'എന്നാലും, അതേത് ഗ്രൂപ്പാകും?'; ശബരീനാഥിന്‍റെ സ്ക്രീന്‍ ഷോട്ട് പുറത്തായതില്‍ ചോദ്യവുമായി ട്രോളന്മാര്‍
First Published | Jul 20, 2022, 1:05 PM ISTസ്വപ്നാ സുരേഷിന്‍റെ സ്വര്‍ണ്ണക്കടത്ത് കേസിലെ വിവാദ വെളിപ്പെടുത്തല്‍ പുറത്ത് വന്നിട്ട് മാസങ്ങളായി. എന്നാല്‍ അതുയര്‍ത്തി വിട്ട പ്രശ്നങ്ങള്‍ ഇന്നും തുടരുകയാണ്. മുഖ്യമന്ത്രിക്കും സ്വര്‍ണ്ണക്കടത്തില്‍ പങ്കുണ്ടെന്ന വെളിപ്പെടുത്തലിന് പിന്നാലെ പ്രതിപക്ഷത്തിന്‍റെ നേതൃത്വത്തില്‍ മുഖ്യമന്ത്രിയെ വഴി നീളെ കരിങ്കാടി കാണിച്ച് യൂത്ത് കോണ്‍ഗ്രസുകാര്‍ നടന്നു. ഒടുവില്‍ സഹികെട്ട് മുഖ്യമന്ത്രി വിമാനം പിടിച്ചു. എന്നാല്‍, അതിനകത്തും കരിങ്കൊടിയുമായി കോണ്‍ഗ്രസുകാര്‍ കയറി. ഒടുവില്‍ ഉന്തും തള്ളും കേസുമായി. പ്രതിഷേധിച്ചവര്‍ക്കെതിരെ രണ്ട് ആഴ്ചയും പ്രതിഷേധത്തെ പ്രതിരോധിച്ച ഇ പി ജയരാജനെതിരെ മൂന്ന് ആഴ്ചത്തെ വിലക്കുമായി ഇന്‍ഡിഗോ രംഗത്തെത്തി. ഇതിന് മറുപടിയായി മുഖ്യമന്ത്രി വിമാനത്തില്‍ പോകുന്നുണ്ടെന്നും അവിടെയും പ്രതിഷേധിക്കാമെന്നുമുള്ള ആശയം പുറത്ത് വിട്ട കെ എസ് ശബരീനാഥ് എംഎല്‍എയെ പൊലീസ് അറസ്റ്റ് ചെയ്തു. ഇതോടെ കോണ്‍ഗ്രസിന്‍റെ ഗ്രൂപ്പ് കളി വാട്സാപ്പ് ഗ്രൂപ്പ് കളിയായതായി ട്രോളന്മാരും കണ്ടെത്തി. കാണാം ആ കളികള്‍.