ടാസ്കിന്‍റെ ആദ്യം തന്നെ കോള്‍സെന്‍ററിലേക്ക് വളിച്ച ലക്ഷ്മി പ്രിയയ്ക്ക് റിയാസിനെ പ്രകോപിപ്പിക്കാന്‍ കഴിഞ്ഞില്ല. കുലസ്ത്രീ വിഷയം എടുത്തിട്ട് റിയാസിനെ പ്രകോപിപ്പിക്കാനായിരുന്നു ലക്ഷ്മി പ്രിയ ശ്രമിച്ചത്. എന്നാല്‍, തനിക്ക് പറയാനുള്ള കാര്യങ്ങള്‍ പറഞ്ഞ് കഴിഞ്ഞപ്പോള്‍ തന്നെ ലക്ഷ്മി പ്രിയ ഫോണ്‍ കട്ട് ചെയ്തു. റിയാസിന് സംസാരിക്കാന്‍ ഇട നല്‍കാത്തതിനാലും ടാസ്ക് തീരും മുമ്പ് ഫോണ്‍ കട്ട് ചെയ്തതിനാലും ഇതോടെ പോയന്‍റ് കോള്‍സെന്‍റര്‍ ടീമിന് ലഭിച്ചു.
ടാസ്ക് കഴിഞ്ഞയുടനെ ലക്ഷ്മി പ്രിയയുടെ അടുത്ത് ചെന്ന് ലക്ഷ്മി, പറഞ്ഞതിനൊക്കെ പുറകെ നടന്ന റിയാസ് പ്രതികരിക്കാന്‍ ശ്രമിച്ചെങ്കിലും ലക്ഷ്മി അതിലൊന്നും വലിയ താത്പര്യം കാണിക്കാതെ പലപ്പോഴും റിയാസിനെ അവഗണിക്കുകയാണ് ചെയ്തത്. അതിനിടെ ടാസ്കില്‍ പോയന്‍റ് നഷ്ടപ്പെട്ടതെങ്ങനെയെന്നും ഫോണ്‍ വിളിക്കുന്ന ടീം വിശലകനം ചെയ്തു.
ഈ ടാസ്കിന് ശേഷം അടുക്കളയില്‍ വച്ച്, റിയാസ് പുതിയൊരു വിഷയം എടുത്തിട്ടു. ജാസ്മിന് എം മൂസ, ബിഗ് ബോസ് വീട്ടില്‍ നിന്നും പുറത്ത് പോയപ്പോള്‍, അവള്‍ ഉപയോഗിച്ചിരുന്ന കാപ്പി പൊടി തനിക്ക് തന്നിരുന്നെന്നും മാത്രമല്ല, ജാസ്മിനെ അവസാന ദിവസങ്ങളില്‍ പ്രതിസ്ഥാനത്ത് നിര്‍ത്തിയ ദില്‍ഷയും ബ്ലെസ്ലിയും ലക്ഷ്മി പ്രിയയും ജാസ്മിന്‍റെ കാപ്പി കുടിക്കരുതെന്നും അത് തനിക്ക് ഇഷ്ടമല്ലെന്നുമായിരുന്നു റിയാസിന്‍റെ വാദം.
ജാസ്മിന് ഉപയോഗിച്ചിരുന്ന കാപ്പി പൊടി മാറ്റിവച്ച് കൊണ്ട് 'ജാസ്മിന്‍റെ കാപ്പി ആരും കുടിക്കണ്ട' എന്ന് പറഞ്ഞുകൊണ്ടാണ് റിയാസ് പ്രശ്നത്തിന് തുടക്കം കുറിച്ചത്. ഇത് കേട്ടപ്പോള്‍ തന്നെ അടുത്ത് നിന്നിരുന്ന സൂരജ് 'എന്നാ നീയും കുടിക്കണ്ട' എന്ന് മറുപടിയും പറഞ്ഞു. ഞാന്‍ കുടിച്ചെന്ന് ഇതിനിടെ ദില്‍ഷ മറുപടി പറഞ്ഞു.'
