുരേഷ് വാര്‍ത്തയുടെ ലിങ്ക് പങ്കുവെച്ച് വ്യക്തമാക്കിയിരിക്കുന്നത്.
വ്യവസായിയുമായി പ്രണയത്തിലോ?, കീര്‍ത്തി സുരേഷിന്റെ പ്രതികരണം ഇങ്ങനെ
ദി കേരള സ്റ്റോറിയുടെ സംവിധായകനെ ആശുപത്രിയില്‍ പ്രവേശിപ്പിച്ചു