ഫോക്സ് 4 ന്യൂസ് റിപ്പോര്‍ട്ടറായ ഷാനന്‍ മുറേ എന്ന യുവതി വാര്‍ത്ത റിപ്പോര്‍ട്ട് ചെയ്യുന്നതിനിടയില്‍ കൈയ്യില്‍ കൂടി ഒരു വലിയ ചിലന്തി കടന്നു പോയി. എന്നാല്‍ വാര്‍ത്തയുടെ പ്രാധാന്യത്തില്‍ റിപ്പോര്‍ട്ടര്‍ ഇതൊന്നും അറിഞ്ഞില്ല. ന്യൂസ് ചാനലിലുള്ള മറ്റാരും തന്നെ ഇക്കാര്യം ശ്രദ്ധിച്ചിരുന്നില്ല. എന്നാല്‍ വാര്‍ത്ത ടെലികാസ്റ്റ് ചെയ്ത ശേഷം വാര്‍ത്ത കണ്ട ആളുകളാണ് സംഭവം സോഷ്യല്‍ മീഡിയയിലൂടെ സ്‌റ്റേഷനില്‍ അറിയിച്ചത്.
തുടര്‍ന്ന് സ്‌റ്റേഷന്‍ വീണ്ടും ഈ വീഡിയോ പോസ്റ്റ് ചെയ്തു. തുടര്‍ന്ന് ലക്ഷക്കണക്കിന് പേരാണ് ആളുകള്‍ ഈ വീഡിയോ കണ്ടത്. തന്‍റെ ക്ഷേമം അന്വേഷിച്ചും നിരവധി പേര്‍ എത്തിയെന്നും റിപ്പോര്‍ട്ടര്‍ പറയുന്നു. സംഭവം താന്‍ അപ്പോള്‍ അറിഞ്ഞില്ലെന്നും, വീഡിയോ കണ്ടപ്പോഴാണ് മനസ്സിലായതെന്നും മുറേ ചാനല്‍ പേജില്‍ പോസ്റ്റ് ചെയ്ത വീഡിയോയ്ക്ക് അടിയില്‍ കമന്‍റ് ചെയ്തു.