സൂര്യയുടെ കങ്കുവയെ കുറിച്ചുള്ള നിര്‍ണായകമായ ഒരു അപ്‍ഡേറ്റും പുറത്തുവിട്ടു.
തമിഴകത്തിന്റെ സൂര്യ നായകനായി വരാനിരിക്കുന്ന ചിത്രമാണ് കങ്കുവ. സൂര്യ കങ്കുവയില്‍ എത്തുന്നത് ഇരട്ട കഥാപാത്രളായിട്ട് ആണ്. ട്രൈബല്‍ നേതാവായിട്ടാണ് ഒരു കഥാപാത്രം. നടപ്പുകാലത്തെ ആധുനിക മനുഷ്യനുമായിട്ടുള്ള സൂര്യയുടെ കഥാപാത്രത്തിന്റെ പേര് പുറത്തുവിട്ടരിക്കുകയാണ്.
കങ്കുവ എന്ന് തന്നെയാണ് പ്രധാന കഥാപാത്രത്തിന് പേര്. എന്നാല്‍ രണ്ടാം കഥാപാത്രമായി കങ്കുവ സിനിമയില്‍ സൂര്യയെത്തുന്നത് ഫ്രാൻസിസായിട്ടാണ്. തമാശക്കാരനുമായ രണ്ടാമത്തെ കഥാപാത്രമായ ഫ്രാൻസിസ്. സിരുത്തൈ ശിവയുടെ സംവിധാനത്തിലുള്ള ചിത്രത്തിലെ ഫ്രാൻസിസ് കഥാപാത്രത്തിന് ലൗവ് ട്രാക്കും ഉണ്ടെന്നാണ് റിപ്പോര്‍ട്ട്. റിലീസിന് സൂര്യയുടെ കങ്കുവ 100 കോടിയില്‍ അധികം നേടുമോ എന്നതും ചര്‍ച്ചയാകുന്നുണ്ട്. കഥയും കങ്കുവയിലെ രംഗങ്ങളും പറഞ്ഞപ്പോള്‍ ഇതുവരെ കാണാത്തതാണ് എന്ന് നടൻ സൂര്യ പറഞ്ഞതായും സിരുത്തൈ ശിവ അഭിമുഖത്തില്‍ വ്യക്തമാക്കിയിരുന്നു. ഫൈനല്‍ കോപ്പി താരം കണ്ടതിന് ശേഷം ആത്മവിശ്വാസം വര്‍ദ്ധിച്ചു എന്നും ഇന്റര്‍വെല്‍ ബ്ലോക്കാണെന്ന് സൂര്യ നേരത്തെ സൂചിപ്പിച്ചിരുന്നുവെന്നും വെളിപ്പെടുത്തിയിരിക്കുകയാണ് സംവിധായകൻ സിരുത്തൈ ശിവര
സംവിധായകൻ സിരുത്തൈ ശിവയുടെ കങ്കുവ സിനിമയിലെ പ്രധാന ഗാനം നേരത്തെ പുറത്തുവിട്ടിരുന്നു. കങ്കുവ ഒന്നിനൊപ്പം രണ്ടാം ഭാഗത്തിന്റെയും കഥ പൂര്‍ത്തിയായിട്ടുണ്ട് എന്നും നിര്‍മാതാവ് വ്യക്തമാക്കിയതും ചിത്രത്തിന്റെ ആരാധകരെ ആവേശത്തിലാക്കിയിട്ടുണ്ട്. കങ്കുവ രണ്ടിന്റെ ചിത്രീകരണം എപ്പോഴായിരിക്കുമെന്നും ചിത്രത്തിന്റെ നിര്‍മാതാവ് സൂചിപ്പിച്ചു. കങ്കുവ 2 2026ല്‍ തീര്‍ക്കാനാണ് തങ്ങള്‍ ഉദ്ദേശിക്കുന്നതെന്ന് കെ ഇ ഝാനവേല്‍ പറഞ്ഞതായും റിപ്പോര്‍ട്ടുണ്ട്.
ആമസോണ്‍ പ്രൈം വീഡിയോയാണ് ചിത്രത്തിന്റെ ഒടിടി റൈറ്റ്സ്‍ നേടിയത്. ഒരു നടനെന്ന നിലയില്‍ കങ്കുവ സിനിമ വലിയ അനുഗ്രഹമാണെന്ന് സൂര്യ വ്യക്തമാക്കി. പ്രതീക്ഷയേറെയുള്ള കങ്കുവയുടെ ചിത്രീകരണം ഓരോ ദിവസവും കൂടുതല്‍ മെച്ചപ്പെട്ടതായിരുന്നു എന്നായിരുന്നു നേരത്തെ താരം ചൂണ്ടിക്കാട്ടിയതും. അറിയാത്ത ഒരു പ്രദേശത്ത് നടക്കുന്ന കഥയായതിനാല്‍ കങ്കുവ പ്രധാനപ്പെട്ടതാണെന്നും സൂര്യ വ്യക്തമാക്കിയിരുന്നു. തങ്ങള്‍ കങ്കുവ ഏതാണ്ട് 150 ദിവസത്തില്‍ അധികമെടുത്താണ് ചിത്രീകരിച്ചതെന്നും രാജ്യമൊട്ടാകെ പ്രേക്ഷകര്‍ക്ക് എന്തായാലും ഇഷ്‍ടപ്പെടും എന്നാണ് വിശ്വസിക്കുന്നത് എന്നും താരം വ്യക്തമാക്കി.
ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക