പെരുമ്പാമ്പ് സഞ്ചി മൃഗമായ പോസത്തെ വിഴുങ്ങുന്നതിന്‍റെ ദൃശ്യങ്ങൾ സോഷ്യല്‍ മീഡിയയില്‍ ശ്രദ്ധേയമാകുന്നു. കിഴക്കൻ ഓസ്ട്രേലിയായിലെ ഗോൾഡ് കോസ്റ്റിലാണ് സംഭവം നടന്നത്. ഗോൾഡ് കോസ്റ്റ് സ്വദേശിയായ ഗ്രെഗ് ഹോസ്ക്കിങ്ങിന്റെ വീടിനു സമീപത്തുള്ള മരത്തിൽ വെച്ചായിരുന്നു പെരുന്പാന്പ് പോസത്തെ വിഴുങ്ങിയത്. ഈ പ്രദേശത്ത് സ്ഥിരമായി കാണപ്പെടുന്ന പാമ്പാണ് ഇതെന്ന് ഗ്രെഗ് പറഞ്ഞു. പ്രദേശവാസികൾ മോണ്ടി എന്നാണ് ഈ പെരുമ്പാമ്പിനെ വിളിക്കുന്നത്.