അസാധാരണമായ സ്തനകോശങ്ങൾ നിയന്ത്രണാതീതമായി വളരുകയും മുഴകൾ രൂപപ്പെടുകയും ചെയ്യുന്ന ക്യാൻസറാണ് സ്തനാർബുദം. സ്തനത്തിൽ വേദന അനുഭവപ്പെടുക, മുലക്കണ്ണ് വേദന, മുലക്കണ്ണിൽ നിന്ന് ഡിസ്ചാർജും നിറവ്യത്യാസവുമെല്ലാം ബ്രെസ്റ്റ് ക്യാൻസറിന്റെ ലക്ഷണങ്ങൾ.
സ്തനാർബുദം വീണ്ടും വരുമോ എന്നറിയാൻ സഹായിക്കുന്ന പുതിയ അൾട്രാ സെൻസിറ്റീവ് രക്തപരിശോധന ടെസ്റ്റ് വികസിപ്പിച്ച് ബ്രിട്ടീഷ് ഗവേഷകർ. ട്യൂമറിൻ്റെ ഡിഎൻഎയിലൂടെയാണ് ഈ പരിശോധന നടത്തുന്നത്. ഏത് രോഗികളാണ് ക്യാൻസർ ഉണ്ടാകുമെന്ന് നേരത്തെ കണ്ടെത്തുന്നതിനും ഈ ടെസ്റ്റ് സഹായകമാണെന്ന് ബിബിസി റിപ്പോർട്ട് ചെയ്തു.
രോഗലക്ഷണങ്ങൾ പ്രകടമാകുന്നതിന് 15 മാസം മുമ്പ് രക്തപരിശോധനയിൽ ക്യാൻസർ കണ്ടെത്തിയതായി ചിക്കാഗോയിൽ നടന്ന അമേരിക്കൻ സൊസൈറ്റി ഓഫ് ക്ലിനിക്കൽ ഓങ്കോളജി കോൺഫറൻസിൽ അവതരിപ്പിച്ച റിപ്പോർട്ടിൽ പറയുന്നു.
undefined
' സ്തനാർബുദ കോശങ്ങൾ ശസ്ത്രക്രിയയ്ക്കും മറ്റ് ചികിത്സകൾക്കും ശേഷവും ശരീരത്തിൽ നിലനിൽക്കും. എന്നാൽ ഈ കോശങ്ങളിൽ വളരെ കുറച്ച് മാത്രമേ ഉള്ളൂ. അവ ഫോളോ-അപ്പ് സ്കാനുകളിൽ കണ്ടെത്താനാകുന്നില്ല. എന്നിരുന്നാലും, പ്രാഥമിക ചികിത്സയ്ക്ക് ശേഷം നിരവധി വർഷങ്ങൾക്ക് ശേഷം രോഗികൾ വീണ്ടും രോഗാവസ്ഥയിലേക്ക് നയിക്കും...' - ഇൻസ്റ്റിറ്റ്യൂട്ട് ഓഫ് ക്ലിനിക്കൽ റിസർച്ച് നിന്നുള്ള പ്രമുഖ ഗവേഷകനായ ഡോ ഐസക് ഗാർസിയ-മുറില്ലസ് പറഞ്ഞു.
രോഗലക്ഷണങ്ങൾ പ്രത്യക്ഷപ്പെടുന്നതിന് ഒരു വർഷത്തിനുള്ളിൽ സ്തനാർബുദ ലക്ഷണങ്ങൾ കണ്ടെത്തുന്നത് പ്രധാനപ്പെട്ട കാര്യമാണെന്ന് പഠനത്തിൽ പറയുന്നു. ഗവേഷണം പ്രാരംഭ ഘട്ടത്തിലാണ്. സ്തനാർബുദം ശരീരത്തിൻ്റെ മറ്റ് ഭാഗങ്ങളിലേക്ക് പടരുന്നത് തടയാനും ഭേദമാക്കാനും ഈ ടെസ്റ്റ് സഹായകമാണെന്നാണ് കരുതുന്നതെന്ന് ഗവേഷകർ പറയുന്നു.
അസാധാരണമായ സ്തനകോശങ്ങൾ നിയന്ത്രണാതീതമായി വളരുകയും മുഴകൾ രൂപപ്പെടുകയും ചെയ്യുന്ന ക്യാൻസറാണ് സ്തനാർബുദം. ശ്രദ്ധിച്ചില്ലെങ്കിൽ, മുഴ ശരീരത്തിൽ വ്യാപിക്കാം. മാമോഗ്രാമിന് സ്തനാർബുദം നേരത്തേ കണ്ടെത്താനാകും. സ്തനത്തിൽ വേദന അനുഭവപ്പെടുക, മുലക്കണ്ണ് വേദന, മുലക്കണ്ണിൽ നിന്ന് ഡിസ്ചാർജും നിറവ്യത്യാസവുമെല്ലാം ബ്രെസ്റ്റ് ക്യാൻസറിന്റെ ലക്ഷണങ്ങൾ. രോഗം തടയുന്നതിന് നേരത്തെ കണ്ടെത്തി ചികിത്സിക്കുക എന്നുള്ളതാണ് പ്രധാനം.
മുടികൊഴിച്ചിൽ എളുപ്പം കുറയ്ക്കാം ; മുൾട്ടാണി മിട്ടി ഈ രീതിയിൽ ഉപയോഗിച്ച് നോക്കൂ