പ്രതിപക്ഷ നേതാവ് രാഹുല് ഗാന്ധിക്ക് ആശംസകളുമായി വിജയ്.
രാഹുല് ഗാന്ധിയെ അഭിനന്ദിച്ചെത്തിയിരിക്കുകയാണ് വിജയ്. ഏകകണ്ഠമായി പ്രതിപക്ഷ നേതാവായി തെരഞ്ഞെടുക്കപ്പെട്ടതിനാണ് താരം കോണ്ഗ്രസ് നേതാവ് രാഹുലിനെ അഭിനന്ദിച്ചത്. രാജ്യത്തെ ജനങ്ങളെ മികച്ചതായി സേവിക്കാനകട്ടെയെന്നും ആശംസിച്ചു വിജയ്. തമിഴക വെട്രി കഴകം അധ്യക്ഷനായ താരം രാഷ്ട്രീയത്തില് സജീവമായിരിക്കുകയാണ്.
വിജയ് ആരാധകര് ആകാംക്ഷയോടെ കാത്തിരിക്കുന്നത് ദ ഗ്രേറ്റസ്റ്റ് ഓഫ് ഓള് ടൈം സിനിമ ആണ്. ദ ഗോട്ട് എന്ന വിജയ് സിനിമയുടെ ചിത്രീകരണം തിരുവനന്തപുരത്തും നടന്നിരുന്നു. ക്ലൈമാക്സാണ് തിരുവനന്തപുരത്ത് ചിത്രീകരിച്ചത്. കേളത്തിലും വലിയ ആരാധകരുള്ള ഒരു താരമാണ് ദളപതി വിജയ് എന്നതും പ്രധാനമാണ്.
സംവിധായകൻ വെങ്കട് പ്രഭുവിന്റെ പുതിയ ചിത്രത്തിനായി ഡി ഏജിംഗ് സാങ്കേതിക വിദ്യ ഉപയോഗിച്ചാണ് ദളപതി വിജയ്യെ ചെറുപ്പമാക്കുക എന്നും റിപ്പോര്ട്ടുകള് ഉണ്ടായിരുന്നു. കെ ചന്ദ്രുവും ഏഴിലരശ് ഗുണശേഖരനുമാണ് തിരക്കഥ എഴുതുന്നത്. ഛായാഗ്രാഹണം നിര്വഹിക്കുന്നത് സിദ്ധാര്ഥയാണ്. യുവൻ ശങ്കര് രാജയുടെ സംഗീതത്തിലുള്ള ദ ഗോട്ട് ദളപതി വിജയ്യുടെ ഹിറ്റ് ചിത്രമാകും എന്നാണ് ആരാധകര് പ്രതീക്ഷിക്കുന്നത്.
ദളപതി വിജയ് നായകനായി ഒടുവിലെത്തിയ ചിത്രം ലിയോ പ്രേക്ഷകരുടെ പ്രതീക്ഷകള് ശരിവെച്ചതായിരുന്നു. സംവിധായകൻ ലോകേഷ് കനകരാജിന്റെ പുതിയ ചിത്രത്തില് വിജയ് നായകനായപ്പോള് പ്രതീക്ഷയ്ക്കപ്പുറത്തെ വിജയം നേടുകയും തമിഴകത്തെ ഇൻഡസ്ട്രി ഹിറ്റാകുകയും പല കളക്ഷൻ റെക്കോര്ഡുകളും മറികടക്കുകയും ചെയ്തിരുന്നു എന്നാണ് റിപ്പോര്ട്ടുകള്. ആഗോളതലത്തില് വിജയ്യുടെ ലിയോ ആകെ 620 കോടി രൂപയിലധികം നേടി എന്നാണ് ബോക്സ് ഓഫീസ് റിപ്പോര്ട്ടുകളില് നിന്ന് വ്യക്തമായത്. പാര്ഥിപൻ എന്ന നായക കഥാപാത്രമായി ചിത്രത്തില് ദളപതി വിജയ് നടൻ എന്ന നിലയിലും മികച്ച പ്രകടനവുമായി വലിയ ശ്രദ്ധയാകര്ഷിച്ചിരുന്നു.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക