ഇറ്റാലിയൻ കപ്പ് ക്വാര്‍ട്ടറില്‍ സ്‌പാലിനെ നിലം തൊടാൻ അനുവദിച്ചില്ല കരുത്തരായ യുവന്റസ്. വിജയം എതിരില്ലാത്ത നാല് ഗോളുകള്‍ക്ക്.
ടൂറിന്‍: ഇറ്റാലിയൻ കപ്പ് ഫുട്ബോളിൽ യുവന്റസ് സെമി ഫൈനലില്‍ കടന്നു. ക്വാര്‍ട്ടറില്‍ സ്‌പാലിനെ എതിരില്ലാത്ത നാലിന് ഗോളിന് തകര്‍ത്താണ് യുവന്റസിന്‍റെ മുന്നേറ്റം. അതേസമയം സ്‌പാനിഷ് കിംഗ്സ് കപ്പില്‍ ബാഴ്‌സലോണ ക്വാര്‍ട്ടറില്‍ എത്തി.
undefined
ഇറ്റാലിയൻ കപ്പ് ക്വാര്‍ട്ടറില്‍ സ്‌പാലിനെ നിലം തൊടാൻ അനുവദിച്ചില്ല കരുത്തരായ യുവന്റസ്. 16-ാം മിനിറ്റില്‍ പെനാല്‍റ്റിയിലൂടെ മൊറോട്ട ആദ്യ ഗോള്‍ നേടി. 33-ാം മിനിറ്റില്‍ യുവന്റസിന്‍റെ രണ്ടാം ഗോള്‍. 78-ാം മിനിറ്റില്‍ ദെജാൻ കുളുസെവ്‌സ്‌കിയും വല കുലുക്കി. കളി തീരാൻ നിമിഷങ്ങള്‍ മാത്രം ശേഷിക്കെ ഫെഡറികോ ചീസ യുവന്റസിന്‍റെ ഗോള്‍ പട്ടിക തികച്ചു. ആദ്യാവസാനം കാഴ്‌ചക്കാരായി നോക്കി നില്‍ക്കാനെ സ്‌പാല്‍ താരങ്ങള്‍ക്കായുള്ളൂ.
കിംഗ്സ് കപ്പില്‍ ബാഴ്സ
സ്‌പാനിഷ് കിംഗ്സ് കപ്പ് പ്രീക്വാര്‍ട്ടറില്‍ റയോ വയേകാനോയെയാണ് ഒന്നിനെതിരെ രണ്ട് ഗോളുകള്‍ക്ക് ബാഴ്സ തോല്‍പ്പിച്ചത്. 63-ാം മിനിറ്റില്‍ റയോ വയേകാനോ ആദ്യ ഗോള്‍ നേടി. ബാഴ്സ ആരാധകരെ അധികം സമ്മര്‍ദ്ദത്തിലാക്കാതെ 69-ാം മിനിറ്റില്‍ ലിയോണല്‍ മെസി ഗോള്‍ മടക്കി. 80-ാം മിനിറ്റില്‍ ഡിജോംഗ് വിജയഗോളും നേടി.
അവസാന സ്ഥാനക്കാരോട് തോല്‍വി; ഞെട്ടിവിറച്ച് യുണൈറ്റഡ്