ചേച്ചി അമൃതക്കെതിരെ വരുന്ന വിമർശനങ്ങൾക്കും അഭിരാമി മറുപടി കൊടുക്കാറുണ്ട്. അഭിരാമിയുടെ ഈ രീതിക്ക് അഭിനന്ദനം ലഭിക്കാറുമുണ്ട്.
കൊച്ചി: ഗായിക അമൃ‍ത സുരേഷിന്റെ സഹോദരിയും ഗായികയുമായ അഭിരാമി സുരേഷ് സോഷ്യൽ മീഡിയയിൽ വളരെ സജീവമാണ്. ഇപ്പോൾ താരം കുക്കിംഗ് വീഡിയോയയും പങ്കുവെയ്ക്കാറുണ്ട്. അഭിനയത്തിലൂടെയാണ് അഭിരാമി സുരേഷിന്റെ കരിയര്‍ തുടങ്ങുന്നത്. ഹലോ കുട്ടിച്ചാത്തനിലൂടെയാണ് അഭിനയ ജീവിതം ആരംഭിച്ചത്. നവനീത് മാധവും ഷെയ്ന്‍ നിഗുമുണ്ടായിരുന്നു കുട്ടിച്ചാത്തനില്‍.
കേരളോത്സവത്തിലൂടെയാണ് സിനിമയില്‍ അഭിനയിച്ചത്. ഗുലുമാല്‍, 100 ഡേയ്‌സ് ഓഫ് ലവ് എന്ന ചിത്രത്തിലാണ് ഒടുവിലായി അഭിനയിച്ചത്. അമൃതയ്‌ക്കൊപ്പം ഗാനരചനയും സംഗീതവുമൊക്കെയായി സജീവമാണ് അഭിരാമി.
undefined
ഇപ്പോഴിതാ അമ്മയ്ക്ക് പിറന്നാൾ ആശംസകൾ നേരുകയാണ് താരം. "ജനിച്ചതിനും.. ജീവിക്കുന്നതിനും.. പൊരുതുന്നതിനും .. ഒക്കെ കാരണമായ ഞങ്ങളുടെ അമ്മപ്പോന്നിനു ഇന്ന് 60 ആം പിറന്നാൾ എത്രയൊക്കെ വേദനകളുണ്ടെങ്കിലും ഞങ്ങളെ ചിരിപ്പിക്കാനും ചിന്തിപ്പിക്കാനും താങ്ങായും തണലായും ഭഗവാൻ ഇനിയും ഒരുപാട് വർഷങ്ങൾ ഞങ്ങളുടെ സ്വത്തിനു ആഘോഷിക്കാൻ തരട്ടെ എന്ന് പ്രാർത്ഥിക്കുന്നു .. അച്ഛ എന്നും അമ്മേടെ കൂടെ തന്നെ കാണും ട്ടാ .. ഭഗവാനും.. ഞങ്ങളുടെ പൊന്നമ്മക്ക് ആയിരമായിരം ഉമ്മ" എന്നാണ് അമ്മയ്ക്ക് ആശംസകൾ നേർന്ന് അഭിരാമി കുറിച്ചത്.
ചേച്ചി അമൃതക്കെതിരെ വരുന്ന വിമർശനങ്ങൾക്കും അഭിരാമി മറുപടി കൊടുക്കാറുണ്ട്. അഭിരാമിയുടെ ഈ രീതിക്ക് അഭിനന്ദനം ലഭിക്കാറുമുണ്ട്. എന്തായാലും ഇപ്പോൾ പങ്കുവെച്ച വീഡിയോയും മികച്ചതായിട്ടുണ്ട് എന്നാണ് ആരാധകർ പറയുന്നത്. ഗായികയ്ക്ക് പുറമെ താൻ നല്ല കുക്ക് കൂടിയാണ് എന്ന് തെളിയിക്കുകയാണ് താരം.
തന്റെ പാചക പരീക്ഷണങ്ങൾ ആരാധകരുമായി താരം പങ്കുവെയ്ക്കാറുണ്ട്. അടുത്തിടെ പാചകം ചെയ്യുന്നതിനിടെ താരത്തിന് അപകടം പറ്റിയിരുന്നു. മിക്സി പൊട്ടിത്തെറിച്ചായിരുന്നു അഭിരാമിക്ക് അപകടം പറ്റിയത്. അഭിരാമി തന്നെയാണ് അപകടം പറ്റിയ വാർത്ത പങ്കുവെച്ചത്. ഏതാണ് ഒരു വർഷം മുമ്പ് എറണാകുളത്ത് സ്വന്തമായി ഒരു കഫേ അഭിരാമി ആരംഭിച്ചിട്ടുണ്ട്. പാട്ടും പാചകവുമൊക്കെയായി തിരക്കിലാണ് അഭിരാമി.
ലൊക്കേഷനിൽ വിവാഹവാർഷികം ആഘോഷിച്ച് ചിപ്പിയും രഞ്ജിത്തും; ആശംസകൾ നേർന്ന് സാന്ത്വനം ആരാധകർ
'പെണ്‍പടയുടെ വിളയാട്ടം' ; ബോളിവുഡില്‍ പണം വാരിയ 'ക്രൂ' ഒടിടിയില്‍ റിലീസായി