'കുടുംബവിളക്ക്' എന്ന ഹിറ്റ് സീരിയലിലൂടെ പ്രേക്ഷകര്‍ക്ക് പ്രിയങ്കരിയാണ് ആതിര.
'കുടുംബവിളക്ക്' എന്ന ജനപ്രിയ പരമ്പരയിലൂടെയാണ് മലയാളികള്‍ക്ക് ആതിര പ്രിയങ്കരിയാകുന്നത് . പരമ്പരയിലെ പേര് 'ഡോക്ടര്‍ അനന്യ' എന്നായിരുന്നതിനാല്‍ പലര്‍ക്കും അതാണ് കൂടുതല്‍ പരിചയം. തിരുവനന്തപുരം സ്വദേശിനിയായി ആതിര, മുന്നേയും ചില പരമ്പരകളില്‍ എത്തിയിരുന്നെങ്കിലും ആളുകള്‍ക്കിടയില്‍ പ്രശസ്‍തയാകുന്നത് 'കുടുംബവിളക്കി'ലെ 'അനന്യ'യായാണ്. അഭിനേത്രിയാകുന്നതിന് മുന്നേ അവതാരകയായും ആതിര എത്തിയിരുന്നു.
കഴിഞ്ഞ ഏപ്രിലിലാണ് 'കുടുംബവിളക്ക്' (Kudumbavilakku Serial) താരം ആതിര മാധവ് (Athira Madhav) അമ്മയായ സന്തോഷം ആരാധകർ അറിഞ്ഞത്. ആതിര പറയുന്നതിന് മുമ്പ് തന്നെ സുഹൃത്തും നടിയുമായ അമൃതയായിരുന്നു സന്തോഷം പുറം ലോകത്തെ അറിയിച്ചത്. ആൺകുഞ്ഞ് ആണെന്നും എന്റെ മരുമകൻ എത്തിയെന്നുമൊക്കെയായിരുന്നു രസകരമായി അമൃത അറിയിച്ചത്. പിന്നാലെ കുഞ്ഞിന്റെ മുഖം കാണിച്ച് ആതിര എത്തിയിരുന്നു.
പ്രസവത്തിന് ശേഷമുള്ള ഇടവേളയ്ക്ക് ശേഷം ആരാധകരെ കിടിലം കൊള്ളിച്ച ഡാൻസ് പെർഫോമൻസുമായാണ് ആതിര എത്തിയത്. ഇത് ഇരുകയ്യും നീട്ടിയാണ് അവർ ഏറ്റെടുത്തത്. നിരന്തരം സോഷ്യൽ മീഡിയയിൽ വിശേഷവുമായി എത്തുന്ന ആതിര ഇത്തവണയും ഒരു ഡാൻസ് പെർഫോമൻസുമായാണ് എത്തുന്നത്. എന്നാൽ ഈ ഡാൻസിൽ കൂട്ടിന് പ്രിയ താരം ഡയാന ഹമീദും ഒപ്പമുണ്ട്. ടെറസിൽ നിന്നുള്ള ഇരുവരുടെയും ഡാൻസ് റീലിന് ഹാപ്പി ഡാൻസിങ് എന്ന കുറിപ്പാണ് ആതിര നൽകിയിരിക്കുന്നത്.
ടെലിവിഷൻ പ്രേക്ഷകർക്ക് പരിചയപ്പെടുത്തൽ ആവശ്യമില്ലാത്ത താരമാണ് ഡയാന ഹമീദ്. നിരവധി പരമ്പരകളിലും സിനിമകളിലും ഹ്രസ്വചിത്രങ്ങളിലും അഭിനയിച്ച താരം കൂടുതൽ പ്രശസ്തയായത് സ്റ്റാർ മാജിക് എന്ന ഷോയിലൂടെ ആയിരുന്നു. വളരെ രസകരമായ ഒത്തിരി ഹ്രസ്വ ചിത്രങ്ങൾ ചെയ്‍ത ഡയാനയുടേതായി അടുത്തിടെ ഇറങ്ങിയ ചിത്രം 'യുവം' ആയിരുന്നു. അടുത്ത സുഹൃത്തുക്കളാണ് ഡയാനയും ആതിരയും. കൂട്ടുകാരിയെ കാണാൻ ഡയാന എത്തിയപ്പോഴുള്ള വീഡിയോ ആണോ ഇതെന്നാണ് ആരാധകരുടെ ചോദ്യം.
Read More : 'ശിവന്റെ' മാസ് പെര്‍ഫോമന്‍സിനായി കാത്ത് 'സാന്ത്വനം' ആരാധകര്‍