പതിവ് പോലെ, Please don't. That's rude.എന്ന് റിയാസിന്‍റെ മറുപടിയെത്തി. ഇവിടെയുള്ളതെല്ലാം എല്ലാവര്‍ക്കും കഴിക്കാനുള്ളതാണെന്നും അങ്ങനെ പ്രത്യേകിച്ച് നിയമൊന്നും ഇല്ലെന്നും ദില്‍ഷ മറുപടി പറഞ്ഞു. 'ഒരിക്കലുമല്ല' എന്നായി റിയാസ്. ജാസ്മിന്‍റെ ബര്‍ത്ത് ഡേയ്ക്ക് കിട്ടിയ സാധാനമാണെന്ന് റിയാസ് ഉറപ്പിച്ചു.
ജാസ്മിന് ഇപ്പോള്‍ ഇവിടെ ഇല്ലെന്നും മാത്രമല്ല, ഉണ്ടായിരുന്നപ്പോള്‍ തങ്ങള്‍ക്കും കുടിക്കാന്‍ തന്നിരുന്നെന്നും ദില്‍ഷയും സൂരജും ഏതാണ്ടെരുമിച്ച് പറഞ്ഞു. ജാസ്മിന് എന്തുണ്ടാക്കിയാലും എല്ലാവര്‍ക്കും കൊടുക്കാറുണ്ടെന്നും ഇതുവരെയായിട്ടും അവളുടെ ഒരു സാധനവും എടുക്കരുതെന്ന് പറഞ്ഞിട്ടില്ലെന്നും ദില്‍ഷ തിരിച്ചടിച്ചു. സൂരജ് ഒപ്പം നിന്നു.
'റിയാസിന് ആര് അനുവാദം തന്നു അത് എടുക്കണ്ടെന്ന് പറയാന്‍', സൂരജ് ശബ്ദം ഉയര്‍ത്തി ചോദിച്ചു. ദില്‍ഷ, സൂരജിനെ പിന്താങ്ങി. ദില്‍ഷയെ പ്രകോപിപ്പിക്കാന്‍ ശ്രമിക്കുന്നതിനിടെ സൂരജിന്‍റെ ചോദ്യം കേട്ട റിയാസ് അത്ഭുതപ്പെട്ടു. So what ever you have done. ജാസ്മിന് ഇവിടുന്ന് പോയപ്പോള്‍... റിയാസ് പറഞ്ഞ് തുടങ്ങി.
ഇതിനിടെ ദില്‍ഷ, 'ഞാനെന്താണ് റിയാസ്, ജാസ്മിനെതിരെ ചെയ്തതെന്ന് എനിക്ക് മനസിലാകുന്നില്ല. റിയാസ് എപ്പഴും എപ്പഴും എടുത്ത് പറയുന്നുണ്ടല്ലോ..' എന്ന് മറുപടി നല്‍കി. ജാസ്മിന് പോകുമ്പോള്‍ ഒരു Speech എടുത്ത് പറഞ്ഞായിരുന്നല്ലോ ദില്‍ഷയ്ക്ക് വേണ്ടി.' റിയാസ് തന്‍റെ വാദത്തിനായി പറഞ്ഞു.
ജാസ്മിന്‍റെ അടുത്ത് റിയാസാണോ ഇങ്ങനെ ഓരോന്ന് കുത്തികൊടുക്കുന്നതെന്ന് എനിക്കിപ്പോ നല്ല സംശയമുണ്ട്. ഇത് കേട്ട റിയാസ് അറിഞ്ഞ് തന്നെ ചിരിച്ചു. കൂടെ, 'ഈ കോഫി ആര് കുടിച്ചാലും ദില്‍ഷയോ, ബ്ലെസ്ലിയോ ലക്ഷ്മി പ്രിയയോ കുടിക്കുന്നത് ഞാന്‍ സമ്മതിക്കില്ല.' റിയാസ് തന്‍റെ ഏകാധിപത്യ നിലപാട് വ്യക്തമാക്കി.
'എന്നാല്‍, ഞാന്‍ ഓള്‍റെഡി കുടിച്ച് കഴിഞ്ഞെന്ന്' ദില്‍ഷ മറുപടി പറഞ്ഞു. 'എന്നാ, ഇനി കുടിക്കില്ലെന്ന് ഞാന്‍ ഉറപ്പ് വരുത്തു'മെന്ന് റിയാസ് മറുപടി പറഞ്ഞു. അത് പറയാന്‍ റിയാസിന് അവകാശമില്ലെന്നായി ദില്‍ഷ.
ഡോ.റോബിന്‍ രാധാകൃഷ്ണന്‍റെ ഗ്ലാസ് പൊട്ടിച്ച് കളയാന്‍ ആരാണ് റിയാസിന് അധികാരം തന്നതെന്നായി ദില്‍ഷ. 'അത് ഞാന്‍ തീരുമാനിച്ചു' ബിഗ് ബോസിനെക്കാളും തീരുമാനങ്ങളെടുക്കാന്‍ അധികാരമുള്ളവനെന്ന് അഹംഭാവത്തോടെ റിയാസ് പ്രതികരിച്ചു.
'ഞാന്‍ സ്വയം തീരുമാനിച്ചു'. റിയാസ് തന്‍റെ നയം ആവര്‍ത്തിച്ചു. ഇത്രയും നേരം അവരോടൊപ്പമുണ്ടായിരുന്ന ക്യാപ്റ്റന്‍ ധന്യയും അഖിലും ഇക്കാര്യത്തില്‍ ഇടപെടാതെ മാറിനില്‍ക്കുകയായിരുന്നു. റിയാസ് തന്‍റെ സ്വയം തീരുമാനങ്ങളെ കുറിച്ച് പറഞ്ഞ് തുടങ്ങിയപ്പോള്‍ ധന്യ മുന്നോട്ട് വരികയും റിയാസ് മാറ്റി വച്ച കാപ്പി പൊടിയുടെ കുപ്പി കൈക്കലാക്കി.
കുപ്പിയിപ്പോള്‍ ക്യാപ്റ്റന്‍റെ കൈയിലാണെന്നും ക്യാപ്റ്റന്‍ സൂക്ഷിക്കുമെന്നും ധന്യ പ്രഖ്യാപിച്ചു. ഇതിനിടെ അവിടെയെത്തിയ റോണ്‍സണ്‍ ധന്യയുടെ കൈയില്‍ നിന്നും കുപ്പി തട്ടിപ്പറിച്ച് ഓടി. ദില്‍ഷ, ബ്ലെസ്ലിയോട് റിയാസിന്‍റെ ഏകാധിപത്യപരമായ തീരുമാനം ഇതിനിടെ പറഞ്ഞു.
ബിഗ് ബോസ് ഈ വീട്ടിലേക്ക് ഒരു കോഫി കൊടുത്ത് വിട്ടിട്ടുണ്ടെങ്കില്‍ അത് ഇവിടെ എല്ലാവര്‍ക്കും ഉപയോഗിക്കാനുള്ളതാണെന്നും അല്ലാതെ ചിലര്‍ക്ക് മാത്രം ഉപയോഗിക്കാനുള്ളതല്ലെന്നും എല്ലാവര്‍ക്കും അവകാശപ്പെട്ടതാണെന്നും ഇതിനിടെ ദില്‍ഷ വിളിച്ച് പറയുന്നുണ്ടായിരുന്നു.
ജാസ്മിന്... ജാസ്മിന്.. എന്ന് വിശദീകരണത്തിനായി റിയാസ് തപ്പിയപ്പോള്‍, റിയാസിന് എന്ത് അധികാരമാണ് ഡോ.റോബിന്‍റെ കുപ്പി പൊട്ടിച്ച് കളയാന്‍ എന്ന് ദില്‍ഷ, റിയാസിനെ ചോദ്യം ചെയ്തു. 'ജാസ്മിന്‍റെ പേഴ്സണല്‍ സാധനം ഒരു മനുഷ്യനും കുടിക്കണ്ട' റിയാസ് തന്‍റെ തീരുമാനം അറിയിച്ചു.
