ആക്ഷനും പ്രാധാന്യം നല്കിയിട്ടാണ് ചിത്രം.
മലയാളത്തിന്റെ യുവ നായകനില് ശ്രദ്ധയാകര്ഷിച്ച താരമാണ് ആന്റണി വര്ഗീസ്. ആന്റണി വര്ഗീസിന്റെ നായകനാകുന്ന ചിത്രത്തിന്റെ സംവിധാനം അജിത്ത് മാമ്പള്ളിയാണ്. നീണ്ടുനില്ക്കുന്ന കടല് സംഘര്ഷത്തിന്റെ കഥയാണ് ചിത്രത്തില് പ്രമേയമാകുന്നത്. ആന്റണി വര്ഗീസ് നായകനായി വരുന്ന ചിത്രത്തിന്റെ പേര് ഇന്ന് പ്രഖ്യാപിക്കുമെന്നാണ് റിപ്പോര്ട്ട്.
ആന്റണി വര്ഗീസ് നായകനാകുന്ന ആക്ഷൻ ചിത്രത്തിനായി കൊല്ലം കുരീപ്പുഴയിൽ 100 അടി വലിപ്പമുള്ള ബോട്ടിന്റെ ഒരു വമ്പൻ സെറ്റ് ഒരുക്കിയതും നേരത്തെ ശ്രദ്ധയാകര്ഷിച്ചിരുന്നു. ഓണം റിലീസായി ആന്റണി വര്ഗീസ് ചിത്രം എത്തും. രാജ് ബി ഷെട്ടിക്ക് പുറമേ ചിത്രത്തില് ഷബീർ കല്ലറയ്ക്കലും നിര്ണായക വേഷത്തിലുണ്ട്. സോളോ നായകനായി പെപ്പെയുടെ കരിയറിലെ ചിത്രങ്ങളില് ഉയര്ന്ന ബജറ്റ് എന്ന പ്രത്യേകതയുമുണ്ട്. പെപ്പെ 13 എന്നാണ് താല്ക്കാലികമായി ചിത്രത്തിന് പേരിട്ടിരുന്നത്.
ചിത്രം നിര്മിക്കുന്നത് വീക്കെൻഡ് ബ്ലോക്ക്ബസ്റ്റേഴ്സിന്റെ ബാനറിൽ ആണ്. സോഫിയ പോളാണ് നിര്മാതാവ്. കടലിന്റെ പശ്ചാത്തലത്തിലുളള പ്രതികാര കഥയുമായി ചിത്രം എത്തുമ്പോള് ആക്ഷനും പ്രധാന്യം നല്കുന്നു. കെജിഎഫ് ഒന്ന്, കാന്താര തുടങ്ങിയ ചിത്രങ്ങളുടെ സംഘട്ടനം ഒരുക്കിയ വിക്രം മോറാണ് ആന്റണി വര്ഗീസ് നായകനായെത്തുമ്പോഴും സ്റ്റണ്ട് കൊറിയോഗ്രാഫര്. ഒരു തീരപ്രദേശത്തിന്റെ സംസ്ക്കാരവും ജീവിതവും ചിത്രത്തില് തികച്ചും റിയലിസ്റ്റിക്കായി അവതരിപ്പിക്കാനാണ് ശ്രമിക്കുന്നത്.
പുതുമുഖം പ്രതിഭയാണ് നായിക. ഗൗതമി നായർ മറ്റൊരു പ്രധാന കഥാപാത്രത്തെ അവതരിപ്പിക്കുന്നു. ഛായാഗ്രാഹണം ദീപക് ഡി മേനോൻ. ശരത് സഭ, നന്ദു, സിറാജ് തുടങ്ങിയവര്ക്കൊപ്പം ജയക്കുറുപ്പ്, ആഭാ എം. റാഫേൽ, ഫൗസിയ മറിയം ആന്റണി എന്നിവരും നിര്ണായക വേഷത്തില് എത്തുമ്പോള് പ്രൊഡക്ഷൻ കൺട്രോളർ ജാവേദ് ചെമ്പും പിആർഒ ശബരിയും ഡിജിറ്റൽ മാർക്കറ്റിംഗ് അനൂപ് സുന്ദരനുമാണ്.
Read More: പ്രഭാസിന്റെ കല്ക്കിക്കായി കേരളം, പ്രമോഷൻ വീഡിയോ പുറത്തുവിട്ടു;
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക