തിരക്കുള്ള ബസില്‍ ഏറ്റവും കഷ്ടപ്പെടുന്നയാള്‍ കണ്ടക്ടറാണ്, തിരക്കിനിടയിലും ഫുട്ബോള്‍ കളിക്കാനുള്ള സ്ഥലമുണ്ടല്ലോ എന്നോക്കെ പറയും എങ്കിലും കണ്ടക്ടറുടെ പ്രയാസം അയാള്‍ക്കെ അറിയൂ. എന്നാൽ ഈ തിരക്കൊന്നും വകവയ്ക്കാതെ ഒരു കണ്ടക്ടർ തന്‍റെ ജോലി കൃത്യമായി ചെയ്യുന്നതിന്‍റെ ദൃശ്യങ്ങൾ വൈറലാകുന്നു.
Ticket checker, India. pic.twitter.com/7VWrN5Z17y
— Prasanto K Roy (@prasanto) September 11, 2017
തിരക്കുള്ള ഒരു ബസിൽ, കണ്ടക്ടർ സീറ്റിന്‍റെ മുകളിലൂടെ ഒന്നിൽ നിന്നും അടുത്തതിലേക്കായി ചാടിനടന്ന് യാത്രക്കാരുടെ അടുക്കലെത്തുന്നതാണ് 36 സെക്കൻഡ് ദൈർഘ്യമുള്ള വീഡിയോ ദൃശ്യങ്ങളിൽ നിന്നും വ്യക്തമാകുന്നത്. തന്‍റെ കാല് ആരുടെയും ശരീരത്തിൽ സ്പർശിക്കാതെ വളരെ ശ്രദ്ധിച്ചാണ് അദ്ദേഹം നടന്നത്. യാത്രക്കാരിലൊരാൾ പകർത്തിയ ദൃശ്യങ്ങൾ സാമൂഹ്യമാധ്യമങ്ങളിൽ പങ്കുവെച്ചതിനെ തുടർന്ന് വൈറലാകുകയായിരുന്നു.