ചെന്നൈയില്‍നിന്നുള്ള മോഡലിങ് രംഗത്ത് അറിയപ്പെടുന്ന യുവതിയെ കാണാതായത് വെള്ളിയാഴ്‌ചയാണ്. കേസെടുത്ത് അന്വേഷണം ആരംഭിച്ചെങ്കിലും ഒരു തുമ്പും ലഭിച്ചില്ല. അതിനിടെയാണ് ഗാനം നായര്‍ എന്ന മോഡലിനെ കണ്ടെത്താന്‍ ഓണ്‍ലൈനില്‍ പ്രത്യേക ക്യാംപയ്ന് തുടങ്ങിയത്. സോഷ്യല്‍ മീഡിയയില്‍ ഉള്‍പ്പടെ ഈ ക്യാംപയ്ന് വന്‍ പ്രതികരണമാണ് ലഭിക്കുന്നത്. വെള്ളിയാഴ്ച രാവിലെ ചെന്നൈയിലെ വീട്ടില്‍നിന്ന് ജോലി ചെയ്യുന്ന സ്ഥാപനത്തിലേക്ക് സ്‌കൂട്ടറില്‍ പോയ ഗാനം നായരെ പിന്നീട് ആരും കണ്ടിട്ടില്ല. അവരുടെ മൊബൈല്‍ ഫോണ്‍ വെള്ളിയാഴ്ച രാവിലെ മുതല്‍ സ്വിച്ച് ഓഫാണ്. ബന്ധുക്കള്‍ പൊലീസില്‍ പരാതി നല്‍കി. എന്നാല്‍ പൊലീസിന് ഇതുവരെ ഒരു വിവരവും ലഭിച്ചിട്ടില്ല. ഇതേത്തുടര്‍ന്നാണ് ഗാനം നായരെ കണ്ടെത്തുന്നതിനുവേണ്ടി ഓണ്‍ലൈന്‍ ക്യാംപയ്ന് ആരംഭിക്കുന്നത്. ട്വിറ്റര്‍, ഫേസ്ബുക്ക് എന്നിവ വഴിയുള്ള പ്രചരണത്തിന് വലിയ പ്രതികരണമാണ് ലഭിക്കുന്നത്.