ആരാണ് 'പൊളി ശരത്ത്'; പക്ഷെ ശരത്തിപ്പോള്‍ ട്രെന്‍റിംഗാണ്..!
First Published | Aug 3, 2019, 7:30 PM IST2019 ല്‍ മലയാളത്തിലെ ഏറ്റവും വലിയ ഹിറ്റുകളില്‍ ഒന്നാണ് കുമ്പളങ്ങി നൈറ്റ്സ് എന്ന ചിത്രം. ഇതിലെ ഒരു രംഗത്തില്‍ പേര് മാത്രം പരാമര്‍ശിക്കുന്ന കഥാപാത്രത്തെ ചുറ്റിപ്പറ്റിയാണ് ഇപ്പോള്‍ ഫേസ്ബുക്കിലെയും മറ്റും ട്രോളുകള്‍. ആളുടെ പേര് 'പൊളി ശരത്ത്'. ചിത്രത്തിലെ കഥാപാത്രങ്ങളായ ബോബിയും, പ്രശാന്തും ഒരു ബാറിലിരുന്ന് മദ്യപിക്കുമ്പോള്‍ പാശ്ചാത്തലത്തിലുള്ള ഗാനം അരോചകമായി തോന്നുന്നു. അപ്പോള്‍ ബോബി എന്ത് ട്രാക്കാണിത്..? എന്ന് ചോദിക്കുന്നു, പ്രശാന്ത് എടുത്ത് മാറ്റാന്‍ പറയ് എന്ന് പറയുന്നു. അപ്പോള്‍ ബോബി 'പൊളി ശരത്തേ' ട്രാക്ക് മാറ്റ് എന്ന് ആഗ്യത്തില്‍ കാണിക്കുന്നു. എന്നാല്‍ ഈ രംഗത്തില്‍ ശരത്ത് ഇല്ല. ഇതോടെയാണ് ശരത്ത് താരമായത്. മലയാളത്തില്‍ പേരുമാത്രം സൂചിപ്പിക്കപ്പെടുന്ന വിഖ്യാത കഥാപാത്രങ്ങളുടെ കൂട്ടത്തിലാണ് ട്രോളന്മാര്‍ ഇപ്പോള്‍ ശരത്തിനെ കാണുന്നത്- ട്രോളുകള്‍ കാണാം