ഭീഷണിപ്പെടുത്തി ലൈംഗിക ബന്ധത്തില്‍ ഏര്‍പ്പെടുകയും ചെയ്ത സൂരജ് നല്‍വാഡേ എന്ന യുവാവ് വിവാഹം കഴിക്കണമെന്ന് യുവതി ആവശ്യപ്പെട്ടതോടെയാണ് പ്രശ്നങ്ങള്‍ തുടങ്ങിയത്. യുവതി താഴ്ന്ന ജാതിയില്‍ ഉള്ള ആളാണെന്നും വിവാഹം കഴിക്കാന്‍ പറ്റില്ലെന്നുമായിരുന്നു യുവാവിന്‍റെ നിലപാടെന്നാണ് ആരോപണം
പൂനെ(മഹാരാഷ്ട്ര): വിവാഹവാഗ്ദാനം നടത്തി ഭീഷണിപ്പെടുത്തി ലൈംഗിക ബന്ധത്തില്‍ ഏര്‍പ്പെട്ട് യുവാവ് മുങ്ങി, ആത്മഹത്യാ ശ്രമം നടത്തി യുവതി. ഒടുവില്‍ ഐസിയുവില്‍ വച്ച് വിവാഹം. തികച്ചും വ്യത്യസ്തമായ ഒരു വിവാഹത്തിനാണ് വ്യാഴാഴ്ച മഹാരാഷ്ട്ര പൂനെയിലെ ഒരു ആശുപത്രി സാക്ഷ്യം വഹിച്ചത്. എന്നാല്‍ വിവാഹത്തിന് പിന്നാലെ വരന്‍ വീണ്ടും മുങ്ങിയതോടെ യുവതിയുടെ ബന്ധുക്കള്‍ പൊലീസിനെ സമീപിക്കുകയായിരുന്നു.
ഭീഷണിപ്പെടുത്തി ലൈംഗിക ബന്ധത്തില്‍ ഏര്‍പ്പെടുകയും ചെയ്ത സൂരജ് നല്‍വാഡേ എന്ന യുവാവ് വിവാഹം കഴിക്കണമെന്ന് യുവതി ആവശ്യപ്പെട്ടതോടെയാണ് പ്രശ്നങ്ങള്‍ തുടങ്ങിയത്. യുവതി താഴ്ന്ന ജാതിയില്‍ ഉള്ള ആളാണെന്നും വിവാഹം കഴിക്കാന്‍ പറ്റില്ലെന്നുമായിരുന്നു യുവാവിന്‍റെ നിലപാടെന്നാണ് ആരോപണം. നിരാശയിലായ യുവതി വിഷം കഴിച്ച് ആത്മഹത്യാശ്രമം നടത്തി ഗുരുതരാവസ്ഥയിലായി. ഇതോടെ യുവാവിനെ ആശുപത്രിയിലെത്തിച്ച് യുവതിയെ വിവാഹം കഴിപ്പിക്കുകയായിരുന്നു.
Maharashtra: A man was made to marry his girlfriend at a hospital in Pune's Chakan yesterday. The girl was admitted there after she attempted suicide when the man allegedly refused to marry her. The man however managed to escape from the hospital soon after the wedding. (05.12) pic.twitter.com/voc4SFl19Q
— ANI (@ANI)
എന്നാല്‍ യുവാവ് വിവാഹശേഷം എല്ലാവരുടേയും കണ്ണ് വെട്ടിച്ച് ആശുപത്രിയില്‍ നിന്ന് രക്ഷപ്പെട്ടു. ഇതോടെ യുവതി പൊലീസില്‍ പരാതിപ്പെടുകയായിരുന്നു. ഇയാള്‍ക്കെതിരെ പൊലീസ് ബലാത്സംഗത്തിന് കേസെടുത്ത് അന്വേഷണം ആരംഭിച്ചു. നവംബര്‍ 27നാണ് യുവതി ആത്മഹത്യാ ശ്രമം നടത്തി ആശുപത്രിയിലായത്.