ആധുനിക ലോകത്തെ ബാഹുബലി ദൃശ്യം അതാണ് ഈ ചിത്രം മുന്നോട്ട് വയ്ക്കുന്നത്. ആന്ധ്രാപ്രദേശിലെ കുഡുമുസാരിയില്‍ നിന്നാണ് ഈ ചിത്രം. കഴുത്തറ്റത്തോളം വെള്ളത്തില്‍ അസുഖം ബാധിച്ച സ്വന്തം കുഞ്ഞിനെ കയ്യില്‍ ഉയര്‍ത്തിപ്പിടിച്ച് ആശുപത്രിയില്‍ പോകുവാന്‍ നദികടക്കുകയാണ് ഒരു അച്ഛന്‍. നദിക്ക് അപ്പുറം സ്ഥിതി ചെയ്യുന്ന ഇവരുടെ ഗ്രാമത്തില്‍ ഒരു പ്രാഥമിക ആരോഗ്യകേന്ദ്രം പോലും ഇല്ല. നദി കടന്നതിന് ശേഷം 5 കിലോമീറ്റര്‍ നടന്നാണ് ഈ പിതാവ് കുട്ടിയെ ആശുപത്രിയില്‍ എത്തിച്ചത്.