പിറന്നാളായിട്ട് ഗെയ്‌ലിനെ ടീമിലെടുത്തില്ല; ആരാധകര്‍ കട്ടക്കലിപ്പില്‍
First Published | Sep 21, 2021, 8:36 PM ISTദുബായ്: 'യൂണിവേഴ്‌സ് ബോസ്' ക്രിസ് ഗെയ്‌ലിന്‍റെ(Chris Gayle) 42-ാം പിറന്നാളാണിന്ന്. എന്നാല്‍ മൈതാനത്ത് ഗെയ്‌ലിന്‍റെ പിറന്നാളാഘോഷം കാത്തിരുന്ന ആരാധകര്‍ക്ക് നിരാശയായി പഞ്ചാബ് കിംഗ്‌സിന്‍റെ(Punjab Kings) തീരുമാനം. ഐപിഎല്ലില്‍ രാജസ്ഥാന്‍ റോയല്‍സിനെതിരായ(Rajasthan Royals) മത്സരത്തില്‍ ഗെയ്‌ലിന് കളിക്കാന്‍ പഞ്ചാബ് അവസരം നല്‍കിയില്ല. വിന്‍ഡീസ് വെടിക്കെട്ട് വീരനെ പുറത്തിരുത്താന്‍ തീരുമാനിക്കുകയായിരുന്നു പഞ്ചാബ് മാനേജ്‌മെന്‍റ്. ഇതിനോട് രൂക്ഷ ഭാഷയിലാണ് യൂണിവേഴ്‌സ് ബോസിന്‍റെ(Universe Boss) ആരാധകര്‍ പ്രതികരിച്ചത്.