പേഴ്സണലായിട്ട് ബിഗ് ബോസ് ആര്‍ക്കും ഒരു സാധനവും കൊടുത്തിട്ടില്ലെന്നായി ദില്‍ഷ. എന്നാല്‍ ജാസ്മിന്‍റെ ബര്‍ത്ത് ഡേയ്ക്ക് ബിഗ് ബോസ് നല്‍കിയതാണ് കാപ്പിപ്പൊടിയെന്നും അത് മറ്റാരും ഉപയോഗിക്കരുതെന്നും റിയാസ് ആവര്‍ത്തിച്ചു.
ബര്‍ത്ത് ഡേയ്ക്ക് കൊടുത്തു എന്നല്ലാതെ അത് ഇവിടെ ആര്‍ക്കും ഷെയര്‍ ചെയ്യരുതെന്ന് ലാല്‍ സാറോ ബിഗ് ബോസോ പറഞ്ഞിട്ടില്ലെന്നും ദില്‍ഷ ആവര്‍ത്തിച്ചു. അങ്ങനെ എല്ലാവര്‍ക്കും ഷെയര്‍ ചെയ്യാവുന്നതാണോ ജാസ്മിന് എന്നായിരുന്നു റിയാസിന്‍റെ മറുപടി.
ഈ സമയമാണ് ആദ്യമായി അഖില്‍, റിയാസിനോട് സംസാരിച്ചത്. Already ഈ കോഫി ജാസ്മിന് ഇവിടെ എല്ലാവര്‍ക്കും കൊടുത്തിട്ടുണ്ട്. അഖില്‍ പറഞ്ഞു. കൊടുത്തിട്ടുണ്ടാകാം. I don't thing, ജാസ്മിനെ വിഷമിപ്പിച്ചവര്‍ ഇനി ആ സാധാനം കുടിക്കണമെന്ന്'. റിയാസ് ഒരു ബിഗ് ബോസ് വീട്ടില്‍ ജാസ്മിന്‍റെ പേരില്‍ ഒരു അങ്കത്തിനുള്ള കോപ്പ് കൂട്ടുകയായിരുന്നു.
ഈ സമയം ക്യാപ്റ്റന്‍ ധന്യ ഇടപെട്ടു. ' അത് തീരുമാനിക്കുന്നത് റിയാസല്ല.' ധന്യ നിര്‍ത്തിയിടത്ത് നിന്ന് ദില്‍ഷ തുടങ്ങി. 'അങ്ങനൊരു കാര്യം തീരുമാനിക്കാന്‍ റിയാസിന് ഇവിടാരും അധികാരം തന്നിട്ടില്ല.' കൂടുതല്‍ പ്രശ്നങ്ങളില്ലാതിരിക്കാന്‍ ദില്‍ഷ പോക്കോളൂവെന്നും ധന്യ ആവശ്യപ്പെട്ടു. '
ഇതിനിടെ പതിവ് പോലെ ബ്ലെസ്ലി, റിയാസിന് കോഫി വേണോ എന്ന് ചോദിച്ച് രംഗത്തെത്തി. 'നിനക്ക് നാണമില്ലേ അവളുടെ കോഫി എടുത്ത് കുടിക്കാന്‍ ? 'എന്നായിരുന്നു റിയാസിന്‍റെ മറുചോദ്യം. 'ഞാന്‍ ഇപ്പഴും കുടിച്ചു. ഇനിയും കുടിക്കും.' ബ്ലെസ്ലി വിട്ടുകൊടുക്കാന്‍ തയ്യാറായിരുന്നില്ല.
ഒരാളെ വിഷമിപ്പിച്ച്, ബ്രേക്ക് ഡൗണാക്കി ഇവിടെ നിന്ന് ഇറക്കി വിട്ടിട്ട്. അയാളുടെ കോഫി എടുത്ത് കുടിക്കാന്‍ നാണമില്ലേ എന്ന് റിയാസ് നിരന്തരം ചോദിച്ച് കൊണ്ടിരുന്നു. ഇതിനിടെ ജാസ്മിന്‍റെ നിന്‍റെ ഫ്രണ്ടായിരിക്കാം. അത് പോലെ തന്നെ ഡോ.റോബിന്‍ എന്‍റെ ഫ്രണ്ടാണ്. അയാളുടെ ഗ്ലാസ് എടുത്ത് നീ പൊട്ടിച്ച് കളഞ്ഞു. അത് എനിക്ക് വേണമെന്ന് പറഞ്ഞാല്‍ നീ ഒട്ടിച്ച് തരുമോ? ദില്‍ഷ ഇമോഷണലായി.
ഞാന്‍ അതില്‍ സന്തോഷിച്ചതല്ലേ എന്നായിരുന്നു റിയാസിന്‍റെ മറുപടി. നിന്നപ്പോലെ റോബിന്‍റെ ഗ്ലാസ് പൊട്ടിക്കുകയോ റോബിന്‍റെ പൂച്ചെട്ടി പൊട്ടിക്കുകയോ ഞാന്‍ ചെയ്തിട്ടില്ല. അതാണ് നമ്മള്‍ തമ്മിലുള്ള വ്യത്യാസം. ദില്‍ഷ. റിയാസിനെ ഗുണദോഷിക്കാന്‍ ശ്രമിച്ചു.
ഇതിനിടെ, തന്‍റെ ഗ്ലാസ് ആരെങ്കിലും എടുക്കുകയാണെങ്കില്‍ ഉപയോഗിച്ച ശേഷം കഴുകിവെയ്ക്കമെന്ന് ഇതുവരെയില്ലാത്ത ശബ്ദത്തില്‍ റോണ്‍സണ്‍, വിനയ് മാധവിനോട് പറഞ്ഞു. അതുവരെയുണ്ടായ പ്രശ്നത്തിന് താത്കാലിക പ്രശ്ന പരിഹാരമായി എല്ലാവരും പിരിഞ്ഞ് പോകാന്‍ ധന്യ ആവശ്യപ്പെട്ടെങ്കിലും പ്രശ്നം അവിടെ അവസാനിച്ചിരുന്നില്ല.
ഒരു ഭക്ഷണം ഒരാളോട് കഴിക്കാന്‍ പാടില്ലെന്ന് പറയാന്‍ താങ്കള്‍ക്ക് എങ്ങനെ തോന്നുന്നു എന്ന് ദില്‍ഷ, റിയാസിനോട് ചോദിച്ചു. ഒരാളെ പറഞ്ഞ് വിട്ടിട്ട് അയാളുടെ സാധനങ്ങള്‍ എങ്ങനെയാണ് താങ്കള്‍ എടുക്കുന്നതെന്നായിരുന്നു റിയാസിന്‍റെ മറുചോദ്യം.
മാത്രമല്ല. തന്‍റെ സാധനങ്ങള്‍ മറ്റൊരാള്‍ ഉപയോഗിക്കാതിരിക്കാന്‍ അത് എറിഞ്ഞ് പൊട്ടിച്ചിട്ട് പോകണമെന്നാണ് ജാസ്മിന് പറഞ്ഞിരുന്നതെന്നും തന്‍റെ സാധനങ്ങള്‍ ആര്‍ക്കും കൊടുക്കരുതെന്നും ജാസ്മിന് പറഞ്ഞിരുന്നതായി റിയാസ് അവകാശപ്പെട്ടു.
ഇതോടെ നാളെ രാവിലെ എല്ലാവര്‍ക്കും കോഫി നല്‍കണമെന്ന് ബ്ലെസ്ലി ധന്യയോട് ആവശ്യപ്പെട്ടു. ബ്ലെസ്ലിയുടെ ആവശ്യം നേരത്തെ അംഗീകരിച്ചതാണെന്നായി ധന്യ. കോഫി കിട്ടാത്തതിന്‍റെ പേരില്‍ ആരും തമ്മില്‍ തല്ലരുതെന്നും നാളെ എല്ലാവര്‍ക്കും കോഫി ഉണ്ടായിരിക്കുമെന്നും ധന്യ അറിയിച്ചു.
റിയാസ് തമാശയ്ക്ക് വേണ്ടിയാരുന്നില്ല ഈ തര്‍ക്കത്തിന് തുടക്കം കുറിച്ചത്. അവര്‍ കുടിക്കുകയാണെങ്കില്‍ കോഫി നശിപ്പിച്ച് കളയാന്‍ റിയാസ്, റോണ്‍സണോട് പിന്നിട് ആവശ്യപ്പെട്ടു. റോണ്‍സണെ പിരികേറ്റിയാല്‍ സംഗതി നടക്കുമെന്നായിരുന്നു റിയാസ് കരുതി ഇരുന്നത്.
ജാസ്മിന് അത് എറിഞ്ഞ് പൊട്ടിക്കാന്‍ ആവശ്യപ്പെട്ടിരുന്നുവെന്നും റിയാസ്, റോണ്‍സണോട് പറഞ്ഞു. എന്നാല്‍, ഭക്ഷണക്കാര്യത്തില്‍ റിയാസിനൊപ്പം നിന്ന് അത് നശിപ്പിക്കാന്‍ റോണ്‍സണ്‍ തയ്യാറായില്ലെന്ന് മാത്രമല്ല. താന്‍ ഭക്ഷണ സാധനങ്ങള്‍ എറിഞ്ഞ് പൊട്ടിക്കാന്‍ കൂട്ട് നില്‍ക്കില്ലെന്നും സംശയത്തിനിടയില്ലാത്ത വിധം റോണ്‍സണ്‍ വ്യക്തമാക്കി.
പിന്നീട് വിനയ് മാധവിനോട് സംസാരിക്കുമ്പോഴും റിയാസ്, ജാസ്മിന് പോകുമ്പോള്‍ തന്നോട് ആ കോഫി ഇനി ഒരു മനുഷ്യരും ഉപയോഗിക്കരുതെന്ന് പറഞ്ഞിരുന്നെന്നും താനും ആക്കാര്യം തിരുമാനിച്ചിരുന്നെന്നും റിയാസ് പറഞ്ഞു. ദില്‍ഷ, റോബിനെ സപ്പോര്‍ട്ട് ചെയ്യുന്നത് കൊണ്ട് ജാസ്മിന്, ദില്‍ഷയുടെ കാര്യത്തില്‍ വലിയ ഡിസ്അപ്പോയന്‍റ്മെന്‍റുണ്ടായിരുന്നു... എന്നിങ്ങനെ വിനയ് മാധവിനെ സ്വാധീനിക്കാനുള്ള ശ്രമവും റിയാസ് നടത്തി.
താന്‍ കണ്ടന്‍റിന് വേണ്ടിയല്ല ഇത് പറഞ്ഞതെന്നും എന്നാല്‍, തന്‍റെ വിഷമം കൊണ്ടാണെന്നും റിയാസ് പറയാന്‍ ശ്രമിച്ചു. പിന്നീട് ധന്യ കാപ്പി എടുത്ത് മാറ്റിയ കാര്യം റോണ്‍സണ്‍ റിയാസിനോട് പറഞ്ഞപ്പോഴും . രഹസ്യമായിട്ടോ പരസ്യമായിട്ടോ ഒരു മനുഷ്യനും ഇവിടെ ആ കാപ്പി കുടിക്കില്ലെന്നായിരുന്നു. അതിന് ശേഷവും കാപ്പിയുടെ കാര്യത്തില്‍ ദില്‍ഷയോട്, ചൊറിയാനും റിയാസ് ശ്രമിച്ചു. എപ്പിസോഡിന്‍റെ ഒടുവില്‍, ജാസ്മിന് ബിഗ് ബോസ് നല്‍കിയ മുട്ട, മറ്റാരും കാണാതെ റിയാസും റോണ്‍സണും കൂടി രാത്രിയില്‍ മോഷ്ടിച്ചെടുത്ത് കഴിക്കുന്നതും കാണാമായിരുന്നു.