ആദ്യ കളിയിൽ ഡൽഹിയോട് തോറ്റ മുംബൈ ജസ്പ്രീത് ബുംറയുടെയും ലസിത് മലിംഗയുടെയും ബൗളിംഗ് മികവിലാണ് ബാംഗ്ലൂരിനെ തോൽപിച്ചത്.
മുംബൈ: ഐ പി എല്ലിൽ ഇന്നത്തെ ആദ്യ മത്സരത്തിൽ കിംഗ്സ് ഇലവൻ പഞ്ചാബ് , മുംബൈ ഇന്ത്യൻസിനെ നേരിടും. വൈകിട്ട് നാലിന് മൊഹാലിയിലാണ് മത്സരം. വിവാദത്തിന്‍റെ അകമ്പടിയോടെ ആണെങ്കിലും ബാംഗ്ലൂരിനെ തോൽപിച്ച ആത്മവിശ്വാസവുമായാണ് മുംബൈ ഇറങ്ങുന്നത്.
ആദ്യ കളിയിൽ ഡൽഹിയോട് തോറ്റ മുംബൈ ജസ്പ്രീത് ബുംറയുടെയും ലസിത് മലിംഗയുടെയും ബൗളിംഗ് മികവിലാണ് ബാംഗ്ലൂരിനെ തോൽപിച്ചത്. രാജസ്ഥാനെ തോൽപിച്ച പഞ്ചാബ് കൊൽക്കത്തയോട് തോറ്റു. സീസണിൽ പഞ്ചാബിന്‍റെ ആദ്യ ഹോം മത്സരമാണിത്.
undefined
ക്രിസ് ഗെയ്‍ലിന്‍റെ പ്രകടനമാവും പഞ്ചാബ് നിരയിൽ നിർണായകമാവുക. ഐ പി എല്ലിൽ ഇരുടീമും 22 തവണ ഏറ്റുമിട്ടിയിട്ടുണ്ട്. പന്ത്രണ്ടിൽ മുംബൈയും പത്തിൽ പഞ്ചാബും ജയിച്ചു. ഏറ്റവും ഒടുവിൽ ഏറ്റുമുട്ടിയ രണ്ട് കളിയിലും മുംബൈയ്ക്കായിരുന്നു ജയം.
രാത്രി എട്ടിന് തുടങ്ങുന്ന രണ്ടാമത്തെ കളിയിൽ ഡൽഹി കാപിറ്റൽസ് , കൊൽക്കത്ത നൈറ്റ് റൈഡേഴ്സിനെ നേരിടും. ഡൽഹിയുടെ ഹോം ഗ്രൗണ്ടിലാണ് മത്സരം. ഈഡൻ ഗാർഡനിൽ രണ്ടുകളിയും ജയിച്ചാണ് ദിനേശ് കാർത്തിക്കിന്‍റെ കൊൽക്കത്ത ദില്ലിയിൽ എത്തിയിരിക്കുന്നത്.
നിതീഷ് റാണയുടെയും ആന്ദ്രേ റസലിന്‍റെയും മികവിലായിരുന്നു രണ്ടുകളിയിലും കൊൽക്കത്തയുടെ ജയം. മുംബൈ ഇന്ത്യൻസിനെ തോൽപിച്ച് തുടങ്ങിയ ഡൽഹി രണ്ടാം മത്സരത്തിൽ ചെന്നൈയോട് തോറ്റു.