സ്വന്തം ഭര്‍ത്താവിന്‍റെ മരണം ബ്രേക്കിംഗ് ന്യൂസായി വായിച്ച് ടെലിവിഷന്‍ വാര്‍ത്ത അവതാരിക. ചത്തീസ്ഗഢീലെ ഐബിസി 24 എന്ന ചാനലിലെ സുപ്രീത് കൗര്‍ എന്ന അവതാരികയാണ് വ്യക്തിപരമായ ദു:ഖത്തിലും സ്വന്തം കര്‍ത്തവ്യം നിര്‍വഹിച്ചത്.
ശനിയാഴ്ച രാവിലെ ലൈവ് ബുള്ളറ്റിനിടയിലാണ് സംഭവം. ഒരു അപകട വാര്‍ത്ത ഫോണ്‍ ഇന്നിലൂടെ ഒരു റിപ്പോര്‍ട്ടര്‍ റിപ്പോര്‍ട്ട് ചെയ്യുകയായിരുന്നു. ചത്തീസ്ഗഢിലെ മഹാഷമദ് ജില്ലയിലെ പിത്താര എന്ന സ്ഥലത്ത് ഒരു ഡെസ്റ്റര്‍ അപകടത്തില്‍ പെടുകയും അതില്‍ സഞ്ചരിച്ചിരുന്ന 5 പേര്‍ മരിച്ചുവെന്നുമായിരുന്നു റിപ്പോര്‍ട്ട്.
undefined
എന്നാല്‍ ഇതില്‍ തന്‍റെ ഭര്‍ത്താവും ഉണ്ടെന്ന് മനസിലാക്കിയും കൗര്‍ വാര്‍ത്ത വായന തുടരുകയായിരുന്നു. 28 വയസുകാരിയായ കൗര്‍ ആ ബുള്ളറ്റിന്‍ പൂര്‍ത്തിയാക്കിയ ശേഷമാണ് സ്റ്റുഡിയോ വിട്ടത്.