ജോയ്‌സിയുടെ മഞ്ഞുരുകും കാലം എന്ന പേരിലുള്ള നോവലിനെ അടിസ്ഥാനമാക്കിയുള്ള പരമ്പരയ്ക്ക് വളരെ നല്ല അഭിപ്രായമാണ് ഉണ്ടായിരുന്നത്.
സോഷ്യല്‍ മീഡിയയില്‍ തരംഗമായിരിക്കുകയാണ് റോസ് ഫ്രോക്കിലെത്തിയ ഈ സുന്ദരിക്കുട്ടി. പലര്‍ക്കും ഒറ്റനോട്ടത്തില്‍ കുട്ടിയെ മനസ്സിലായെങ്കില്‍, ചിലര്‍ക്കെങ്കിലും രണ്ടാമതും നോക്കിയപ്പോഴാണ് ആളെ മനസ്സിലായത്. 'ജാനിക്കുട്ടി' (jaani) തന്നെയോ ഇത് എന്നാണ് മൂക്കത്ത് വിരല് വച്ചുകൊണ്ട് പലരും ചോദിക്കുന്നത്. മഴവില്‍ മനോരമയില്‍ സംപ്രേഷണം ചെയ്തിരുന്ന 'മഞ്ഞുരുകും കാലം' (manjurukum kaalam) പരമ്പരയിലെ ജാനിക്കുട്ടിയായെത്തി മലയാളികളെ അതിശയിപ്പിച്ച നിരഞ്ജനയാണ് (baby niranjana) വീഡിയോയിലുള്ളത്. നിരഞ്ജന എന്നതിലുപരിയായി ജാനിക്കുട്ടി എന്ന് പറഞ്ഞാലാണ് ആളെ ആരാധകര്‍ക്ക് മനസ്സിലാകുകയുള്ളു. മഞ്ഞുരുകും കാലം എന്ന പരമ്പര കൂടാതെ പല പരസ്യങ്ങളിലും നിരഞ്ജന അഭിനയിച്ചിട്ടുണ്ട്.
ജോയ്‌സിയുടെ മഞ്ഞുരുകും കാലം എന്ന പേരിലുള്ള നോവലിനെ അടിസ്ഥാനമാക്കിയുള്ള പരമ്പരയ്ക്ക് വളരെ നല്ല അഭിപ്രായമാണ് ഉണ്ടായിരുന്നത്. സ്‌ക്രീനില്‍ ഒട്ടേറെ ജാനി വന്നുപോകുന്നെങ്കിലും (വിവിധ പ്രായത്തിലുള്ള കഥാപാത്രങ്ങള്‍) പ്രേക്ഷകപ്രിയം കിട്ടിയത് ബേബി നിരഞ്ജനയ്ക്കായിരുന്നു.
ദത്തെടുക്കപ്പെട്ട് ഒരു വീട്ടിലേക്കെത്തുന്ന ജാനി എന്ന കുഞ്ഞിന്റെ കഥയാണ് മഞ്ഞുരുകും കാലം പറഞ്ഞത്. അമ്മ മരിക്കുന്നതോടെ കുട്ടികളില്ലാത്ത അകന്ന ബന്ധുവായ വിജയരാഘവനും ഭാര്യ രത്‌നമ്മയും ജാനിയെ വളര്‍ത്തുന്നു. എന്നാല്‍ രത്‌നമ്മയ്ക്ക് കുട്ടിയുണ്ടാകുന്നതോടെ ജാനി വീട്ടില്‍ അധികപറ്റായി മാറുന്നു. അവഗണനയും കുത്തുവാക്കുകളും, ദുഷ്പ്രവൃത്തികളും ഏറ്റുവാങ്ങേണ്ടിവരുന്ന ജാനി വളര്‍ന്ന് സമൂഹത്തിന് ഉപകരിക്കുന്ന വ്യക്തിത്വമായി മാറുന്നിടത്താണ് പരമ്പര അവസാനിക്കുന്നത്.
undefined
മമ്മൂട്ടിക്ക് പിന്നാലെ ദുൽഖർ; രാത്രിയിൽ ആരാധകരെ ആവേശത്തിലാഴ്ത്തി താരത്തിന്‍റെ റോഡ് ഷോ
പരമ്പരയില്‍ ഒട്ടേറെ ജാനിമാര്‍ വന്ന് പോകുന്നെങ്കിലും, അഭിനയം കൊണ്ട്, ആരാധകരുടെ പ്രിയപ്പെട്ട ജാനിയായി മാറിയത് നിരഞ്ജനയായിരുന്നു. നിരഞ്‌നയുടെ പുതിയ ഫോട്ടോഷൂട്ട് വീഡിയോയാണ് ഇപ്പോള്‍ വൈറലായിരിക്കുന്നത്. റോസ് ഫ്രോക്കില്‍ മെടഞ്ഞിട്ട മുടിയോടെ എത്തിയ നിരഞ്ജന ഇപ്പോള്‍ സോഷ്യല്‍മീഡിയയില്‍ വൈറലാണ്. ക്യൂട്ട് ജാനി എന്നാണ് വീഡിയോയ്ക്ക് ആരാധകരുടെ കമന്റ്.
വൈറലായ വീഡിയോ കാണാം