കാറിൽ കയറി മുന്നോട്ട് പോകാന്‍ ഡ്രൈവർമാരിലൊരാൾ ശ്രമിച്ചതോടെയാണ് അപരൻ കാറിന്റെ ബോണറ്റിന് മുകളിലേക്ക് കയറിയത്. എന്നാൽ ബോണറ്റിന് മുകളിലുള്ള ആളെ പരിഗണിക്കാതെ കാർ അമിത വേഗതയിൽ ഓടിച്ച് പോവുകയാണ് യുവാവ് ചെയ്തത്.
ബെംഗലുരു: വാക്കേറ്റത്തിനിടെ കാർ ഓടിച്ച് പോകാനുള്ള ശ്രമത്തിന്റെ ഭാഗമായി കാറിന്റെ ബോണറ്റിൽ കയറിയിരുന്ന യുവാവുമായി കുതിച്ച് പാഞ്ഞ് ആഡംബര കാർ. കർണാടകയിലെ ബെംഗലുരുവിലാണ് സംഭവം. ജനുവരി 15 മാരമ്മ ക്ഷേത്രത്തിന് സമീപത്ത് നടന്ന സംഭവം പുറത്ത് വരുന്നത് സിസിടിവി ദൃശ്യങ്ങൾ പുറത്ത് വന്നതോടെയാണ്. രാത്രി 8.50ഓടെയാണ് സംഭവം.
ആഡംബര കാർ ഒരു ടാക്സി വാഹനത്തിലിടിച്ചതിന് പിന്നാലെയാണ് സംഭവങ്ങളുടെ ആരംഭം. രണ്ട് ഡ്രൈവർമാരും തമ്മിൽ വാക്കു തർക്കമുണ്ടായി. ഇതിനിടയിൽ കാറിൽ കയറി മുന്നോട്ട് പോകാന്‍ ഡ്രൈവർമാരിലൊരാൾ ശ്രമിച്ചതോടെയാണ് അപരൻ കാറിന്റെ ബോണറ്റിന് മുകളിലേക്ക് കയറിയത്. എന്നാൽ ബോണറ്റിന് മുകളിലുള്ള ആളെ പരിഗണിക്കാതെ കാർ അമിത വേഗതയിൽ ഓടിച്ച് പോവുകയാണ് യുവാവ് ചെയ്തത്.
undefined
എന്നാൽ സമീപത്തുണ്ടായിരുന്ന നാട്ടുകാർ ഓടിയടുത്തതിന് പിന്നാലെ യുവാവ് ബ്രേക്ക് പിടിച്ചു. ഇതിന് പിന്നാലെ ബോണറ്റിലിരുന്ന യുവാവ് നിലത്തേക്ക് വീഴുകയായിരുന്നു. സമീപത്തെ സിസിടിവിയിൽ ആണ് സംഭവത്തിന്റെ ദൃശ്യങ്ങൾ പതിഞ്ഞത്. വീഡിയോ പുറത്ത് വന്നതിന് പിന്നാലെ അജ്ഞാതരായ ആളുകൾക്കെതിരെ പൊലീസ് കേസ് എടുത്ത് അന്വേഷണം ആരംഭിച്ചിട്ടുണ്ട്. സംഭവത്തിൽ ഇരു വിഭാഗക്കാരും പരാതിയുമായി പൊലീസിനെ സമീപിക്കാത്ത സാഹചര്യത്തിലാണ് ഇത്.
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം