സ്വയം നേരത്തെയിറങ്ങി, ത്രിപാഠി വാലറ്റത്തും; ഡികെയെ നായകസ്ഥാനത്തുനിന്ന് പുറത്താക്കണമെന്ന് ആരാധകര്‍
First Published | Oct 4, 2020, 11:26 AM ISTഷാര്‍ജ: ഐപിഎല്ലില്‍ ദിനേശ് കാര്‍ത്തിക്കിന് കീഴില്‍ കൊല്‍ക്കത്ത നൈറ്റ് റൈഡേഴ്‌സിന് വീണ്ടും തൊട്ടതെല്ലാം പിഴച്ചു. ശനിയാഴ്‌ച നടന്ന മത്സരത്തില്‍ ഡല്‍ഹി കാപിറ്റല്‍സിനോട് 18 റണ്‍സിന്‍റെ തോല്‍വി വഴങ്ങി. ബാറ്റിംഗ് ഓര്‍ഡറിലെ യുക്തിരഹിതമായ പരീക്ഷണങ്ങളും ഡികെ സ്വയം രക്ഷകനാകാന്‍ ശ്രമിച്ചതുമാണ് തോല്‍വിയുടെ പ്രധാന കാരണങ്ങളിലൊന്ന് എന്ന് ആരാധകര്‍ വിമര്‍ശിക്കുന്നു. നായക സ്ഥാനത്തുനിന്ന് ഡികെയെ മാറ്റണമെന്ന ആവശ്യം സാമൂഹ്യമാധ്യമങ്ങളില്‍ ശക്തമായി.