വീണ്ടും 'മുട്ട', സ്ഥിരതയുടെ കാര്യത്തില്‍ സഞ്ജു കഴിഞ്ഞിട്ടേയുള്ളൂ; ജാദവിനും കൊട്ട്, ആഘോഷമാക്കി ട്രോളര്‍മാര്‍
First Published | Oct 20, 2020, 2:17 PM ISTമലയാളി താരം സഞ്ജു സാംസണ്‍ ഈ സീസണ്‍ ഐപിഎല്‍ എങ്ങനെ തുടങ്ങിയെന്നുള്ള ക്രിക്കറ്റ് ആരാധകര്‍ മറക്കാനിടയില്ല. ആദ്യ രണ്ട് മത്സരങ്ങളിള്‍ തന്നെ 159 റണ്‍സാണ് താരം അടിച്ചെടുത്തത്. അതും 74 പന്തുകള്‍ മാത്രം നേരിട്ടുകൊണ്ട്. എന്നാല്‍ പിന്നീടുള്ള എട്ട് മത്സരങ്ങളില്‍ സഞ്ജുവിന് നേടാനായത് വെറും 77 റണ്‍സ് മാത്രം. 76 പന്തുകള്‍ താരം നേരിട്ടു. ഇതില്‍ ആറ് തവണ രണ്ടക്കം കാണാതെ പുറത്തായി. ഇന്നലെ ചെന്നൈ സൂപ്പര്‍ കിംഗ്‌സിനെതിരെ റണ്‍സൊന്നുമെടുക്കാതെയാണ് സഞ്ജു മടങ്ങിയത്. പതിവുപോലെ സോഷ്യല്‍ മീഡിയയില്‍ ട്രോളുകളും നിറഞ്ഞു. മോശം ഫോമില്‍ കളിക്കുന്ന ചെന്നൈ സൂപ്പര്‍ കിംഗ്‌സിന്റെ കേദാര്‍ ജാദവുമായിട്ടൊക്കെയാണ് താരം താരതമ്യം ചെയ്യപ്പെടുന്നത്. ഇന്നലെ വിവിധ സോഷ്യല്‍ മീഡിയില്‍ ഗ്രൂപ്പുകളില്‍ സഞ്ജുവിനെതിരെ വന്ന ചില ട്രോളുകള്‍ കാണാം...