സീനിയര് താരങ്ങളുടെ അഭാവത്തില് യുവതാരങ്ങള്ക്ക് പ്രതിഭ തെളിയിക്കാനുള്ള അവസരമാണിതെന്ന് ടോസിനുശേഷം ക്യാപ്റ്റന് കെ എല് രാഹുല് പറഞ്ഞു.
പാള്: ഏകദിന പരമ്പര വിജയികളെ നിര്ണയിക്കാനുള്ള ജീവന്മരണപ്പോരാട്ടത്തില് ഇന്ത്യക്കെതിരെ ടോസ് നേടിയ ദക്ഷിണാഫ്രിക്ക ഫീല്ഡിംഗ് തെരഞ്ഞെടുത്തു. പരമ്പരയിലെ മൂന്നാം മത്സരത്തിലാണ് ദക്ഷിണാഫ്രിക്ക ടോസ് നേടുന്നത്. ആദ്യ രണ്ട് മത്സരങ്ങളില് ഇരു ടീമുകളും ഓരോ മത്സരം വീതം ജയിച്ചതിനാല് ഇന്ന് ജയിക്കുന്നവര്ക്ക് ഏകദിന പരമ്പര സ്വന്തമാക്കാം.
രണ്ടാം മത്സരം ജയിച്ച ടീമില് മാറ്റങ്ങളൊന്നും ഇല്ലാതെയാണ് ദക്ഷിണാഫ്രിക്ക ഇന്നിറങ്ങുന്നത്. അതേസമം കഴിഞ്ഞ മത്സരം തോറ്റ ടീമില് ഇന്ത്യ രണ്ട് മാറ്റങ്ങള് വരുത്തി. വിരലിന് പരിക്കേറ്റ ഓപ്പണര് റുതുരാജ് ഗെയ്ക്വാദ് ഇന്ന് പ്ലേയിംഗ് ഇലവനിലില്ല. പകരം രജത് പാട്ടീദാര് ഇന്ത്യക്കായി ഏകദിന അരങ്ങേറ്റം കുറിക്കുന്നു. ബൗളിംഗില് കുല്ദീപ് യാദവിന് പകരം വാഷിംഗ്ടണ് സുന്ദറും ഇന്ത്യയുടെ പ്ലേയിംഗ് ഇലവനിലെത്തി. മലയാളി താരം സഞ്ജു സാംസണ്, തിലക് വര്മ എന്നിവര് പ്ലേയിംഗ് ഇലവനില് സ്ഥാനം നിലനിര്ത്തി. റുതുരാജിന്റെ അഭാവത്തില് സഞ്ജു സാംസണ് ഇന്ന് ഓപ്പണറായി ഇറങ്ങാനും സാധ്യതയുണ്ട്.
ഏകദിന അരങ്ങേറ്റത്തില് സെഞ്ചുറി നേടിയ ഒരേയൊരു ഇന്ത്യന് താരം, അത് കോലിയോ സച്ചിനോ രോഹിത്തോ സെവാഗോ ഒന്നുമല്ല
സീനിയര് താരങ്ങളുടെ അഭാവത്തില് യുവതാരങ്ങള്ക്ക് പ്രതിഭ തെളിയിക്കാനുള്ള അവസരമാണിതെന്ന് ടോസിനുശേഷം ക്യാപ്റ്റന് കെ എല് രാഹുല് പറഞ്ഞു.
ഇന്ത്യ (പ്ലേയിംഗ് ഇലവൻ): സായ് സുദർശൻ,സഞ്ജു സാംസൺ, രജത് പതിദാർ, തിലക് വർമ്മ, കെ എൽ രാഹുൽ, റിങ്കു സിംഗ്, വാഷിംഗ്ടൺ സുന്ദർ, അക്സർ പട്ടേൽ, അർഷ്ദീപ് സിംഗ്, അവേഷ് ഖാൻ, മുകേഷ് കുമാർ.
ദക്ഷിണാഫ്രിക്ക (പ്ലേയിംഗ് ഇലവൻ): റീസ ഹെൻഡ്രിക്സ്, ടോണി ഡി സോർസി, റാസി വാൻ ഡെർ ഡസ്സെൻ, എയ്ഡൻ മർക്രം, ഹെൻറിച്ച് ക്ലാസൻ, ഡേവിഡ് മില്ലർ, വിയാൻ മൾഡർ, കേശവ് മഹാരാജ്, നാന്ദ്രെ ബർഗർ, ലിസാഡ് വില്യംസ്, ബ്യൂറാൻ ഹെൻഡ്രിക്സ്.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക