നെഞ്ചെരിച്ചിലും ആസിഡ് റിഫ്ലക്സും ഒഴിവാക്കാൻ മിക്ക ആളുകളും കുടിക്കുന്ന മൂന്ന് സാധാരണ പാനീയങ്ങൾ ശരിക്കും സ്ഥിതി കൂടുതൽ വഷളാക്കുമെന്നാണ് ഗ്യാസ്ട്രോഎൻട്രോളജിസ്റ്റായ ഡോക്ടർ സേത്തി പറയുന്നത്.
നെഞ്ചെരിച്ചിൽ, ആസിഡ് റിഫ്ലക്സ് എന്നിവ സാധാരണ കണ്ടുവരുന്ന ദഹനപ്രശ്നങ്ങളാണ്. പലരും നെഞ്ചെരിച്ചിലിന് ആശ്വാസത്തിനായി ചില പാനീയങ്ങളിലേക്ക് തിരിയുമ്പോൾ, ചില പാനീയങ്ങൾ ഈ അവസ്ഥകളെ വഷളാക്കും. നെഞ്ചെരിച്ചിലും ആസിഡ് റിഫ്ലക്സും ഒഴിവാക്കാൻ മിക്ക ആളുകളും കുടിക്കുന്ന മൂന്ന് സാധാരണ പാനീയങ്ങൾ ശരിക്കും സ്ഥിതി കൂടുതൽ വഷളാക്കുമെന്നാണ് ഗ്യാസ്ട്രോഎൻട്രോളജിസ്റ്റായ ഡോക്ടർ സേത്തി പറയുന്നത്. അത്തരത്തില്‍ നെഞ്ചെരിച്ചിലിനെ വഷളാക്കുന്ന മൂന്ന് പാനീയങ്ങള്‍ എന്തൊക്കെയാണെന്ന് നോക്കാം.
1. നാരങ്ങാ വെള്ളം
നാരങ്ങാവെള്ളം ആരോഗ്യകരമായ പാനീയമായി പലപ്പോഴും പറയപ്പെടുമ്പോഴും ഇത് ചിലരില്‍ നെഞ്ചെരിച്ചിലും ആസിഡ് റിഫ്ലക്സും വഷളാക്കും. നാരങ്ങാനീരിലെ അസിഡിറ്റി അന്നനാളത്തെ പ്രകോപിപ്പിക്കുകയും രോഗലക്ഷണങ്ങൾ വഷളാക്കുകയും ചെയ്യും. അതിനാല്‍ നെഞ്ചെരിച്ചില്‍ പോലെയുള്ള ദഹന പ്രശ്നങ്ങള് ഉള്ളപ്പോള്‍ നാരങ്ങാ വെള്ളം കുടിക്കുന്നത് ഒഴിവാക്കുന്നതാണ് നല്ലത്.
2. സോഡകൾ
റെഗുലർ സോഡകളും ഡയറ്റ് സോഡകളും നെഞ്ചെരിച്ചിലും ആസിഡ് റിഫ്ലക്സിനും കാരണമാകും. സോഡകളിലെ കാർബൺ ഡൈ ഓക്സൈഡ് വയറിലെ മർദ്ദം വർദ്ധിപ്പിക്കും, ആസിഡിനെ അന്നനാളത്തിലേക്ക് തിരികെ കയറാൻ പ്രേരിപ്പിക്കുന്നു. കൂടാതെ, സാധാരണ സോഡകളിലെ പഞ്ചസാര രോഗലക്ഷണങ്ങൾ വർദ്ധിപ്പിക്കുകയും ചെയ്യും.
3. ആപ്പിൾ സിഡെർ വിനഗർ
ആപ്പിൾ സിഡെർ വിനഗറും നെഞ്ചെരിച്ചിലിനും ആസിഡ് റിഫ്ലക്സിനും ഒരു പ്രതിവിധി അല്ല. ഇവയുടെ അസിഡിറ്റി സ്വഭാവം കാരണം ഇവയും ലക്ഷണങ്ങളെ വഷളാക്കും.
Also read: ക്യാന്‍സര്‍ സാധ്യത കുറയ്ക്കാന്‍ സഹായിക്കുന്ന മൂന്ന് സുഗന്ധവ്യജ്ഞനങ്ങൾ