അഞ്ച് വിമാനമാണ് തിരുവനന്തപുരേത്തക്കുള്ളത്. കൊച്ചി, കോഴിക്കോട്, കണ്ണൂര്‍ വിമാനത്തവാളത്തിലേക്കുള്ള ഒരു വിമാനവും ഷെഡ്യുളിലില്ല.
മനാമ: വന്ദേഭാരതിന്റെ അടുത്ത ഘട്ടത്തില്‍ ബഹ്റൈനില് നിന്ന് കേരളത്തിലേക്ക് വിമാനമുള്ളത് തിരുവന്തപുരത്തേക്ക് മാത്രം. ജൂണ്‍ ഒമ്പത് മുതല്‍ 19 വരെയുളള ഷെഡ്യുളില്‍ 14 വിമാനങ്ങളാണ് ബഹ്റൈനില് നിന്ന് ഇന്ത്യയിലേക്ക് പറക്കുക. ഇതില്‍ അഞ്ച് വിമാനമാണ് തിരുവനന്തപുരേത്തക്കുള്ളത്. കൊച്ചി, കോഴിക്കോട്, കണ്ണൂര്‍ വിമാനത്തവാളത്തിലേക്കുള്ള ഒരു വിമാനവും ഷെഡ്യുളിലില്ല.
ഈ മാസം 11, 13,15,17,19 തിയതികളിലാണ് വിമാനങ്ങള്‍ തിരുവനന്തപുരത്തേക്ക് പോകുന്നത്. ഡെല്‍ഹിയിലേക്ക് 10, 14, 16, 18 തിയതികളിലായി നാല് വിമാനങ്ങളുണ്ട്. ചെന്നൈയിലേക്ക് 9,10,18 തിയതികളിലായി മൂന്ന് സര്‍വീസുകളും. ബംഗളുരു, വിജയവാഡ എന്നിവിടങ്ങളിലേക്കായി യഥാക്രമം 13,14 തിയതികളിലായി ഓരോ സര്‍വീസുമുണ്ട്.