മൂന്ന് വോട്ടുകള്‍ വീതം ലഭിച്ച അര്‍ച്ചനയും സാബുവും എലിമിനേഷന്‍ ലിസ്റ്റില്‍ എത്തി. തിങ്കളാഴ്ച ക്യാപ്റ്റന്‍ ആയിരുന്ന അരിസ്റ്റോ സുരേഷിന് രണ്ടുപേരെ നേരിട്ട് നോമിനേറ്റ് ചെയ്യാനുള്ള അവസരം ഉണ്ടായിരുന്നു.
പലതരം സര്‍പ്രൈസുകള്‍ ഉള്‍ക്കൊള്ളുന്നതായിരുന്നു ബിഗ് ബോസ് മലയാളം സീസണ്‍ ഒന്നിന്റെ 86-ാം എപ്പിസോഡ് (തിങ്കളാഴ്ച). മോഹന്‍ലാല്‍ മത്സരാര്‍ഥികള്‍ക്ക് നല്‍കിയിരുന്ന വാഗ്ദാനമനുസരിച്ച് ബിഗ് ബോസ് ഹൗസില്‍ നടത്തിയ സിനിമാപ്രദര്‍ശനമായിരുന്നു സര്‍പ്രൈസുകളില്‍ ഒന്ന്. പിന്നാലെ നടന്ന ഇത്തവണത്തെ എലിമിനേഷനായുള്ള നോമിനേഷന്‍ ലിസ്റ്റ് പ്രഖ്യാപനവും അത്തരത്തില്‍ ഒന്നായി. ഈ വാരത്തിലെ എലിമിനേഷന്‍ ലിസ്റ്റില്‍ ഇടംനേടിയ നാല് പേര്‍ ഒഴികെയുള്ള മൂന്ന് മത്സരാര്‍ഥികള്‍ക്ക് ഗ്രാന്‍ഡ് ഫിനാലെയിലേക്ക് പ്രവേശനം നല്‍കിയും ബിഗ് ബോസ് തിങ്കളാഴ്ച എപ്പിസോഡില്‍ സര്‍പ്രൈസ് ഒരുക്കി.
ഈ വാരത്തിലെ നോമിനേഷന്‍ ഇങ്ങനെ
അതിഥി- പേളി, ശ്രീനിഷ്
ഷിയാസ്-സാബു, അര്‍ച്ചന
പേളി- സാബു, അര്‍ച്ചന
അര്‍ച്ചന- ശ്രീനിഷ്, സുരേഷ്
സാബു- ഷിയാസ്, അതിഥി
ശ്രീനിഷ്- സാബു, അര്‍ച്ചന
ഇതുപ്രകാരം മൂന്ന് വോട്ടുകള്‍ വീതം ലഭിച്ച അര്‍ച്ചനയും സാബുവും എലിമിനേഷന്‍ ലിസ്റ്റില്‍ എത്തി. തിങ്കളാഴ്ച ക്യാപ്റ്റന്‍ ആയിരുന്ന അരിസ്റ്റോ സുരേഷിന് രണ്ടുപേരെ നേരിട്ട് നോമിനേറ്റ് ചെയ്യാനുള്ള അവസരം ഉണ്ടായിരുന്നു. ഷിയാസിനെയും പേളിയെയുമാണ് സുരേഷ് നോമിനേറ്റ് ചെയ്തത്. ഇതോടെ ഈ വാരം നോമിനേഷന്‍ ലഭിക്കാതിരുന്ന ശ്രീനിഷ് അരവിന്ദ്, അരിസ്റ്റോ സുരേഷ്, അതിഥി റായ് എന്നിവര്‍ ഗ്രാന്‍ഡ് ഫിനാലെയിലേക്ക് യോഗ്യത നേടിയതായി ബിഗ് ബോസ് പ്രഖ്യാപിച്ചു.