സിബിഐ 5 ചിത്രീകരണം കൊച്ചിയില്‍ പുരോഗമിക്കുകയാണ്
'സിബിഐ 5' (CBI 5) സെറ്റില്‍ മമ്മൂട്ടിക്കൊപ്പം (Mammootty) ക്രിസ്‍മസ് ആഘോഷിച്ച് അണിയറപ്രവര്‍ത്തകരും മറ്റു താരങ്ങളും. ക്രിസ്‍മസ് കേക്ക് മുറിച്ചതും ബിരിയാണി വിളമ്പാന്‍ മുന്നില്‍ നിന്നതും മമ്മൂട്ടിയായിരുന്നു. ചിത്രത്തില്‍ ഒപ്പം അഭിനയിക്കുന്ന മുകേഷ് അടക്കമുള്ളവര്‍ സെറ്റിലെ ക്രിസ്‍മസ് ആഘോഷത്തിന്‍റെ ചിത്രങ്ങള്‍ സോഷ്യല്‍ മീഡിയയിലൂടെ പങ്കുവച്ചിട്ടുണ്ട്. സിനിമയുടെ ചിത്രീകരണം കൊച്ചിയില്‍ പുരോഗമിക്കുകയാണ്.
മലയാളത്തിലെ ഏറ്റവും വിജയകരമായ ഫിലിം ഫ്രാഞ്ചൈസിയിലെ അഞ്ചാം ചിത്രം എന്ന നിലയില്‍ പ്രഖ്യാപന സമയം മുതല്‍ പ്രേക്ഷകശ്രദ്ധ ലഭിച്ച ചിത്രമാണ് സിബിഐ സിരീസിലെ അഞ്ചാം ചിത്രം. എന്നാല്‍ ചിത്രത്തിന് ഇനിയും പേരിട്ടിട്ടില്ല. കാലത്തിനനുസൃതമായ മാറ്റങ്ങള്‍ ഉള്‍ക്കൊണ്ടാണ് രചന നിര്‍വ്വഹിച്ചിരിക്കുന്നതെന്നാണ് തിരക്കഥാകൃത്ത് എസ് എന്‍ സ്വാമി പറഞ്ഞിരിക്കുന്നത്. മുകേഷ്, സായ്‍കുമാര്‍, മുകേഷ്, രണ്‍ജി പണിക്കര്‍, ആശ ശരത്ത്, സൗബിന്‍ ഷാഹിര്‍, ദിലീഷ് പോത്തന്‍, അനൂപ് മേനോന്‍, പ്രശാന്ത് അലക്സാണ്ടര്‍, ജയകൃഷ്‍ണന്‍, സുദേവ് നായര്‍, അസീസ് നെടുമങ്ങാട്, സന്തോഷ് കീഴാറ്റൂര്‍, ഇടവേള ബാബു, പ്രസാദ് കണ്ണന്‍, കോട്ടയം രമേശ്, സുരേഷ് കുമാര്‍, തന്തൂര്‍ കൃഷ്‍ണന്‍, അന്ന രേഷ്‍മ രാജന്‍, അന്‍സിബ ഹസന്‍, മാളവിക മേനോന്‍, മാളവിക നായര്‍, സ്വാസിക എന്നിങ്ങനെയാണ് മറ്റു താരനിര.
undefined
അതേസമയം 'വിക്രം' എന്ന കഥാപാത്രമായി ചിത്രത്തില്‍ ജഗതിയുടെ സാന്നിധ്യമ ഉണ്ടാവുമെന്ന് റിപ്പോര്‍ട്ടുകള്‍ എത്തിയിരുന്നെങ്കിലും ഇതിന് ഔദ്യോഗിക സ്ഥിരീകരണം ലഭിച്ചിട്ടില്ല. ജഗതിയെ ചിത്രത്തിലേക്ക് എത്തിക്കുന്നതില്‍ മമ്മൂട്ടി അടക്കം താല്‍പര്യം പ്രകടിപ്പിച്ചെന്നും എന്നാല്‍ ആ കഥാപാത്രത്തെ എങ്ങനെ പ്ലേസ് ചെയ്യണം എന്നതിനെ സംബന്ധിച്ച് തീരുമാനം ആയിട്ടില്ലെന്നുമാണ് പുതിയ വിവരം.