നിത അംബാനി തന്റെ ഭാവി മരുമകൾ രാധിക മർച്ചന്റിന് വേണ്ടി തയ്യാറാക്കിയ മനോഹരമായ ഗിഫ്റ്റ് ഹാംപറിന്റെ വിഡിയോ സോഷ്യൽ മീഡിയയിൽ വൈറലാണ്.
മുകേഷ് അംബാനിയുടെയും നിത അംബാനിയുടെയും ഇളയ മകൻ അനന്ത് അംബാനിയുടെ വിവാഹ നിശ്ചയം ഈ വർഷം ജനുവരിയിലായിരുന്നു. എൻകോർ ഹെൽത്ത്‌കെയറിന്റെ സിഇഒ വീരേൻ മെർച്ചന്റിന്റെ മകളായ രാധിക മെർച്ചന്റിനെയാണ് അനന്ത് അംബാനി വിവാഹം ചെയ്യുന്നത്. അനന്ത് രാധികയുമായി പ്രണയത്തിലായപ്പോൾ തന്നെ അംബാനി കുടുംബത്തിലെ എല്ലാ ചടങ്ങുകൾക്കും രാധിക എത്താറുണ്ടായിരുന്നു. അംബാനി കുടുംബത്തിലെ വളരെ പ്രിയപ്പെട്ട അംഗമാണ് അവർ. കുടുംബത്തിൽ നിതയും മുകേഷും രാധികയ്ക്ക് ഭാവി മരുമകളെന്ന സ്ഥാനം നൽകിയിരുന്നു. ഇപ്പോൾ രാധിക മെർച്ചന്റിനായി നിത അംബാനി നൽകിയ സമ്മാനമാണ് വാർത്തകളിൽ ഇടം പിടിക്കുന്നത്.
ALSO READ: മുകേഷ് അംബാനിയുടെ ആന്റിലിയയോട് കിടപിടിച്ച് റെയ്‌മണ്ട്‌ മാന്‍; വീടിന്റെ വില കോടികൾ
undefined
നിത അംബാനി തന്റെ ഭാവി മരുമകൾ രാധിക മർച്ചന്റിന് വേണ്ടി തയ്യാറാക്കിയ മനോഹരമായ ഗിഫ്റ്റ് ഹാംപറിന്റെ വിഡിയോ സോഷ്യൽ മീഡിയയിൽ വൈറലാണ്. വീഡിയോയിൽ, ചെടികൾക്കൊപ്പം വെള്ളികൊണ്ടുള്ള പൂജാ പാത്രങ്ങളും കൂടാതെ, ഒരു ചെറിയ വെള്ളി അഗർബത്തി സ്റ്റാൻഡും ഒരു ലക്ഷ്മി-ഗണേശ വിഗ്രഹവും ഉണ്ട്. മാത്രമല്ല, വെളുത്ത പൂക്കളാൽ ഹാംപർ അലങ്കരിച്ചിരുന്നു.
ALSO READ: മുകേഷ് അംബാനിയുടെ വിശ്വസ്തൻ, റിലയൻസിലെ ഈ ജീവനക്കാരന്റെ ശമ്പളം ഒന്നും രണ്ടും കോടിയല്ല
നിത അംബാനി ഇതിനു മുൻപും മരുമക്കൾക്ക് സമ്മാനം നൽകാറുണ്ട്. കഴിഞ്ഞ ഏപ്രിലിൽ ലോകത്തെ ഏറ്റവും വിലപിടിപ്പുള്ള ഡയമണ്ട് നെക്ലേസുകളില്‍ ഒന്നാണ് നിത അംബാനി മൂത്ത മരുമകളായ ശ്ലോക മെഹ്തയ്ക്ക് സമ്മാനിച്ചത്. 55 മില്ല്യണ്‍ ഡോളര്‍ അതായത്, ഏകദേശം 450 കോടി രൂപ വില വരുന്നതാണ് ഈ നെക്ലേസ്.
അംബാനി കുടുംബത്തിലേക്ക് എത്തുന്ന രാധിക മർച്ചന്റ് നർത്തകി കൂടിയാണ്, 2022 ജൂണിൽ അംബാനി കുടുംബം അവർക്കായി 'ദി ഗ്രാൻഡ് തിയേറ്ററിൽ' (ജിയോ വേൾഡ് സെന്റർ) അരങ്ങേറ്റം സംഘടിപ്പിച്ചിരുന്നു. മുകേഷ് അംബാനിയും നിത അംബാനിയും മാത്രമല്ല, ആകാശ് അംബാനി, ശ്ലോക മേത്ത, ഇഷ അംബാനി, അവരുടെ ഭർത്താവ് ആനന്ദ് പിരാമൽ എന്നിവരും രാധിക മർച്ചന്റിന് മികച്ച പ്രോത്സാഹനമാണ് നൽകാറുള്ളത്.